Números 12:14 - DIOSPA QHELQACHISQ

¹⁴ Tata Diostajrí Moisesta nerqa: Sichus Mariaj tatan uyanman thoqaykunman karqa chayqa, p'enqakuymanta qanchis p'unchayta pakakunman karqa. Chayrayku Mariata jaramanta jawaman qanchis p'unchayta wijch'uychej. Chaymantataj jaraman kutiykamonqa, nispa.

Qheshwa Biblia DC

¹⁴ Señortaj payman kuticherqa: Sichus tatan uyanman thoqaykunman chayqa, qanchis p'unchayta p'enqaywan kanman. Chayrayku Mariata jaramanta jawaman qanchis p'unchayta wijch'uychej, chaymantaraj jaramanta kutiyamuchun.

DIOSPA QHELQACHISQAN DEUTEROCANONICAL

¹⁴ Tata Diostajrí Moisesta nerqa: Sichus Mariaj tatan uyanman thoqaykunman karqa chayqa, p'enqakuymanta qanchis p'unchayta pakakunman karqa. Chayrayku Mariata jaramanta jawaman qanchis p'unchayta wijch'uychej. Chaymantataj jaraman kutiykamonqa, nispa.

Números 12:14 ပူးပေါင်းရင်းမြစ်များ

2 Reyes 15:5

Tata Diostajrí Azariasta llejti onqoywan onqoykucherqa wañupunankama. Azariasqa sapan uj wasipi tiyakorqa, churin Yotantaj kamachinan wasita, jinataj tukuy suyuta sutinpi kamacherqa.

Job 17:6

Tukuy noqamanta mana allinta parlanankuta saqerqanki, uyaypitaj thoqaykunawankuta.

Job 30:10

Noqata millachikuwaspa karunchakunku, uyaypipis thoqaykuwanku.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

Levítico 13:4

Sichus uj runaj ukhunpi yuraj llejti rikhurinman, manataj aswan ukhumanchu yaykunman, nitaj chujchanpis yurajyanmanchu chayqa, sacerdote chay onqosqata qanchis p'unchayta wisq'anqa.

Levítico 14:8

Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Números 5:1

Tata Dios Moiseswan parlaspa, nillarqataj:

San Mateo 26:67

Chayta niytawantaj, paykuna Jesuspa uyanman thoqaykorqanku, laq'arqankutaj. Wajkunataj uyanpi sajmaspa,

Deuteronomio 25:9

chaypacha wañoj wawqenpa warmin chimpaytawan, tukuy kurajkuna qhawashajtinku, chay qharej ujnin juk'utanta lluch'onqa. Chantá uyanpi thoqaykuspa, nenqa: Ajinata wawqenpa mirayninta chinkachiyta munaj qhariwan ruwana, nispa.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?