Nehemías 8:3 - DIOSPA QHELQACHISQ

³ Chantá sut'iyaymantapacha chawpi p'unchaykama Esdrasqa tukuypa uyarinankuta chay qhelqata ñawirerqa Yaku punku nisqa plazapi. Paykunataj kamachisqakunamanta qhelqata sumajta uyarerqanku.

Qheshwa Biblia DC

³ Sut'iyaymantapacha chaupi p'unchaykama tukuypa ñaupaqempi leerqa, Yaku Punku nisqaj ñaupaqen plazapi. Tukuy ayllustaj sumajta uyarisharqanku chay leyniyoj qelqasqa libromanta leesqankuta.

DIOSPA QHELQACHISQAN DEUTEROCANONICAL

³ Chantá sut'iyaymantapacha chawpi p'unchaykama Esdrasqa tukuypa uyarinankuta chay qhelqata ñawirerqa Yaku punku nisqa plazapi. Paykunataj kamachisqakunamanta qhelqata sumajta uyarerqanku.

Nehemías 8:3 ပူးပေါင်းရင်းမြစ်များ

Nehemías 10:29

Paykunataj ayllunkuwan jinataj kurajninkuwan tantaykukuspa, tilorqanku Diospa kamachisqanman jina kawsanankupaj. Nillarqankutaj Tata Diosninkoj kamachisqanta, nisqanta, yachachisqanta ima mana pantaspa junt'anankuta, Moisespa yachachisqanman jina.

Nehemías 13:1

Chaypacha levitakunaqa Moisespa qhelqanta tukuypa uyarinanta ñawirerqanku. Chaypitaj qhelqasqa kasqa amonitakuna, jinataj moabitakunapis Diospa ayllunwan mana jayk'ajpis chajrukunankuta.

Nehemías 8:1

Tukuy runakuna uj runa jinalla plazapi, Yaku punkoj ñawpaqenpi tantakorqanku. Chantá yachachej Esdrasta nerqanku: Ama jinachu kay, aparimuy Tata Diospa qosqan qhelqata, mayqentachus Moisesnejta Israelman qosqa, chayta, nispa.

Nehemías 8:18

Chay raymita chay qanchis p'unchaykunapi israelitakuna ruwashajtinku, Esdrasqa sapa p'unchay Diospa kamachisqanmanta qhelqata paykunaman yachacherqa. Pusaj kaj p'unchaypitaj tukuyninku jatun tantakuypi tantakorqanku, kamachisqa kasqanman jina.

Nehemías 8:4

Yachachej Esdrasqa tarima patapi sayasharqa. Pañanpi kaykuna karqanku: Matatías, Semá, Anías, Urías, Hilcías, Maseías ima. Lloq'enpitaj karqanku: Pedaías, Misael, Malquías, Jasún, Jasbadana, Zacarías, Mesulán ima.

Nehemías 8:5

Chantá Esdras chay qhelqata kicharerqa, tukuy runataj payta rikuyta aterqanku, tukuyninkumanta aswan patapi sayashasqanrayku. Qhelqata kicharejtinkamataj, tukuy sayarikorqanku.

Marcos 12:37

Sichus David Diospa kachamusqan Cristota nerqa: Tukuyta Kamachejníy, nispa chayqa, imaynamantataj chantá Cristoqa Davidpa Churin kanmanri? nispa. Ajinata Jesús yachachishajtin, ashkha runakuna payta kusisqa uyarej kanku.

San Lucas 19:48

Chaywanpis mana imanayta aterqankuchu, imaraykuchus tukuy runakuna Jesús imatachus yachachinanta uyariyta suyasharqanku.

San Lucas 8:18

Chayrayku, allinta uyariwaychej ari: Kapuyniyojmanqa Dios astawanraj qonqa. Mana kapuyniyojmantatajrí kapusqanta yuyasqantapis Dios qhechonqa, nispa.

Hechos 13:15

Chantá tantakuna wasipi kurajkuna Moisespa kamachisqanmanta qhelqasqata, Diosmanta sut'inchajkunaj qhelqasqankuta ima tukuypa uyarinanta ñawirerqanku. Jinaspataj, Pablotawan Bernabetawan nicherqanku: Wawqekuna, sichus imallatapis niyta munawajchej kay runakunaj sonqonkuta oqharinaykichejpaj chayqa, kunan parlayta atinkichej, nispa.

Hechos 13:27

Chaywanpis Jerusalenpi tiyakojkuna, kamachejninkukuna ima mana repararqankuchu pichus Jesús kasqanta, nitaj entienderqankuchu Diosmanta sut'inchajkunaj qhelqasqankuta, sapa samarina p'unchaypi chayta ñawirispapis. Aswanpis Jesusta wañuchisqa kananpaj juchacharqanku, ajinamantataj ñawpa sut'inchajkunaj nisqankuta junt'arqanku.

Hechos 15:21

Chayta qhelqaspa kamachisunman, imaraykuchus unaymantapacha sapa llajtapi Moisespa kamachisqankunamanta willakun, jinallataj tantakuna wasikunapi sapa samarina p'unchaypi tukuypa uyarinanta ñawirinku, nispa.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

Hechos 20:11

Chantá ujtawan altopataman wicharispa, Pabloqa wawqe panakunawan khuska Jesuspa Cenanta mikhorqa. Chantá sut'iyanankama Pablo yachachillarqapuni, chaymantataj riporqa.

Hechos 20:7

Noqayku semanaj qallariynin p'unchaypi Jesusta qhatikojkunawan khuska tantakorqayku, Jesuspa Cenanta mikhunaykupaj, chaypitaj Pabloqa Diospa simi nisqanta yachachisharqa. Q'ayantin puririnan kasqanraykutaj, chawpi tutakama yachacherqa.

Hechos 28:23

Chaymanta Pablowan parlanankupaj judío kurajkuna uj p'unchayta ajllarqanku. Chaymantaj aswan ashkha runakuna jamorqanku, Pablo tiyakusharqa, chay wasiman. Chantá paqarinmantapacha ch'isiyanankama Pabloqa paykunaman Diospa kamachiyninmanta yachacherqa. Atisqantataj Jesusmanta yachacherqa imaynatachus Moisespa kamachisqanmanta qhelqasqapi, Diosmanta sut'inchajkunaj qhelqasqankupi ima Jesusmanta willasqanta.

Deuteronomio 31:9

Moisesqa kay kamachisqata qhelqaspa, Tata Diospa trato ruwasqan arcata apajkuna Leví jatun ayllumanta sacerdotekunaman, chantá israelitakunaj tukuy kurajninkuman ima jaywarqa.

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.

Josué 8:35

Josueqa Moisespa kamachisqanta Israel suyumanta qharikunaman, warmikunaman, wawakunaman, chantá waj llajtayojkunaman ima tukuyninta ñawirerqa.

Apocalipsis 2:29

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun, nispa. Ajinata Jesucristo niwarqa.

Apocalipsis 3:22

Pichus nisqayta jap'ikuyta munajqa Santo Espíritu iglesiakunaman imatachus nisqanta uyarichun, nispa. Ajinata Jesús nerqa.