Nehemías 7:3 - DIOSPA QHELQACHISQ

³ Chantá nerqani inti patapi kanankama ama punkukunata kicharinankuta. Kamachillarqanitaj punkukunata trancanankuta qhawajkuna kashajtillankuraj. Jinallataj Jerusalenpi tiyakojkunata qhawajkuna kanankupaj churarqani, wakintaqa chay qhawananku cheqanpi, wakintataj wasinku chaynejpi.

Qheshwa Biblia DC

³ Paykunaman nerqani ama punkusta kicharinankuta inti allinta q'oñirimunankama, nerqan itaj wisq'akunankuta, trankaykamunankutataj qhawajkuna soldados sayanasninkupi kanankukama. Jinallataj Jerusalempi tiyakojkunata qhawajkunata churarqani, wakintaqa chay qhawanasninku cheqampi, wakintataj wasisninku punkuspi.

DIOSPA QHELQACHISQAN DEUTEROCANONICAL

³ Chantá nerqani inti patapi kanankama ama punkukunata kicharinankuta. Kamachillarqanitaj punkukunata trancanankuta qhawajkuna kashajtillankuraj. Jinallataj Jerusalenpi tiyakojkunata qhawajkuna kanankupaj churarqani, wakintaqa chay qhawananku cheqanpi, wakintataj wasinku chaynejpi.

Nehemías 7:3 ပူးပေါင်းရင်းမြစ်များ

Nehemías 13:19

Chantá punkuta qhawajkunata kamacherqani samarina p'unchay qallarikunanpaj ch'isiyaykushajtin, Jerusalén llajtaj punkunkunata wisq'aykunankuta samarina p'unchay pasanankama. Chay jawataj kamachiykunata punkuta qhawanankupaj churarqani.

Nehemías 3:23

Chaymanta rej perqataqa Benjaminwan, Jasubwan, wasinku chimpapi karqa, chayta oqharichillarqankutaj. Chaymanta rej perqatataj Maseiaspa churin Azarías oqharicherqa. Payqa Jananiaspa allchhin karqa, wasintaj chaynejpi karqa.

Nehemías 7:2

Chaymantataj wawqey Jananita Jerusalenpi kamachinanpaj churarqani. Jananiastataj kuraj kamachejpa wasinta qhawananpaj churarqani. Jananiasqa Diosta may respetowan qhawaj karqa, cheqan runataj.

Nehemías 7:4

Jerusalén llajtaqa jatun karqa. Chaypitaj pisillaraj tiyakorqayku, manaraj watejmanta wasikunata sayarichisqaykurayku.

Salmos 127:1

(1b) Manachus Tata Dios wasita sayachin chayqa, wasichajkunaqa qhasillata wasita oqharinku. Manachus Tata Dios llajtata qhawan chayqa, qhawaj soldadokunaqa qhasillata qhawanku.

Salmos 147:13

Tata Diosqa jatun punkuykej llavenanta sinch'iyacherqa, llajtapi tiyakojkunatapis saminchallarqataj.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.