Números 14:3 - DIOSPA QHELQACHISQ

³ Imapajtaj Tata Dios kayman pusamuwarqanchejri? Maqanakupi wañunanchejpajchu? Warminchejkunata, wawanchejkunata ima awqanchejkuna jap'inankupajchu? Aswan allin kanman Egiptoman kutipunanchej, nispa.

Qheshwa Biblia DC

³ Imapajtaj Señorqa kayman pusamuwarqanchejri? Maqanakupi wañunanchejpajchu? Warmisninchej, wawasninchej ima enemigosninchejpa makisninman presos urmanankupajchu? Chaypajqa allin kanman Egiptoman kutipunanchej.

DIOSPA QHELQACHISQAN DEUTEROCANONICAL

³ Imapajtaj Tata Dios kayman pusamuwarqanchejri? Maqanakupi wañunanchejpajchu? Warminchejkunata, wawanchejkunata ima awqanchejkuna jap'inankupajchu? Aswan allin kanman Egiptoman kutipunanchej, nispa.

Números 14:3 ပူးပေါင်းရင်းမြစ်များ

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Salmos 78:40

Paykuna ashkha kutita Diosta mana kasorqankuchu, ch'innejpitaj payta phiñacherqanku.

Éxodo 16:3

Nerqanku: Allin kanman karqa Egiptopi Tata Diospa makinpi wañunayku. Jaqaypeqa ashkha aychayoj mankaj ñawpaqenpi tiyarikoj kayku, t'antatapis sajsakunaykukama mikhoj kayku. Qankunarí kay jina ch'inman pusamuwayku, yarqhaymanta wañuchinawaykupaj, nispa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Jeremías 42:14

Manachayqa Egiptoman tiyakoj ripuyta munayku. Chaypi maqanakuta mana rikusqaykuchu, manataj soldadokunata wajyaj cornetata waqajta uyarisqaykuchu, manallataj yarqhaymantapis wañusqaykuchu, nispa.

Jeremías 42:19

Noqataj niykichej: Tata Diosqa qankuna Judá ayllumanta puchojkunaman kamachisunkichej: Ama Egiptoman ripuychejchu, nispa. Ama qonqaychejchu imatachus noqa mayta nishaykichej, chayta:

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Números 11:20

Manachayqa amichikunaykichejkama, chantá millachikunaykichejkama aychata uj killa junt'ata mikhunkichej, imaraykuchus qankunawan kashaj Tata Diosta pisipaj qhawarqankichej. Qankunaqa Diospa ñawpaqenpi waqarqankichej: Imapajtaj Egiptomanta llojsimorqanchejri? nispa.

Números 16:13

Qanpajqa pisichu, lechewan, abeja misk'iwan purishaj jallp'amanta orqhomuspa, kay ch'innejpi wañuchinawaykupaj pusamuwasqaykoqa? Kunantaj, qan kamachejniyku kayta munashanki.

Números 20:3

Chantá Moisespaj rimaspa, nerqanku: Wakin israelitakuna masiyku wañushajtinku, noqaykupis paykunawan khuska wañunayku allin kanman karqa.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Hechos 7:39

Chaywanpis ñawpa tatanchejkuna Moisesta mana kasuyta munaspa, payta qhesacharqanku, sonqonkupitaj Egiptoman kutiripuyta yuyarqanku.

Deuteronomio 1:39

Qankunaqa yuyarqankichej awqaykichej wawaykichejta qhechusunanta. Chay wawaykichejkuna, pikunachus manaraj yachankuchu imachus allin, imatajchus mana allinchu kasqanta, paykuna chay jallp'aman yaykuspa, jap'enqanku. Noqa paykunaman chay jallp'ata qosaj.