Números 14:34 - DIOSPA QHELQACHISQ

³⁴ Qankunaqa Canaán jallp'ata tawa chunka p'unchayta qhawaspa purerqankichej. Ajinallatataj tawa chunka watata, sapa p'unchaymanta uj watata, jasut'isqa kankichej. Ajinata qankunaqa contraypi oqharikuna qhasi manakaj kasqanta yachankichej.

Qheshwa Biblia DC

³⁴ Qankuna Canaán jallp'ata qhawamorqankichej tawa chunka diaspi; ajinallatataj tawa chunka watasta jasut'iyniykichejta jap'inkichej sapa diamanta uj watata. Ajinamanta qankunaqa yachankichej imaynatachus contrayta rimana kasqanta.

DIOSPA QHELQACHISQAN DEUTEROCANONICAL

³⁴ Qankunaqa Canaán jallp'ata tawa chunka p'unchayta qhawaspa purerqankichej. Ajinallatataj tawa chunka watata, sapa p'unchaymanta uj watata, jasut'isqa kankichej. Ajinata qankunaqa contraypi oqharikuna qhasi manakaj kasqanta yachankichej.

Números 14:34 ပူးပေါင်းရင်းမြစ်များ

1 Reyes 8:56

Tata Diosqa yupaychasqa kachun Moisesnejta nisqanman jina allin kawsayta Israel ayllunman qosqanmanta. Imatachus nisqanmanta mana ujpis mana junt'asqanqa kanchu.

2 Crónicas 36:21

Ajinamanta Diosmanta sut'inchaj Jeremiaspa nisqan junt'akorqa. Jinamanta Israel suyoj jallp'anqa qanchis chunka wata junt'akunankama samarerqa, ñawpajta israelitakuna mana jallp'ata samarichisqankumanta.

Salmos 105:42

Diosqa ñawpa nisqanmanta yuyarikorqa, kamachin Abrahamman tiluspa imatachus nisqanmanta.

Salmos 38:4

4 (5) Millayta ruwasqay atiykushawan, llasa q'epita jina mana apayta atishanichu.

Salmos 77:8

8 (9) Khuyakuynenqa wiñaypajpunichu tukukapun? Imatachus niwasqanchejta manañapunichu junt'anqa?

Salmos 95:10

Tawa chunka watata paykunapaj phiñasqa karqani. Nerqanitaj: Kay runakunaqa mana allintachu purinku, manataj kamachisqaytapis kasuwankuchu, nispa.

Ezequiel 14:10

Llullallata sut'inchajta tapurikoj runa, jinallataj sut'inchajpis juchankumanta jasut'isqa kanqanku.

Ezequiel 23:35

Chayrayku noqa Tukuyta Kamachej Tata Dios nillanitaj: Noqamanta qonqapuwasqaykirayku, wasanchawasqaykiraykutaj qan jasut'isqa kanayki tiyan, khuchichakuypi kawsasqaykimanta, munasqaykipi purisqaykimantawan, nispa.

Ezequiel 4:5

Mashkha watatachus paykuna millayta ruwaspa purerqanku, chay chhika p'unchayllataj kanqa, chaytaj ruwakun 390 p'unchaykuna. Chay chhika p'unchaykunata Israel aylloj juchanta apanki.

Ezequiel 4:6

Chay tiempo junt'akojtinkama, pañamantañataj siriykunki. Judá aylloj juchantañataj pataykiman churaykukunki tawa chunka p'unchay junt'akunankama, uj p'unchayta sapa wata millayta ruwaspa purisqankumanta.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Oseas 9:12

Wawankuta uywanqanku chaypis, noqa qhechukapusaj ni uj puchuyojta. Ay, imarajchus kanqa, paykunamanta karunchakusqayrayku.

Levítico 20:19

Ama mamaykej ñañanwan, nitaj tataykej pananwan puñuykunkichu, imaraykuchus aylluykimin kanku. Puñuykojkunaqa juchallisqankumanta jasut'isqa kanqanku.

Zacarías 11:10

Chaymantá “Khuyakuy” nisqa tojnuta oqharispa, p'akirparerqani. Chay niyta munarqa Dios tukuy suyukunawan ruwasqa tratonta p'akisqanta.

Números 13:25

Chantá jallp'ata tawa chunka p'unchaypi qhawayta tukuytawan, kachakunaqa

Números 18:23

Dioswan Tinkukuna Toldopi imachus ruwanataqa, levitakunalla ruwanqanku. Imapipis pantaykuspaqa, paykunallataj cuentayoj kanqanku. Kay kamachisqayqa mirayniykichejpaj wiñaypaj kanqa. Levitakunaqa israelitakuna ukhupi mana jallp'ayojchu kanqanku,

Números 32:13

Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Hechos 13:18

Paykuna tawa chunka watata jina ch'innejpi purishaspa, imaymana kawsayniyoj karqanku. Chaywanpis Dios paykunawan pacienciakorqa.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Hebreos 4:1

Diosqa israelitakunaman nisqa paypa qosqan samarinaman yaykunankuta, chay nisqantaj kunankama kashallanraj. Chayrayku manchachikuna tiyan. Pajtataj qankunamanta mayqenpis Diospa qosqan samarinaman mana yaykushanmanchu.

Josué 14:10

Tata Dios ajinata Moisesman nisqanqa tawa chunka phishqayoj wataña kashan. Chayta nerqa israelitakuna ch'innejllataraj jamushajtinku, nisqanman jinataj Diosqa kunankama kawsachiwan. Qhaway, kunanqa ñapis pusaj chunka phishqayoj watayojña kashani.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.