Números 10:10 - DIOSPA QHELQACHISQ

¹⁰ Jinallataj raymita ruwanaykichejpaj, chantá mosoj killa raymita ruwanaykichejpaj ima, trompetata waqachinkichej. Jinallataj q'olachispa Tata Diosman jaywanata jaywashaspa, allinyakuy jaywanata ima jaywashaspa, trompetata waqachillankichejtaj. Ajinata ruwajtiykichej, noqa qankunamanta yuyarikusaj. Noqamin Tata Diosniykichej kani, nispa.

Qheshwa Biblia DC

¹⁰ Maypachachus kusikunaykichej kajtimpis cornetasta kusiywan waqachinkichej, mosoj killapi fiestata ruwaspa, Señorman ruphachisqa rikuchikusta jaywashaspa, allinyakuy rikuchikusta ima jaywashaspa. Ajinata qankunamanta yuyarikusqaykichej. Noqamin Señor Diosniykichejqa kani.

DIOSPA QHELQACHISQAN DEUTEROCANONICAL

¹⁰ Jinallataj raymita ruwanaykichejpaj, chantá mosoj killa raymita ruwanaykichejpaj ima, trompetata waqachinkichej. Jinallataj q'olachispa Tata Diosman jaywanata jaywashaspa, allinyakuy jaywanata ima jaywashaspa, trompetata waqachillankichejtaj. Ajinata ruwajtiykichej, noqa qankunamanta yuyarikusaj. Noqamin Tata Diosniykichej kani, nispa.

Números 10:10 ပူးပေါင်းရင်းမြစ်များ

2 Reyes 4:23

Qosantaj nerqa: Imaraykutaj kunan paywan parlaj riyta munankiri? Mana killa rikhuriy jatun p'unchaychu, nitaj samarina p'unchaychu, nispa. Paytajrí nerqa: Ama imamantapis llakikushaychu, nispa.

1 Crónicas 15:24

Sacerdotekunamantataj Sebanías, Josafat, Natanael, Amasay, Zacarías, Benaías, Eliezer ima Diospa arcanpa ñawpaqenpi trompetata tocarqanku.

1 Crónicas 15:28

Ajinata tukuy israelitakuna Tata Diospa trato ruwasqan arcata kusiymanta qhaparirispa aparqanku, pututukunata, trompetakunata, platillokunata, jinataj cuerdayoj tocanakunata, chantá arpakunata ima tocarispa.

1 Crónicas 16:42

Paykunataj trompetata, chantá platillota ima jinataj waj imakunatawan tocaj kanku, chaykunata tocaspataj, Diosman takej kanku. Jedutunpa churinkunatajrí, punkuta qhawanankupaj churasqa karqanku.

2 Crónicas 29:26

Chay levitakuna sayaspataj, Davidpa ruwachisqan tocanakunata jap'irisqa kasharqanku. Sacerdotekunapis cornetanku jap'irisqa kashallarqankutaj.

2 Crónicas 29:28

Israelitakunaqa qonqoriykukuspa, Tata Diosta yupaycharqanku, takejkunataj takisharqanku, sacerdotekunataj cornetata waqachisharqanku. Ajinata ruwarqanku, Tata Diosman jaywasqa q'olachiy tukukunankama.

2 Crónicas 7:6

Sacerdotekunaqa ruwanankuta ruwaspa kasharqanku. Levitakunapis sapa uj tocananku jap'irisqa kasharqanku. Chay tocanankutaqa kuraj kamachej David ruwachisqa, chaywan Tata Diosta yupaychanankupaj. David wakichillasqataj: “Paypa Khuyakuynenqa Wiñaypajmin”, nisqa takiyta. Sacerdotekunataj paykunaj ñawpaqenkupi cornetankuta waqachisharqanku, chaykamataj tukuy israelitakunaqa sayasqa kasharqanku.

Esdras 3:10

Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

Nehemías 12:35

Sacerdotekunamanta kajkunaqa cornetata tocaspa qhaterqanku. Chaykunamanta ujnin karqa Jonatanpa churin Zacarías, paypa ñawpa tatankunataj karqanku: Semaías, Matanías, Micaías, Zacur, jinataj Asaf.

Salmos 150:3

Trompetata waqachispa, payta jatunchaychej. Arpata, charangota ima tocaspa, payta yupaychaychej.

Salmos 81:3

3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

Salmos 81:4

4 (5) Kay kamachisqaqa Israelpaj karqa, Jacobpa Diosninpata kamachisqan.

Salmos 89:15

15 (16) Tata Dios, sutiykita yupaychaj aylloqa kusikuyniyojmin, pikunachus k'anchayniykej k'anchasqanpi purinku, chaykuna.

Éxodo 28:29

Aaronqa Dioswan Tinkukuna Toldoman sapa kuti yaykuspa qhasqonpi k'askachisqata apanqa, pecheraj patanpi Israelpata churinkunaj sutinku qhelqasqata, chantá justiciata ruwanapaj imakunatawan ima. Ajinamanta Tata Diospa ñawpaqenpi israelitakuna yuyarisqa kanqanku.

Éxodo 30:16

Israelitakuna ama wañunankupaj, sapa uj qhari pagasqanku qolqe metalta qan jap'inki. Chantá Dioswan Tinkukuna Toldopi Diosta yupaychanapaj qonki. Chay jinapi Tata Dios yuyarikonqa israelitakuna ama wañunankupaj pagasqankuta, nispa.

Isaías 27:13

Chaypacha jatun trompetata waqachenqanku. Chantá Asiriapi ch'eqerasqa kajkuna jamponqanku, jinallataj Egiptoman wijch'usqa kajkunapis. Chayamuspataj, Jerusalenpi kaj Diospaj t'aqasqa orqopi Tata Diosta yupaychanqanku.

Levítico 23:24

Israelitakunata kay jinata niy: Qanchis kaj killa qallariy p'unchayqa qankunapaj samarina p'unchay kanqa. Chay p'unchayqa pututukunata waqarichispa, yuyarikuna raymita sutiypi ruwankichej.

Números 10:9

Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Números 28:11

Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

Números 29:1

Tata Dios nillarqapuni: Qanchis kaj killa qallariyta Diospa sutinpi tantakunkichej. Chay p'unchayqa ruwanaykichejmanta amapuni ni imata ruwankichejchu, imaraykuchus trompeta waqachina p'unchay kanqa.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

Hechos 10:4

Corneliotaj angelta qhawarispa, manchachikuywan nerqa: Imatataj munashanki, wiraqochíy? nispa. Angeltaj kuticherqa: Diosqa mañarikusqaykita uyarisunki, jinallataj wajchakunata yanapasqaykitapis rikullantaj.

1 Corintios 15:52

Ujllata, uj ñawi ch'irmiypi, qhepa kaj trompeta waqajtin, waj jinaman tukuchisqa kasunchej. Trompeta waqajtin, ñawpajta wañusqakuna kawsarimponqanku mana jayk'aj ujtawan wañunankupaj. Chaymantataj noqanchejpis waj jinaman tukuchisqa kasunchej.

1 Tesalonicenses 4:16

Chaypacha Tukuyta Kamachej Jesús jatunmanta kamachenqa, arcangeltaj qhaparenqa, jinataj uj ángel Diospa trompetanta waqachenqa. Chantá janaj pachamanta kikin Tukuyta Kamachej Jesús urayk'amonqa. Chaymantataj Cristopi atinikoj wañojkuna ñawpajta kawsarimponqanku.

1 Tesalonicenses 4:18

Chayrayku, ajinata yachachisqaywan purajmanta sonqochanakuychej.

Josué 4:7

Chaypacha qankuna ninkichej: Maypachachus Tata Diospa trato ruwasqan arca Jordán mayuta chimparqa chaypacha, yakoqa arcaj ñawpaqenpi iskayman p'itikorqa. Kay tawqasqa rumeqa kaypi imachus kasqanta wiñaypaj yuyarikunanchejpaj kanqa, nispa.

Josué 6:4

Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

1 Samuel 20:5

Davidtaj Jonatanman kuticherqa: Q'aya p'unchayqa mosoj killa raymi kanqa, noqataj kuraj kamachejwan khuska mikhunay kashan. Ama jinachu kay, saqeriway ch'inman rispa, minchha tardekama pakakamunayta.