Números 10:1 - DIOSPA QHELQACHISQ

¹ Tata Dios Moiseswan parlaspa, nillarqataj:

Qheshwa Biblia DC

^1-2 Señorqa Moisesman nerqa: Iskay cornetasta ruwakuy martillowan ch'eqosqa qorimanta. Chaykunaqa kanqa runasta tantachimunapaj, jinallataj maymampis puririnapaj.

DIOSPA QHELQACHISQAN DEUTEROCANONICAL

¹ Tata Dios Moiseswan parlaspa, nillarqataj:

Números 10:1 ပူးပေါင်းရင်းမြစ်များ

Génesis 42:13

Paykunataj kuticherqanku: Noqaykoqa chunka iskayniyoj kayku, uj tatayojlla, jamushaykutaj Canaanmanta. Sullk'a kaj wawqeykoqa tataykuwan qhepakun, ujnintaj chinkapun, nispa.

Génesis 46:15

Chaykuna karqanku Padán Arampi kashaspa, Jacobqa warmin Leawan rejsisqan churinkuna, Dina ususinwan ima. Tukuyninpi kinsa chunka kinsayoj qharikuna, chantá warmikuna ima karqanku.

2 Samuel 6:15

Ajinata Davidwan, tukuynin israelitakunawanqa Tata Diospa arcanta aparqanku may kusiywan qhaparispa, cornetakunata waqarichispataj.

2 Reyes 11:14

Chantá kuraj kamachej Joasta sayanta qayllapi sayashajta rikorqa, kuraj kamachejta churanapaj usunkuman jina. Kuraj kamachejpa qayllanpitaj kurajkuna, trompetata tocajkunawan ima kasharqanku. Jinallataj trompetata waqachispa, mayta kusikusharqanku. Chayta rikuspa, Ataliaqa sinch'ita qhaparerqa, p'achantataj llik'ikorqa: Wasanchawanku, wasanchawanku, nispa.

2 Crónicas 23:13

Chaypitaj churasqanku kuraj kamachejta rikorqa, yaykuna chaynejpi sayantaj qayllanpi sayashajta. Ladonpitaj kasharqanku kamachejkuna, cornetakunata waqachejkunapis. Tukuy runataj may kusisqa cornetakunata waqachisharqanku, tocanayoj takejkunapis runakunata takichisharqanku. Chaypacha Ataliaqa p'achanta llik'ikuspa, qhaparerqa: Wasanchawanku, wasanchawanku, nispa.

2 Crónicas 5:12

Levitakunamanta tukuy takejkuna, Asaf, Hemán, Jedutún ima, churinkunawan khuska, jinataj waj ayllunwan ima inti llojsimuynejpi altarpa ñawpaqenpi linomanta p'achallisqa sayasharqanku. Platillota, salteriota, arpata ima tocarqanku, paykunawantaj 120 sacerdotekuna cornetata waqachejkuna kashallarqankutaj.

2 Crónicas 7:6

Sacerdotekunaqa ruwanankuta ruwaspa kasharqanku. Levitakunapis sapa uj tocananku jap'irisqa kasharqanku. Chay tocanankutaqa kuraj kamachej David ruwachisqa, chaywan Tata Diosta yupaychanankupaj. David wakichillasqataj: “Paypa Khuyakuynenqa Wiñaypajmin”, nisqa takiyta. Sacerdotekunataj paykunaj ñawpaqenkupi cornetankuta waqachisharqanku, chaykamataj tukuy israelitakunaqa sayasqa kasharqanku.

Esdras 3:10

Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

Salmos 47:5

5 (6) Tata Diosqa kamachinan tiyanaman tiyaykun, runakuna kusiymanta qhaparishajtinku, trompetata waqachishajtinku ima.

Salmos 81:3

3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

Salmos 98:6

Kuraj Kamachejninchej, Tata Diospa ñawpaqenpi kusisqa takiychej, cornetakunata, pututukunata waqachispa ima.

Números 1:52

Israelitakunaqa soldadokuna jina sapa jatun ayllu t'aqa t'aqa jarakonqanku. Sapa t'aqaqa wiphalanta sayaykuchispa, jarakonqa.

Números 10:2

Martillowan takaspa, qolqe metalmanta iskay trompetata ruway. Chaykunaqa israelitakuna tantakunankuta wajyachinaykipaj kanqa, jinallataj puririnankuta kamachinaykipaj.

Números 29:1

Tata Dios nillarqapuni: Qanchis kaj killa qallariyta Diospa sutinpi tantakunkichej. Chay p'unchayqa ruwanaykichejmanta amapuni ni imata ruwankichejchu, imaraykuchus trompeta waqachina p'unchay kanqa.

Números 7:2

Chaymantataj Israel ayllumanta kurajkuna, pikunachus runa yupaypi yanapaysikorqanku, chaykunaqa Diosman qonankupaj apamorqanku,

Números 9:23

Tata Dios kamachejtin, israelitakuna jarakoj kanku. Puririnankuta kamachejtintaj, purirej kanku. Ajinata Tata Diospa kamachisqanta junt'aj kanku, Moisesnejta kamachisqanman jina.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

Josué 6:4

Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

Apocalipsis 8:2

Chantá Diospa ñawpaqenpi qanchis angelkunata sayashajta rikorqani. Paykunamantaj qanchis trompetakunata qorqanku.

Jueces 7:20

Kinsantin t'aqakunaqa ujllapi pututunkuta waqacherqanku, p'uñunkutapis p'akillarqankutaj. Lloq'e makinkupitaj aparqanku nina jachunta, pututunkutataj paña makinkupi, jinaspataj qhaparerqanku: Tata Diospa atiyninwan, Gedeonpa kallpanwantaj, nispa.