Números 14:42 - DIOSPA QHELQACHISQ

⁴² Ama riychejchu, imajtinchus Tata Dios manamin qankunawanchu kashan, awqaykichejtaj atipasonqachej.

Qheshwa Biblia DC

⁴² Ama chay orqoman wichariychejchu, Señorqa manamin qankunawanchu kashan. Enemigosniykichej atipasonqachej.

DIOSPA QHELQACHISQAN DEUTEROCANONICAL

⁴² Ama riychejchu, imajtinchus Tata Dios manamin qankunawanchu kashan, awqaykichejtaj atipasonqachej.

Números 14:42 ပူးပေါင်းရင်းမြစ်များ

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Salmos 89:43

43 (44) Kamachiykej espadanta muthuman tukucherqanki, manataj awqankunawan maqanakupi payta yanaparqankichu.

Números 14:43

Amalecitakunawan, cananeokunawan ima qankunawan maqanakunankupaj suyaykushasunkichej, paykunataj wañuchisonqachej. Tata Diosta qhatiyta qhesachasqaykichejrayku, payqa manaña qankunawanchu kashan, nispa.

Deuteronomio 1:42

Tata Diostajrí niwarqa qankunaman ninayta: Ama maqanakoj riychejchu, awqaykichejkunawan atipachikunaykichejpajqa, imaraykuchus noqa mana qankunawanchu kashani, nispa.

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.

Josué 7:12

Chayrayku israelitakunaqa awqankuta mana atipayta atenqankuchu. Aswanpis awqankoqa israelitakunata ayqechimullanqankupuni, imaraykuchus phirisqa kanankupaj jina kanku. Sichus qankuna, imachus phirisqa kananta nerqani, chaykunata mana usqhayta phirinkichejchu chayqa, mana noqapis qankunawanñachu kasaj.

Josué 7:8

Ay, Tata Dios. Imá nisajtaj kunanri? Soldadoykunaqa awqaykukunamanta ayqerikampunku.

Jueces 16:20

Chantá Dalilaqa qhaparerqa: Sansón, filisteokuna jap'isoj jamushanku, nispa. Sansontaj rijch'ariytawan, yuyarqa ñawpaj kutipi jina kacharichikunallanta. Jinapis mana yacharqachu Tata Diosqa payta saqerparisqanta.