Números 14:8 - DIOSPA QHELQACHISQ

⁸ Tata Dioschus allinpaj qhawariwasun chayqa, chay jallp'aman pusawasun, qowasuntaj. Chay jallp'apeqa lechewan, abeja misk'iwan yaku jina purishan, chayrayku manchay sumaj jallp'a kashan.

Qheshwa Biblia DC

⁸ Sichus Señor munakuwanchej chayqa, pay yanapawasun chay jallp'aman chayayta, qowasumpachataj. Chay jallp'apeqa lechewan misk'iwan yaku jina corrishan.

DIOSPA QHELQACHISQAN DEUTEROCANONICAL

⁸ Tata Dioschus allinpaj qhawariwasun chayqa, chay jallp'aman pusawasun, qowasuntaj. Chay jallp'apeqa lechewan, abeja misk'iwan yaku jina purishan, chayrayku manchay sumaj jallp'a kashan.

Números 14:8 ပူးပေါင်းရင်းမြစ်များ

2 Samuel 22:20

kacharichiwarqataj. Noqata munakuwasqanrayku qhespichiwarqa.

1 Reyes 10:9

Tata Diosniyki yupaychasqa kachun, pichus qanwan kusisqa kaspa Israel suyuta kamachinaykipaj churasunki, chay. Israel suyuta wiñaypaj munakusqanrayku payqa kuraj kamachej kanaykipaj, cheqa kajtataj ruwanaykipaj churasunki, nispa.

2 Reyes 18:32

Chaymanta qhepamantaj payqa qankunata uj sumaj jallp'aman pusasonqachej, qankunaj jallp'aykichej jinallamantaj. Chaypeqa trigo poqon, uva huerta tiyan, olivomanta aceite ruwanapaj chantá abeja misk'i ima. Chaypi sumajta tiyakunkichej, manataj wañuchisqachu kankichej. Ezequiastarí ama uyariychejchu. Tata Dios kacharichiwasunchej, nispalla payqa qankunata q'otiyashasunkichej.

Salmos 22:8

8 (9) Niwankutaj: Payqa Tata Diospi atinikuspa suyakorqa. Jina chayqa, Tata Dios kacharichichun ari. Sichus Tata Dios chhikatapuni payta munakun chayqa, pay kikin jamuspa, kacharichichun ari, nispa.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Números 13:27

Chaymantataj Moisesta nerqanku: Noqaykoqa maymanchus kachawasqayku jallp'aman chayarqayku. Chay jallp'apeqa cheqapuni lechewan, abeja misk'iwan ima yaku jina purishan. Rikuychej, má. Kay jinata chay jallp'api poqoj kasqa.

Números 16:14

Qanqa, maypichus lechewan, abeja misk'iwan purishan, kunankama chay jallp'aman manaraj chayachiwaykuchu. Nillataj jallp'ata, nitaj uva huertakunatapis qowaykuchu. Qanqa mana yuyayniyojkunata jina q'otiyayta munashawayku. Mana, mana jamusqaykuchu, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 10:15

Chaywanpis Tata Diosqa qankunaj tataykichejta munakorqa, tukuy ayllu ukhumantataj paykunaj mirayninkuta ajllakorqa. Chaykunaqa qankuna kankichej, imaynatachus kunan rikushanchej, chay.

Josué 14:12

Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.