Números 13:22 - DIOSPA QHELQACHISQ

²² Chaymanta Neguevnejta rispa, Hebronkama chayarqanku. Chaypi Ajimán, Sesay, Talmay ima tiyakorqanku. Paykunaqa Anacpa mirayninmanta karqanku. Hebrón llajtaqa Egiptopi Soán llajtamanta qanchis wata ñawpajta sayarichisqa kasqa.

Qheshwa Biblia DC

²² Chaymanta rerqanku Neguevnejta, Hebronman chayanankukama. Chaypi tiyarqanku Ahiman, Sesaí, talmai ima, paykuna karqanku Anacpa miraynin. Hebronqa ruwasqa karqa Egiptopi Zoanmanta qanchis wata ñaupajta.

DIOSPA QHELQACHISQAN DEUTEROCANONICAL

²² Chaymanta Neguevnejta rispa, Hebronkama chayarqanku. Chaypi Ajimán, Sesay, Talmay ima tiyakorqanku. Paykunaqa Anacpa mirayninmanta karqanku. Hebrón llajtaqa Egiptopi Soán llajtamanta qanchis wata ñawpajta sayarichisqa kasqa.

Números 13:22 ပူးပေါင်းရင်းမြစ်များ

Génesis 13:18

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Génesis 23:2

Paytaj Quiriat Arbapi wañuporqa. Arbaqa Canaán jap'iypi, Hebrón llajta kashan. Abrahamqa warmin Sara wañupusqanrayku mayta llakikuspa, anchatataj waqarqa.

2 Samuel 2:1

Chay qhepata Davidqa Tata Diosta tapurerqa: Riyta atiymanchu Judá suyumanta mayqen llajtallamanpis? nispa. Tata Diostaj kuticherqa: Arí, riyta atillanki, nispa. Davidqa ujtawan taporqa: Maymantaj risajri? nispa. Tata Diostaj nerqa: Riy, Hebrón llajtaman, nispa.

2 Samuel 2:11

Jinamanta Davidqa Hebrón llajtamanta Judá jatun aylluta qanchis wata sojta killayojta kamacherqa.

2 Samuel 21:16

Jinapi uj jatunkaray runataj Isbibenob sutiyoj Davidta wañuchiyta munaspa, qayllaykorqa. Chay runaj lanzanpa umanqa kinsa kilo khuskanniyojmanta astawanraj karqa, chumpinpitaj uj mosoj espadata apasharqa.

Salmos 78:12

Diosqa ñawpa tatanchejkunaj rikunanta t'ukunata ruwarqa Egipto suyupi, Soán cheqapi.

Salmos 78:43

Tata Diosqa Egipto suyupi, Soán cheqapi t'ukuna señalkuna ruwasqanta mana yuyarikorqankuchu.

Isaías 19:11

Cheqapuni Soán jap'iypi kamachejkuna ancha wampu kanku. Faraonpa aswan sumaj yuyaychajninkunapis wampu yuyaychajkunallataj kanku. Ajina kashaspapis, imaynatataj faraonta ninkichej: Noqaykoqa yachayniyojkunaj churinku kayku, ñawpa kamachejkunaj churinku, nispari?

Isaías 19:13

Soanpi kamachejkunaqa wampukuna kanku, Menfispi kamachejkunataj ch'awkiyachikunku. Jap'iykunata kamachejkunapis Egiptota pantayman pusanku.

Isaías 30:4

Qankunarayku parlajkunata Soán llajtaman, Janés llajtamanwan kachajtiykichejpis,

Números 13:17

Moisés paykunata Canaán suyuta qhawamunankupaj kachashaspa, nerqa: Kaymanta Neguevman rispa, orqokunanejta rinkichej.

Números 13:28

Chaywanpis chaypi tiyakoj runakunaqa manchay kallpayoj kasqanku. Llajtankukunapis jatuchachaj, sumaj perqawan muyurichisqa kasqa. Chay jawa jatunkaray runa Anacpata churinkunatapis rikullarqaykutaj.

Números 13:33

Chaypi jatunkaray runakunata rikullarqaykutaj, paykunaqa Anacpata churinkuna kasqanku. Noqayku paykunaj qayllankupi phinki phinki jina juch'uysitu karqayku. Paykunapis jinallatataj noqaykuta qhawawarqayku, nispa.

Deuteronomio 9:2

Chaypi tiyakojkunaqa Anacpata miraynin jatunkaray runakuna kanku. Chaykunamanta parlajta uyarinkichej: Pitaj Anacpa mirayninmanta jatunkaray runakunaman sayaykuyta atinmanri? nispa.

Josué 10:36

Eglón llajtamanta Hebrón llajtamanñataj Josuewan, tukuynin israelitakunawan rispa, maqanakullarqankutaj.

Josué 21:13

Aarón sacerdotej ayllunman, mana yuyasqallamanta runata wañuchejkunaj ayqekunanku Hebrón llajtamanta jawa, kay llajtakunata qollarqankutaj: Libnata,

Jueces 1:10

Ajinallatataj Judaqa Hebronpi tiyakorqanku, chay cananeokunawanpis maqanakullarqankutaj. Chay llajtaj ñawpa sutenqa Quiriat Arbá karqa. Chaypitaj kuraj kamachejkuna Sesayta, Ajimanta, Talmayta ima atiparqanku.

1 Samuel 30:31

Hebronpi kajkunaman, chay tukuy maykunapichus paywan runankunapiwan ima purisqanku, chaykunaman t'inkata apacherqa.