Números 10:29 - DIOSPA QHELQACHISQ

²⁹ Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Qheshwa Biblia DC

²⁹ Uj kuti Moisesqa warmimpa turan Hobabta wajyacherqa. Hobabqa madianita Reulpa wawan Moisespata suegron karqa. Paymantaj nerqa: Noqayku rishayku Señor qosqayki niwayku chay jallp'aman. Qampis noqaykuwan jaku ari, imatapis allinta ruwapuwasqayku, imaraykuchus Señorqa niwayku, israelitasta sumaj khuyakuyninwan pusanawaykuta.

DIOSPA QHELQACHISQAN DEUTEROCANONICAL

²⁹ Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Números 10:29 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 32:12

12 (13) Qanrí niwarqanki allin rinawanta, mirayniypis mama qochapi t'iyu jina mana yupay atina kananta, nispa.

Salmos 100:1

Kay pachapi tukuy tiyakojkuna, Tata Diosman kusisqa takiychej.

Salmos 34:8

8 (9) Qhawaychej, yachaychejtaj Tata Dios k'acha kasqanta. Kusikuyniyojmin paypi atinikoj runaqa.

Salmos 95:1

Jamuychej, Tata Diosman kusisqa takirikusunchej, qhespichiwajninchej chhankaman takisunchej.

Éxodo 18:1

Madianmanta sacerdote Jetroqa Moisespa suegron karqa, paytaj uyarisqa Dios imatachus Moisesnejta israelitakunapaj ruwasqanta. Chantá uyarillasqataj israelitakunata Tata Dios imaynatachus Egiptomanta orqhomusqanta.

Éxodo 18:12

Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 18:27

Chaymantataj Moisés suegronta kacharpayarqa, paytaj llajtanman riporqa.

Éxodo 2:18

Chantá sipaskuna wasinkuman chayapojtinku, tatanku Reuel taporqa: Imajtintaj kunan usqhayllata kutimunkichejri? nispa.

Éxodo 2:21

Jinamanta Moisesqa Reuelwan tiyakorqa. Qhepamantaj Reuelqa ususin Seforawan Moisesta casaraykucherqa.

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Jeremías 50:5

Sión orqoman rina ñanmanta tapukonqanku, chaymantataj nenqanku: Jakuchej, Tata Dioswan wiñay mana jayk'aj qonqana tratota ruwasunchej, nispa.

Números 10:28

Ajinata israelitakunaqa soldadokuna jina qhepan qhepanta puririnanku karqa.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Deuteronomio 30:5

Ajinata ruwaspa Tata Diosniykichejqa, tataykichej jap'erqanku, chay jallp'aman ujtawan kutichimusonqachej, qankunataj ujtawan chay jallp'ata jap'inkichej. Chaypi Tata Diosqa allin risunanpaj yanapasonqachej, ñawpa tataykichejmantapis astawanraj mirachisonqachej.

Deuteronomio 4:40

Kunan p'unchay kay kamachisqaykunata, yachachiykunata ima qoshaykichej, chayta junt'aychej. Kasojtiykichej, qankunata, jinallataj mirayniykichejtapis allin risonqachej. Tata Diosniykichej wiñaypaj qosonqachej, chay jallp'apitaj unayta kawsankichej, nispa.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Hebreos 6:18

Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

Jueces 1:16

Quenita nisqa runakunaqa Moisespa suegronpa mirayninmanta kasqanku. Paykunaqa llojserqanku Judá jatun aylluwan khuska Palmeras llajtamanta, rerqankutaj Judáj ch'innejman, Neguevpi Aradmanta aswan uranejman. Chaypitaj amalecitakunawan tiyakaporqanku.

Jueces 4:11

Cedes qayllapi, Sanayin encina sach'a chaynejpi, tiyakusharqa quenita Jeberqa. Quenitakunaqa Moisespa suegron Hobabpa mirayninmanta karqanku. Kay Jeberrí chay waj quenitakunamanta t'aqakuspa, paywan, wasi ayllunwan imalla chaypi tiyakusharqanku.

1 Samuel 15:6

Chaynejmantapacha Saulqa quenitakunaman willachimorqa: Chay llajtamanta llojsiychej, ama qankunatapis paykunawan khuskata wañuchinaypaj. Israelitakuna Egiptomanta llojsimushajtinku, qankunaqa allinta paykunapaj ruwarqankichej, nispa. Quenitakunataj amalecitakunaj llajtankumanta riporqanku.