Números 11:29 - DIOSPA QHELQACHISQ

²⁹ Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Qheshwa Biblia DC

²⁹ Moisestaj payman kuticherqa: Qanqa chaytapis jark'aytachu munashanki? Allin kanman, Señorqa tukuynin israelitasman espirituta qonan, ajinamanta Diospa sut'inchajnin kananupaj!

DIOSPA QHELQACHISQAN DEUTEROCANONICAL

²⁹ Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Números 11:29 ပူးပေါင်းရင်းမြစ်များ

Joel 2:27

Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.

Joel 3:1

1 (4.1) Tata Dios nillantaj: Chay p'unchaykuna chayamonqa chaypacha, noqa pikunachus Judamanta, Jerusalenmanta ima waj suyukunaman apasqa karqanku, chaykunata kutichikampusaj.

Números 11:30

Chay qhepatataj Moisesqa tukuy kurajkunawan khuska jarankuman kutiporqanku.

San Lucas 10:2

Jesustaj nerqa: Sut'ita niykichej: Poqoyta oqharinaqa ashkhamin, oqharejkunatajrí pisilla kanku. Chayrayku Chajrayojmanta mañakuychej astawan ashkha oqharejkunata kachamunanpaj.

Hechos 26:29

Pablotaj kuticherqa: Manaraj imapipis, chayrí unaymantawanpis Dios munachun noqa jina Jesuspi atinikoj kanaykichejta, mana qanllachu, manachayrí tukuy uyariwajkuna ima. Chaywanpis mana munaymanchu noqa jina cadenawan watasqa kanaykichejta, nispa.

1 Corintios 13:4

Pichus munakuyniyojqa pacienciayoj, k'achataj. Jinallataj mana envidiakunchu, nitaj may kasqanta yuyakunchu, nillataj runaykachanchu.

1 Corintios 14:5

Noqa munayman tukuyniykichej mana rejsisqa parlaykunapi parlanaykichejta. Chaywanpis astawan munayman Diosmanta sut'inchanaykichejta, imaraykuchus Diosmanta sut'inchanaqa mana rejsisqa parlaypi parlanamanta aswan. Maypachachus mana rejsisqa parlaypi parlasqanta pipis sut'inchajtillan, iglesiamanta kajkuna wiñayta atinankupaj yanapanman.

1 Corintios 3:21

Chayrayku ama pi runatapis qhatisqaykichejrayku runaykachaychejchu, imaraykuchus tukuy ima qankunajta:

1 Corintios 3:3

imaraykuchus Diosman mana kutirikojkuna imaynatachus purinku, jinallataraj purishankichej. Qankuna ukhupi qhawanakuykuna, churanakuykuna, t'aqanakuykuna ima tiyan. Chaykunata ruwaspaqa, qankuna manapis Diosta qhatejkunachu kawajchej jina ruwashankichej, Diosman mana kutirikojkuna jinataj yuyashankichej.

Filipenses 2:3

Ama imatapis ruwaychejchu churanakuspa, chayrí jatunchakuspa. Manachayqa llamp'u sonqo kaywan imatapis ruwaychej. Sapa uj ujkunata qhawachun paymanta aswan kasqankuta jina.

Santiago 4:5

Chayrayku Diospa Qhelqachisqanpi ajinata nin: Diospa qowasqanchej Espiritoqa sinch'ita munakuspa, celosakuwanchej, nispa.

Santiago 5:9

Wawqe panaykuna, ama ujkuna ujkuna qhawanakuspa thutuychejchu, ama Dios juzgasunaykichejpaj. Juezqa jamunanpajña kashan.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

1 Samuel 10:6

Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.