Números 14:23 - DIOSPA QHELQACHISQ

²³ Chayrayku paykunamanta ni mayqenninku, tatankuman qonayta nerqani, chay jallp'aman yaykonqankuchu. Noqata manakajpaj qhawawajkunamantaqa mana ujpis chay jallp'ata rikonqankuchu.

Qheshwa Biblia DC

²³ Chayrayku paykunamantaqa ni mayqenninku qosqaykichej nerqani chay jallp'aman yaykonqankuchu, tatasninkuman qonayta nerqani chayman. Nitaj ni mayqen noqata qhesachawajkunapis chay jallp'ata rikonqankuchu.

DIOSPA QHELQACHISQAN DEUTEROCANONICAL

²³ Chayrayku paykunamanta ni mayqenninku, tatankuman qonayta nerqani, chay jallp'aman yaykonqankuchu. Noqata manakajpaj qhawawajkunamantaqa mana ujpis chay jallp'ata rikonqankuchu.

Números 14:23 ပူးပေါင်းရင်းမြစ်များ

Nehemías 9:23

Paykunata mirachillarqankitaj janajpi ch'askakuna chhikatapuni. Ñawpa tatankuman qonaykita nerqanki, chay suyumanpis paykunata pusallarqankitaj.

Salmos 106:26

Chayrayku Tata Dios ch'innejpi paykunata wañurachinanpaj tilorqa,

Salmos 95:11

Chayrayku sinch'i phiñakuyniypi tiluspa, nerqani: Paykuna samarinankupaj qosqay jallp'aman manapuni yaykonqankuchu, nispa.

Jeremías 18:10

Sitajchus chay suyupi tiyakojkuna millayta ruwaspa, kamachisqayta mana kasunku chayqa, ima allinkunatachus paykunapaj wakichiporqani, chayta manaña junt'asajchu.

Ezequiel 20:15

Chaywanpis ch'innejpi paykunaman tiluspa, nerqani: Mana chay jallp'aman pusaykusqaykichejchu, maypichus lechewan, abeja misk'iwan yaku jina purishan, mayqentajchus tukuy jallp'amanta aswan sumaj kashan, chay jallp'aman, nispa.

Números 26:64

Israelitakuna yupasqa karqanku chaykunapeqa mana ujpis karqachu Moiseswan, sacerdote Aaronwan ima Sinaí orqopi yuparqanku, chaykunamanta.

Números 26:65

Tata Dios paykunaman nisqa: Ch'innejpi wañunkichej, nispa. Chayrayku paykunamanta mana ujpis kawsashaj karqañachu. Yefunej churin Calebwan, Nunpata churin Josuellawan mana wañorqankuchu.

Números 32:11

Egiptomanta llojsimojkunamanta, iskay chunka watayojmanta pataman chay jallp'ata mana rikonqankuchu, imajtinchus mana tukuy sonqochu qhatiwarqanku. Chay jallp'ata Abrahamman, Isaacman, Jacobman ima tiluspa qonayta nerqani, chayman mana yaykonqankuchu.

Deuteronomio 1:8

Noqa chay suyukunata qankunaman qoykichej. Chayrayku chayman rispa, chay jallp'ata jap'ej yaykuychej. Chay jallp'ata noqa Tata Dios ñawpa tataykichej Abrahamman, Isaacman, Jacobman, jinallataj mirayninkuman ima tiluspa qonayta nerqani, nispa.

Hebreos 4:3

Noqanchej Diospi atinikojkunaqa samarinanman yaykunchej. Diospi mana atinikojkunamantarí Dios kay jinata nin: Chayrayku k'araj phiñakuyniypi tiluspa nerqani: Mana samarinankupaj qosqayman yaykonqankuchu, nispa. Dios ajinata nerqa, kay pachata ruwayta tukuytawan samarisqanmanta parlaspa.