Números 1:50 - DIOSPA QHELQACHISQ

⁵⁰ Tukuynin levitakunata churanki Dioswan Tinkukuna Toldota, chantá chaypi tukuy ima kajta qhawanankupaj. Paykunaqa Dioswan Tinkukuna toldota, chantá chaypi tukuy ima kajtawan mayman rispapis apanqanku. Dioswan Tinkukuna Toldopi imachus ruwanatapis paykuna ruwanqanku. Jinallataj paykunaqa toldoj muyuyninpi muyurisqata jarakonqanku.

Qheshwa Biblia DC

⁵⁰ Tukuynin levitasmanqa ninki Dioswan tinkukuna toldota qhawanankuta, chay uhqupi imasninchus kajkunata. Paykuna Dioswan toldota tukuy imasnintawan mayman rispapis apanqanku. Chaypi ruwanas kajtapis paykunalla ruwanqanku. Chantapis chay toldoj muyuynimpi paykuna muyurisqata jarakonqanku.

DIOSPA QHELQACHISQAN DEUTEROCANONICAL

⁵⁰ Tukuynin levitakunata churanki Dioswan Tinkukuna Toldota, chantá chaypi tukuy ima kajta qhawanankupaj. Paykunaqa Dioswan Tinkukuna toldota, chantá chaypi tukuy ima kajtawan mayman rispapis apanqanku. Dioswan Tinkukuna Toldopi imachus ruwanatapis paykuna ruwanqanku. Jinallataj paykunaqa toldoj muyuyninpi muyurisqata jarakonqanku.

Números 1:50 ပူးပေါင်းရင်းမြစ်များ

2 Crónicas 24:6

Chayrayku kuraj kamachejqa kuraj kaj sacerdote Joyadata wajyachispa, nerqa: Imaraykutaj manaraj levitakunata kacharqankichu Judamanta, Jerusalenmantawan apamunankupaj imatachus Tata Diospa kamachin Moisés jinataj tukuy israelitakunapis kamacherqanku qonankuta Tata Dioswan Tinkukuna Toldopaj, chayta? nispa.

Nehemías 12:22

Eliasib, Joyadá, Johanán, jinataj Jadúa ujmanta uj kuraj kaj sacerdote kashajtinku, chaymantapacha Persiapi kuraj kamachej Daríoj kamachinankama levitakunaqa, jinallataj sacerdotekunapis sapa aylloj kurajninkuna jina qhelqasqa karqanku.

Nehemías 12:47

Ajinaqa Zorobabel kamachishajtin, jinataj Nehemías kamachishajtinpis, tukuynin israelitakuna sapa p'unchay mikhunata apamoj kanku takejkunapaj, punku qhawajkunapaj, levitakunapajwan. Levitakunapis jap'isqankumanta wakinta t'aqaspa, qollajtaj kanku Aaronpa mirayninmanta kaj sacerdotekunamanpis.

Nehemías 12:8

Levitakunaqa kaykuna karqanku: Josué, Binúi, Cadmiel, Serebías, Judá, Matanías ima. Paykunaqa Diospa Templonpi yupaychaspa takichinankupaj churasqa karqanku.

Nehemías 13:22

Chaymantataj levitakunata kamacherqani Diospa ñawpaqenpi llimphuchakuspa punkukunata qhawaj rinankuta, jinamanta samarina p'unchayta ama manakajman tukuchinankupaj. Chantá Diosman parlaspa, nerqani: Diosníy, kay tukuy ima ruwasqaymanta yuyarikuway, khuyarikuwaytaj k'acha munakuyniykiman jina, nispa.

Nehemías 13:5

payman uj jatun wasita qosqa, maypichus ñawpajtaqa jallch'aj kanku Diosman jaywasqata, inciensota, imawanchus Diosta yupaychaj kanku, chay imakunata, sapa chunkamanta ujta t'aqaj kanku, chaytapis granomanta, vinomanta, aceitemantawan. Chay tukoyqa karqa levitakunapaj, takejkunapaj, punku qhawajkunapaj, sacerdotekunapaj ima.

Salmos 122:4

Chaymanqa Tata Diospa jatun ayllunkuna sutinta yupaychanankupaj chayanku, Israelman kamachisqa kasqanman jina.

Éxodo 31:18

Tata Diosqa Sinaí Orqopi Moiseswan parlayta tukuytawan, kamachisqakunata p'alta rumipi qhelqasqata Moisesman qorqa. Chay kamachisqakunataqa kikin Diospuni makinwan qhelqarqa.

Éxodo 38:21

Moisés kamachisqanman jina, levitakuna yupaspa orqhorqanku Dioswan Tinkukuna Toldota ruwanapi mashkhachus metal yaykusqanta. Chay levitakunataqa Aaronpa churin Itamar kamachisharqa.

Números 1:53

Levitakunaqa Dioswan Tinkukuna Toldoj muyuyninpi jarakonqanku, toldota qhawanankupaj, ama Tata Dios israelitakunaj contranta phiñakunanpaj, nispa.

Números 10:21

Paykunaj qhepankuta Coatpata churinkuna Tata Diosta yupaychanapaj t'aqasqa imakunata oqharisqa purirerqanku. Paykuna chayanankupajqa Dioswan Tinkukuna Toldo ñapis sayarichisqaña karqa.

Números 17:7

7 (22) Chaymanta Moisesqa tukuy varakunata Dioswan Tinkukuna Toldopi Tata Diospa ñawpaqenman churarqa.

Números 18:5

Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj.

Números 2:17

Chantá paykunaj qhepankutataj levitakuna Dioswan Tinkukuna Toldota oqharispa, purirenqanku. Sapa jatun ayllu qhepan qhepanta purirenqanku, wiphalankuta oqharispa, imaynatachus jarakusqankuman jina.

Números 20:11

Chayta niytawan, Moisés varanta oqharispa, iskay kutita chhankata wajtarqa, ashkha yakutaj phullchimorqa. Ajinamanta runakuna, uywakuna ima ujyanankupaj yaku karqa.

Números 4:15

Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Números 4:3

Listankichej kinsa chunka watayojmanta phishqa chunka watayojkama qharikunata, pikunachus Dioswan Tinkukuna Toldopi imachus ruwanata ruwanankupaj jina kajkunata.

Números 8:19

Noqa israelitakuna ukhumanta levitakunata ajllakuspa, Aaronman, chantá churinkunaman ima qorqani. Paykuna israelitakunaj sutinpi Dioswan Tinkukuna Toldopi imachus ruwanata ruwanqanku, jinallataj israelitakunaj juchanku pampachasqa kananpaj paykunarayku Diosman jaywanqanku. Ajinamanta israelitakuna Dioswan Tinkukuna Toldoman qayllajtinku, mana ima llakiypis qhatirenqachu, nispa.

Números 8:20

Ajinata Moiseswan, Aaronwan, chantá tukuy israelitakunawan ima ruwarqanku, levitakunamanta Tata Dios Moisesman imatachus kamachisqanman jina.

Números 8:22

Chaymantataj levitakunaqa Dioswan Tinkukuna Toldopi imachus ruwanankuta junt'aj rerqanku. Aaronwan, churinkunawan imataj qhawaspa ruwacherqanku. Ajinata Tata Dios Moisesman kamachisqanman jina levitakunawan ruwarqanku.

Apocalipsis 15:5

Chaymantataj noqaqa janaj pachapi templota kicharisqata rikorqani, Dioswan Tinkukuna Toldota.