Números 14:11 - DIOSPA QHELQACHISQ

¹¹ Chantá Tata Dios Moisesta nerqa: Mayk'ajkamataj kay runakuna noqata pisipaj qhawawanqankuri? Paykunaj rikunankuta t'ukuna imakunata ruwashajtiypis, mayk'ajkamataj mana noqapi atinikuyta munanqankuchuri?

Qheshwa Biblia DC

¹¹ Señortaj Moisesman nerqa: Mayk'ajkamataj kay runasqa noqata qhesachawanqankuri? Mayk'ajkamataj mana creewanqankuchu, paykunaj chaupinkupi rikushajtinku milagrosta ruwashajtiypisri?

DIOSPA QHELQACHISQAN DEUTEROCANONICAL

¹¹ Chantá Tata Dios Moisesta nerqa: Mayk'ajkamataj kay runakuna noqata pisipaj qhawawanqankuri? Paykunaj rikunankuta t'ukuna imakunata ruwashajtiypis, mayk'ajkamataj mana noqapi atinikuyta munanqankuchuri?

Números 14:11 ပူးပေါင်းရင်းမြစ်များ

Salmos 106:24

Chantá israelitakuna moq'ena jallp'ata pisipaj qhawarqanku, manataj Diospa nisqanta jap'ikorqankuchu.

Salmos 78:22

Ajina karqa, imajtinchus paykuna mana Diospi atinikorqankuchu, nitaj yanapananta yuyarqankuchu.

Salmos 78:32

Chaywanpis, paykuna watej juchallikullarqankutaj, Diospa atiyninmanta iskayrayaspa.

Salmos 95:8

Ama sonqoykichejta rumiyachiychejchu, imaynatachus ñawpa tataykichejkuna Meribapi sonqonkuta rumiyacherqanku jinataqa, imaynatachus Masah ch'innejpi sonqonkuta rumiyacherqanku jinataqa.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 16:28

Chayrayku Tata Dios Moisesta nerqa: Mayk'ajkamataj qankuna kamachisqayta, yachachisqayta ima mana kasuyta munankichejchuri?

Éxodo 23:21

Paypa nisqanta uyarispa kasukuy, amataj mana uyarikuyta munajqa kaychu. Payqa noqaj sutiypi ruwanqa, mana uyarikoj kasqaykitataj mana pampachanqachu.

Éxodo 32:9

Chay jawa Tata Diosqa Moisesta nillarqataj: Noqa yachaniña kay runakuna rumi sonqo kasqankuta.

Proverbios 1:22

Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Ezequiel 20:13

Chaywanpis israelitakunaqa ch'innejpi contrayta oqharikorqanku. Mana kamachisqayman jinachu purerqanku, nisqaytapis qhesacharqanku, mayqentachus kasuspa, kawsayta tarinkuman karqa, chayta. Samarikuna p'unchayniyta manallataj kasuta ruwarqankuchu. Chayrayku nerqani: Ch'innejpi paykunata phiñakuyniypi chinkarparichisaj, nispa.

Oseas 8:5

Samariapi tiyakojkuna, torillo lantita yupaychasqaykichejta millachikuni. Phiñakuyniy k'ajarin contraykichejpi. Israelitakuna, mayk'ajkamataj juchayojllapuni kankichejri?

Zacarías 8:14

Tukuy Atiyniyoj Tata Dios kaytapis nillantaj: Ñawpa tataykichejkuna phiñachiwajtinku, noqa nej kani paykunata jasut'inayta, jinataj paykunata jasut'erqani.

Números 14:23

Chayrayku paykunamanta ni mayqenninku, tatankuman qonayta nerqani, chay jallp'aman yaykonqankuchu. Noqata manakajpaj qhawawajkunamantaqa mana ujpis chay jallp'ata rikonqankuchu.

Números 14:27

Mayk'ajkamataj israelitakuna contraypi millayta rimasqankuta awantasajri? Paykuna noqaj contrayta rimasqankuta uyarini.

Números 32:10

Chayrayku Tata Diosqa chay p'unchay maytapuni phiñakorqa, tiluspataj nerqa:

San Mateo 17:17

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

Marcos 9:19

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

San Juan 10:38

Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.

San Juan 12:37

Runaj mana jayk'aj ruwasqan chay chhika t'ukuna imakunata Jesús paykunaj rikunankuta ruwajtinpis, judiokuna manapuni paypi atinikuyta munarqankuchu.

San Juan 15:24

Manachus paykuna ukhupi ni pejpa ruwasqan t'ukunata ruwayman karqa chayqa, mana juchayojchu kankuman karqa. Kunanrí t'ukuna ruwasqayta rikunkuña. Chaywanpis noqata, Tataytapis chejnikuwayku.

Deuteronomio 1:32

Chay tukuywanpis qankunaqa Tata Diosniykichejpi mana atinikorqankichejchu.

Hebreos 3:16

Pikunataj Diospa parlasqanta uyarispaña payta phiñacherqankuri? Israelitakuna karqanku, pikunatachus Moisés Egiptomanta orqhomusqa, chaykuna.

Hebreos 3:18

Pikunatataj Dios tiluspa nerqa: Qankunaqa samarinaykichejpaj qosqay jallp'aman mana yaykunkichejchu, nispari? Ajinata nerqa, pikunachus mana kasukorqankuchu, chaykunata.

Hebreos 3:8

ama sonqoykichejta rumiyachiychejchu, imaynatachus Diospa contranpi oqharikojkuna ruwarqanku, jinataqa. Chaypacha ñawpa tataykichejkuna ch'innejta jamushaspa, noqawan churanakorqanku, pacienciay maykamachus kasqanta yachayta munaspa.