Números 14:2 - DIOSPA QHELQACHISQ

² Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Qheshwa Biblia DC

² Jinamanta tukuyninku Moisespaj Aarompajwan rimayta qallarerqanku: Allin kanman karqa Egiptopi wañunanchej, chayri ch'impi wañunanchejpis.

DIOSPA QHELQACHISQAN DEUTEROCANONICAL

² Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Números 14:2 ပူးပေါင်းရင်းမြစ်များ

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

Job 3:11

Imaraykutaj mamaypa wijsallanpiraj, mana wañorqanichuri? Imaraykutaj paqarikushaspa, mana wañorqanichuri?

Salmos 106:24

Chantá israelitakuna moq'ena jallp'ata pisipaj qhawarqanku, manataj Diospa nisqanta jap'ikorqankuchu.

Salmos 106:25

Aswanpis toldonkupi Tata Diospaj thutorqanku, manataj Tata Diospa nisqanta kasorqankuchu.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Éxodo 14:11

Moisestapis nillarqankutaj: Manachu Egiptopi aya p'ampana karqa? Kay ch'inpi wañunaykupajchu pusamuwarqayku? Imatataj kayta ruwawaykuri? Imapajtaj Egiptomanta orqhomuwarqaykuri?

Éxodo 15:24

Chaymanta israelitakunaqa Moisespa contranta thutuspa, nerqanku: Imatataj kunan ujyasqaykuri? nispa.

Éxodo 17:3

Chaywanpis israelitakunaqa manchay yaku ch'akiywan kaspa, Moisespaj thutorqanku: Ima nispataj Egiptomanta orqhomuwarqaykuri? Wawaykuta, uywaykutawan yaku ch'akiymanta wañuchinawaykupajchu kayman pusamuwayku? nispa.

Jonás 4:3

Chayrayku kunanqa, Tata Dios, mañakuyki wañuchinawaykita. Astawan allin kanman wañupunay kawsanaymantaqa, nispa.

Jonás 4:8

Inti llojsimuytataj Tata Dios sinch'i q'oñi wayrata inti llojsimuynejmanta wayrachimorqa. Jinapi intej ruphaynin Jonaspa umanta sinch'ita k'ajaykorqa, chayraykutaj Jonaspa yuyaynin chinkanayarqa. Paytaj wañuyta munaspa, nerqa: Astawan allin kanman wañupunay, kawsanaymanta nisqaqa, nispa.

Números 11:1

Ujpacha israelitakuna llakiypi rikhurispa, Tata Diospa contranta thutuyta qallarerqanku. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa.

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.

Números 11:5

Egiptopi kashaspa, qhasilla challwata mikhusqaykuta yuyarikuyku. Yuyarikullaykutaj pepinota, melonta, puerrota, cebollata, ajota ima mikhusqaykuta.

Números 14:1

Chantá chayta uyarispa, israelitakunaqa waqaspa qhaparerqanku, mayta waqaspataj sut'iyarqanku.

Números 14:22

Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

Números 16:13

Qanpajqa pisichu, lechewan, abeja misk'iwan purishaj jallp'amanta orqhomuspa, kay ch'innejpi wañuchinawaykupaj pusamuwasqaykoqa? Kunantaj, qan kamachejniyku kayta munashanki.

Números 16:41

41 (17.6) Q'ayantinrí tukuy israelitakunaqa Moisespaj, Aaronpaj ima rimarqanku: Qankunaqa Tata Diospa ayllunta wañurachishankichej, nispa.

Números 17:6

6 (21) Chantá Moisesqa chayta israelitakunaman willarqa. Jinataj sapa jatun ayllumanta kurajkuna uj varatakama apamorqanku. Chay varakunawan khuska Aaronpatapis chayllapitaj kasharqa. Tukuyninpi chunka iskayniyoj varakuna karqa.

Números 20:2

Chaypi mana yaku kasqanrayku, israelitakuna tantakuspa, Moisespa, chantá Aaronpa contranta ima oqharikorqanku.

Números 20:3

Chantá Moisespaj rimaspa, nerqanku: Wakin israelitakuna masiyku wañushajtinku, noqaykupis paykunawan khuska wañunayku allin kanman karqa.

Números 20:4

Imapajtaj Tata Diospa ayllunta kay ch'innejman pusamunkichejri? Uywaykuwan khuskachu kaypi wañunaykuta munankichej?

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

1 Corintios 10:10

Nillataj Diospa contranta thutunachu, imaynatachus paykunamanta wakin thutorqanku, jinataqa. Chaypacha Diospa angelninñataj paykunata wañuracherqa.

Deuteronomio 1:27

Qankunaqa toldoykichejpi thutuspa, nerqankichej: Tata Diosqa mana munakuwanchejchu. Egiptomanta orqhomuwanchej amorreokunaj makinkuman jaywaykunawanchejpaj, jinamanta noqanchejta wañuchispa tukuchinawanchejpaj.

Deuteronomio 9:23

Qankuna Cadés Barneapi kashajtiykichej, Tata Diosqa puririnaykichejta kamachisorqachej: Rispa, noqa qoshaykichej chay jallp'ata jap'imuychej, nispa. Qankunatajrí kasuyta mana munarqankichejchu, nitaj paymanta jap'ikorqankichejchu, nillataj payta kasorqankichejchu.

Hebreos 3:16

Pikunataj Diospa parlasqanta uyarispaña payta phiñacherqankuri? Israelitakuna karqanku, pikunatachus Moisés Egiptomanta orqhomusqa, chaykuna.

Judas 1:16

Jinallataj chay mana cheqanta yachachejkuna wasamanta rimakojkuna kanku, thutojkunataj. Paykuna sonqonkoj munasqanta ruwanallankupaj kawsanku, wapuykachaspataj may kasqankumanta parlanku. Chantá paykunallapaj imatapis tariyta munaspa, runata llosq'onku.