Números 12:2 - DIOSPA QHELQACHISQ

² Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.

Qheshwa Biblia DC

² Chantaqa nillarqankutaj: Señorqa mana payllawanchu parlarqa, noqanchejwampis parlallarqataj, nispa. Señortaj chayta uyarerqa.

DIOSPA QHELQACHISQAN DEUTEROCANONICAL

² Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.

Números 12:2 ပူးပေါင်းရင်းမြစ်များ

Génesis 29:33

Chaymanta qhepata Leaqa ujtawan wawayoj kallarqataj. Chay wawata “Simeón” sutiwan sutichaspataj, nerqa: Tata Dios chejnisqa kasqayta yachasqanrayku, uj wawatawan qowan, nispa.

2 Samuel 11:27

Chay lutokusqan pasajtinñarí, David kamacherqa warmita kamachinan wasiman pusamunankuta, paywantaj casarakorqa. Chantá chay warmeqa uj qhari wawata paqarichikorqa. Tata Diospajrí Davidpa chay jina ruwasqanqa mana allinchu karqa.

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

Éxodo 4:14

Jinapi Tata Diosqa Moisespaj phiñarikuspa, nerqa: Leví jatun ayllumanta wawqeyki Aarón yanapasunanpaj kashan. Noqa yachani pay sumajta parlayta yachasqanta. Payqa ñapis taripasoj jamushanña, rikususpataj, manchayta kusikonqa.

Éxodo 4:30

Aarontaj paykunaman willarqa, Tata Dios imatachus Moisesman nisqa, chay tukuyta. Moisestaj Diospa kamachisqanman jina, kurajkunaj rikunankuta t'ukunapaj jina señalkunatapis ruwallarqataj.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 7:10

Chantá Moiseswan, Aaronwan ima faraonwan parlaj rispa, Tata Diospa kamachisqanman jina ruwarqanku. Aaronqa faraonpa rikunanta, jinataj yanapajninkunaj rikunanta varanta pampaman choqarqa. Varantaj katariman tukurparerqa.

Proverbios 13:10

Runaykachajqa ch'ajwallata jatarichin. Yachayniyoj kajrí yuyaychasqata jap'ikun.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Miqueas 6:4

Noqa Egiptomanta orqhomorqayki, wata runa kasqaykimantataj kacharicherqayki. Chantá Moisesta, Aaronta, Mariatawan ima pusamusunaykichejpaj kachamorqani.

Números 11:1

Ujpacha israelitakuna llakiypi rikhurispa, Tata Diospa contranta thutuyta qallarerqanku. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Números 12:3

Moisesqa tukuy kay pachapi runakunamanta nisqaqa aswan llamp'u sonqoyoj karqa.

Números 16:3

Tukuyninku tantaykukuspa, Moisesman, Aaronmanwan sayaykuspa, nerqanku: Munasqaykichejta ruwanaqa kaykamalla kachun. Tukuy israelitakuna Diospaj t'aqasqa kanchej, Tata Diospis tukuyninchejwan kashan. Imaraykutaj qankuna Tata Diospa ayllunmanta aswan kasqaykichejta yuyakunkichejri? nispa.

Romanos 12:10

Wawqe panakuna jina tukuy sonqo purajmanta munakuychej, ujkuna ujkunataj respetanakuychejpuni.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

Filipenses 2:14

Chantá tukuy imata ruwaychej ama thutuspa, nitaj churanakuspa,

Filipenses 2:3

Ama imatapis ruwaychejchu churanakuspa, chayrí jatunchakuspa. Manachayqa llamp'u sonqo kaywan imatapis ruwaychej. Sapa uj ujkunata qhawachun paymanta aswan kasqankuta jina.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.