Números 11:1 - DIOSPA QHELQACHISQ

¹ Ujpacha israelitakuna llakiypi rikhurispa, Tata Diospa contranta thutuyta qallarerqanku. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa.

Qheshwa Biblia DC

¹ Uj pachataj israelitasqa Señorpa contranta thutuyta qallarerqanku. Señortaj chayta uyarispa k'ajaj phiñakuyninta rikucherqa, jaraj ujnin cantonta ninawan ruphaykucherqa.

DIOSPA QHELQACHISQAN DEUTEROCANONICAL

¹ Ujpacha israelitakuna llakiypi rikhurispa, Tata Diospa contranta thutuyta qallarerqanku. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa.

Números 11:1 ပူးပေါင်းရင်းမြစ်များ

Génesis 38:10

Chay jinata Onanpa ruwasqantarí Tata Dios mana allinpajchu qhawarqa. Chayrayku paytapis Tata Dios wañuchillarqataj.

2 Samuel 11:27

Chay lutokusqan pasajtinñarí, David kamacherqa warmita kamachinan wasiman pusamunankuta, paywantaj casarakorqa. Chantá chay warmeqa uj qhari wawata paqarichikorqa. Tata Diospajrí Davidpa chay jina ruwasqanqa mana allinchu karqa.

2 Reyes 1:12

Eliastajrí kuticherqa: Sichus Diosmanta sut'inchaj kani chayqa, janaj pachamanta nina urayk'amuspa, qanta, soldadoykikunatawan ima ruphaykusuchun, nispa. Chantá janaj pachamanta ujllata nina urayk'amuspa, capitanta, soldadokunatawan ima ruphaykorqa.

Job 1:16

Manaraj chay runa willayta tukushajtin, uj runañataj chayaykamuspa, nillarqataj: Illapa urmamuspa, ovejakunata, michejkunata ima wañurachin, jinataj noqalla chaymanta qanman willasunaypaj ayqemuni, nispa.

Salmos 106:18

Ninapis chaykunaj contrankuta lawrarerqa, millayta ruwajkunatataj ruphaykorqa.

Salmos 78:21

Chayta uyarispa, Tata Dios phiñakorqa, phiñakuynintaj nina jinapuni Jacobpa contranpi k'ajarerqa.

Salmos 78:63

Waynakunaqa ninawan ruphasqa wañorqanku, sipaskunapajtaj casarakupi takiy mana karqachu.

Éxodo 16:7

Tutamanta Tata Diospa jatun kayninpa lliphipiyninta rikunkichej. Payqa paypaj rimasqaykichejta uyarisunkichej. Noqaykurí, pitaj kayku, noqaykupaj thutunaykichejpajri? nispa.

Éxodo 16:9

Chantá Moisés Aaronta nerqa: Niy tukuy israelitakuna Tata Diosman qayllaykamunankuta, imaraykuchus Diosqa paypaj rimasqankuta uyarin, nispa.

Isaías 10:17

Israelpa K'anchaynin Tata Diosqa nina lawray jina kanqa. May Llimphu Tata Diosqa lawrarishaj ninaman rijch'akonqa. Uj p'unchayllapi ch'uminta, khishkantawan rupharparenqa.

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Lamentaciones 3:39

Imamantataj runaqa quejakunman juchanmanta jasut'isqa kashaspari?

Ezequiel 20:36

Imaynatachus ñawpa tataykichejkunata Egiptoj ch'innejpi juzgarqani, ajinallatataj qankunatapis juzgasqaykichej, nispa nin Tukuyta Kamachej Tata Dios.

Levítico 10:2

Jinapi Tata Diospa ñawpaqenmanta ujllata nina llojsimuspa, paykunata ruphaykorqa. Ajinata Tata Diospa ñawpaqenpi iskayninku wañorqanku.

Nahúm 1:5

Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

Habacuc 3:5

Paypa ñawpaqenta millay wañuchej onqoykuna purinku, chay qhepantataj k'ajaj onqoypis chayamullantaj.

Números 10:33

Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

Números 11:18

Chantá israelitakunata nillaytaj: Q'ayapaj llimphuchakuychej Diospa ñawpaqenpi allinpaj qhawasqa kanaykichejpaj, imaraykuchus q'aya aychata mikhunkichej. Tata Diosqa waqaspa qhetesqaykichejta uyarerqa: Ay, pillapis mikhunanchejpaj aychata qowasunman. Egiptopi kashaspa, walejlla kasharqanchej, nispa. Ajinaqa Tata Dios mikhunaykichejpaj aychata qosonqachej.

Números 12:2

Chantá nillarqankutaj: Tata Diosqa mana payllawanchu parlan. Noqaykuwanpis parlallantaj, nispa. Tata Diostaj chayta uyarerqa.

Números 14:2

Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Números 14:22

Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

Números 14:27

Mayk'ajkamataj israelitakuna contraypi millayta rimasqankuta awantasajri? Paykuna noqaj contrayta rimasqankuta uyarini.

Números 14:28

Chayrayku paykunata niy: Noqa Tata Dios kawsayniyrayku tiluspa nini: Qankuna imatachus nisqaykichejta uyarisqayman jina ruwasaj.

Números 16:11

Qanmin, jinataj qanta qhatisojkuna ima Tata Diospa contranpi oqharikushankichej. Pitaj Aarón kasqa paypa contranta parlanaykichejpajri? nispa.

Números 16:35

Chay jawa Tata Diosqa ninata kachaykamullarqataj. Chay ninataj, inciensota q'oshñichisharqanku, chay 250 runakunata ruphaykuspa, wañurparicherqa.

Números 17:5

5 (20) Chaypitaj ajllakusqay runaj varanta t'ikarichisaj. Ajinamanta israelitakuna noqaj ñawpaqeypi manaña qankunaj contraykichejta rimanqankuchu, nispa.

Números 21:5

Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

1 Corintios 10:10

Nillataj Diospa contranta thutunachu, imaynatachus paykunamanta wakin thutorqanku, jinataqa. Chaypacha Diospa angelninñataj paykunata wañuracherqa.

Deuteronomio 25:18

Ñanta sayk'usqa jamushajtiykichej, paykunaqa Diosta mana manchachikuspa maqanakoj sayaykusorqachej, qhepaykichejmantataj pisipaspa qhepakojkunata wañuracherqanku.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.

Deuteronomio 9:22

Jinallataj qankunaqa Taberapi, Masahpi, Quibrot Hatavapi ima Tata Diosta phiñachillarqankichejtaj.

Hebreos 12:29

Ajinata ruwana, imaraykuchus Diosninchejqa tukuy imata q'olarparej nina jinamin.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

Judas 1:16

Jinallataj chay mana cheqanta yachachejkuna wasamanta rimakojkuna kanku, thutojkunataj. Paykuna sonqonkoj munasqanta ruwanallankupaj kawsanku, wapuykachaspataj may kasqankumanta parlanku. Chantá paykunallapaj imatapis tariyta munaspa, runata llosq'onku.