Números 10:9 - DIOSPA QHELQACHISQ

⁹ Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Qheshwa Biblia DC

⁹ Maypachachus jallp'aykichejpi kashajtiykichej pipis qankunawan maqanakoj jamojtenqa, cornetasta sinch'ita waqachinkichej, jatunmantataj qhaparinkichej. Ajinamanta noqa Señor Diosniykichej qankunamanta yuyarikusqaykichej, enemigosniykichejmantataj jark'akusqaykichej.

DIOSPA QHELQACHISQAN DEUTEROCANONICAL

⁹ Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Números 10:9 ပူးပေါင်းရင်းမြစ်များ

Génesis 8:1

Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

2 Crónicas 13:12

Kayta yuyarikuychej: Diosqa kamachejniyku jina noqaykuwan kashan. Sacerdotekunataj wakisqaña kashanku maqanakuman rispa cornetata waqachinankupaj. Chayrayku qankuna, Israel ayllumanta kajkuna, ama ñawpa tataykichejkunaj Tata Diosninpa contranpi maqanakuychejchu, imaraykuchus paytaqa mana atipawajchejchu, nispa.

2 Crónicas 13:14

Judamanta soldadokunataj qhepaman qhawarikuspa, reparakorqanku ñawpaqenkumanta qhepankumantataj maqanakoj jamushasqankuta. Chantá Tata Diosmanta yanapayninta mañakorqanku, sacerdotekunataj cornetata waqacherqanku.

Salmos 106:4

Tata Dios, noqamanta yuyarikuway, aylluykipaj allin kajta ruwashaspa. Qhespichej jamuspaqa, noqamanta yuyarikuwaypuni.

Salmos 106:42

Awqankukunaqa israelitakunata ñak'aricherqanku, makinkupitaj k'umuykachacherqanku.

Salmos 136:23

K'umuykuchisqa kashajtinchej noqanchejmanta yuyarikojman pachis niychej, imaraykuchus munakuynenqa wiñay wiñaypajmin.

Isaías 18:3

Tukuy kay pachapi kaj runakuna, kay jallp'a patapi tiyakojkuna, orqo puntapi wiphalata sayachejtinku, sumajta qhawariychej, cornetata waqachejtinkukamataj, sumajta uyarinkichej.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Jeremías 4:19

Nanaywan q'ewiykachakuni, sonqoytaj llakiywan phatashanña. Mana kakuyta atinichu, manataj ch'inlla kaymanchu. Trompetaj waqasqanta uyarini, maqanakuman yaykunapaj qhaparejtawan.

Jeremías 4:21

Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 4:5

Judá suyupi kayta willamuychej, jinallataj Jerusalén llajtapipis uyarichimuychej. Trompetata waqachispa, kay tukuy suyupi qhapariychej, ajinata sinch'itapuni qhapariychej: Tantakuspa, ayqekunachej sumachaj jark'achasqa llajtakunaman, nispa.

Jeremías 49:2

Chayrayku noqa Tata Dios kayta nini: Uj p'unchay chayamonqa, chay p'unchaypitaj Amón suyupi Rabá llajtapi maqanakojkunaj qhaparisqankuta uyarichisaj, chay llajtataj raqayllamanña tukuchisqa kanqa. K'iski ranchonkunapis ninawan ruphaykuchisqa kanqanku. Chaypacha Israel chay llajtankunata watej jap'ikapullanqataj. Ajinata Tata Dios nini.

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.

Jeremías 6:17

Tata Diosqa llajtata qhawajkunata churaspa, ayllunman nerqa: Trompetaj waqasqanta allinta uyariychej, nispa. Israel ayllutajrí kuticherqa: Mana kasuta ruwayta munaykuchu, nispa.

Ezequiel 7:14

Pututu waqajtin, maqanakuman rinankupaj tukuy wakichikunku. Chaywanpis mana pipis maqanakuman rejqa kanchu, imaraykuchus runaykachaj Israelta k'araj phiñakuyniywan jasut'isaj.

Oseas 5:8

Gabaa llajtapi maqanakuman wajyana putututa waqachiychej, Ramapitaj cornetata waqachiychej. Bet Avenpi wakichisqa kachunku, Benjaminpipis kikillantaj kachunku.

Levítico 23:24

Israelitakunata kay jinata niy: Qanchis kaj killa qallariy p'unchayqa qankunapaj samarina p'unchay kanqa. Chay p'unchayqa pututukunata waqarichispa, yuyarikuna raymita sutiypi ruwankichej.

Amós 3:6

Sichus llajtapi pututu waqan chayqa, runakuna qhollpirakuyta qallarinku. Sichus ñak'ariy llajtapi rikhurin chayqa, Tata Diosmin chayta apachimun.

Sofonías 1:16

Chay p'unchaypi pututu waqanqa. Jinapitaj awqaykichejqa jark'achasqa llajtakunaj contrankupi, jatuchaj qhawana torrenkunaj contrankupi ima jap'inankupaj kachaykonqanku.

Números 31:6

Moisesqa paykunata maqanakoj kacharqa, paykunawan khuskataj sacerdote Eleazarpa churin Finés rerqa. Payqa Diospaj t'aqasqa imakunata, chantá maqanakuyta qallarinankupaj waqachinapaj trompetakunatawan aparqa.

1 Corintios 14:8

Cornetachus mana sut'ita waqanman chayqa, soldadokuna imaynatataj yachankuman maqanakoj rinankupaj wakichikunankuri?

Deuteronomio 20:1

Awqaykichejwan maqanakoj llojsispa, ichapis rikuwajchej paykuna ashkha caballoyoj, ashkha carretayoj kasqankuta, jinataj qankunamanta nisqa aswan ashkha soldadoyoj kasqankuta. Chayta rikuspa, ama manchachikunkichejchu, imaraykuchus pichus Egiptomanta orqhomusorqachej, chay Tata Diosniykichejqa qankunawan kashan.

Josué 6:5

Maypachachus qankuna carnero wajramanta putututa unayta waqajta uyarinkichej chayqa, tukuy kallpawan qhapariychej, llajtaj perqankunataj ujllata thuñirparikonqanku. Chaymantataj sapa ujniykichej maypichus kashasqaykichejmanta cheqanta llajtaman phinkiykuychej, nispa.

Jueces 10:12

sidoniokunanejta, amalecitakunanejta, chantá maonitakunanejta ima. Jinapi maypachachus qankuna qhaparikamuwarqankichej chaypacha, noqa paykunamanta kacharicherqaykichej.

Jueces 10:8

Chaymantapacha chunka pusajniyoj watata filisteokunaqa, jinataj amonitakunapis maytapuni israelitakunata ñak'aricherqanku Galaadpi tukuy tiyakojkunata, Jordán mayoj chimpanpi amorreokunaj jallp'ankupi kajkunata ima.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

Jueces 3:27

Chantá Israel suyuman chayaspañaqa, Efraín orqonejpi putututa waqacherqa, israelitakunata wajyaspa. Tukuynin israelitakuna chay orqomanta urayk'amorqanku, Aodtaj ñawpaqenkuta rerqa.

Jueces 6:34

Chaypacha Gedeonqa Tata Diospa Espiritunnejta kamachisqa kaspa, putututa waqacherqa, Abiezerpa tukuy ayllunmanta kajkuna tantakamunankupaj.

Jueces 6:9

Manataj Egipto llajtayojkunallamantachu qankunata kacharicherqaykichej, manachayqa qankunata tukuy ñak'arichejkunamantapis kacharichillarqaykichejtaj. Paykunataqa ñawpaqeykichejmanta wijch'urarqani, qankunamantaj jallp'ankuta qoporqaykichej.

1 Samuel 10:18

Chaypitaj paykunata nerqa: Israelpa Tata Diosnin nisunkichej: Noqaqa qankunata Egiptomanta orqhomorqaykichej, paykunamantataj kacharicherqaykichej, jinataj tukuy ñak'arichisojkunamantapis.