Nehemías 7:1 - DIOSPA QHELQACHISQ

¹ Jerusalén llajtaj muyuynin perqakunata sayarichiyta tukuytawan, punkukunata churacherqani. Chantá punku qhawajkunata, takejkunata, levitakunatapis ajllakorqa.

Qheshwa Biblia DC

¹ Perqa tukusqaña kajtin, punkuspis churasqasña kajtin, punku qhawajkuna, takejkuna jinataj levitaspis churasqas karqanku.

DIOSPA QHELQACHISQAN DEUTEROCANONICAL

¹ Jerusalén llajtaj muyuynin perqakunata sayarichiyta tukuytawan, punkukunata churacherqani. Chantá punku qhawajkunata, takejkunata, levitakunatapis ajllakorqa.

Nehemías 7:1 ပူးပေါင်းရင်းမြစ်များ

2 Reyes 7:10

Paykunataj llajtaman kutiytawan, llajta punkuta qhawaj soldadokunata wajyaspa, willarqanku: Noqaykoqa siriokunaj jarankuman rerqayku, chaypitaj mana pitapis rikorqaykuchu. Ni runaj parlasqallanpis uyarikorqachu. Pachanpi caballokunalla, burronkukunapiwan watasqa kashanku. Jarankupis imaynachus karqa, jinapacha saqerpayasqa kashan, nispa.

2 Crónicas 31:2

Chantá Ezequiasqa sacerdotekunata, levitakunata ima mit'ankupi rak'ispa, sapa ujta churarqa ruwayta yachasqankuman jina. Paykunata churarqa uywakunata ñak'aspa q'olachinankupaj, Dioswan allinyakuna jaywanatapis jaywanankupaj, pachis nispa Tata Diosta yupaychanankupaj, Temploj punkunkunapi jatunchanankupaj ima.

Esdras 3:8

Wataj iskay kaj killanman Jerusalenpi Tata Templonta ruwanankupaj chayamusqankumanta Salatielpa churin Zorobabel, Josadacpa churin Josuetaj, sacerdote masinkunawan, levitakunawan ima, chantá pikunachus Babiloniaman apasqa kasqankumanta Jerusalenman kutimporqanku, chay tukuyninku Tata Diospa Templonta watejmanta ruwayta qallarerqanku. Templota ruwachinapajqa ajllarqanku iskay chunka watayojmanta pataman levitakunata.

Nehemías 10:39

Israelitakuna, jinataj levitakunapis apanqanku imatachus Diosman qonankuta granomanta, vinomanta, aceitemanta ima, Templopi jallch'ana wasiman. Chaypi kashan Templopi imachus ruwanata ruwanapaj imakuna. Chayllapitaj kashanku sacerdotekuna, Templopi ruwanayoj kajkuna, punkuta qhawajkuna, jinataj takejkunapis. Ajinata niyku Diosniykoj Templonta mana saqerparinaykuta, nispa.

Nehemías 11:3

Kutimpoj israelitakunamanta, sacerdotekunamanta, levitakunamanta, Temploj kamachinpi ruwanayoj kajkunamanta, jinataj Salomonpa kamachinkunaj miraynin kajkunamanta ima aswan ashkha Judapi llajtankupi, jallp'ankupi ima tiyakaporqanku. Kamachejkunamantarí ashkha Jerusalén llajtapi tiyakaporqanku.

Nehemías 12:24

Levitakunajpa kurajninkukuna kaykuna karqanku: Jasabías, Serebías, Josué, Binúi, Cadmiel ima. Paykunaqa chimpantinpura takerqanku Diosta yupaychaspa, jinataj pachis nispa, ujtaj ujtaj takerqanku, Diospa kamachin David kamachisqanman jina.

Nehemías 6:1

Sambalat, Tobías, Arabiamanta Guesén, waj awqakuna ima yacharqanku watej llajtaj perqata oqhariyta tukusqaykuta, mana ni uj cheqata q'asallata saqespa. Chaywanpis punkuta mana churarqaykurajchu.

Nehemías 6:15

Chantá Jerusalén llajtaj perqanta oqhariyta tukorqayku Elul killapi iskay chunka phishqayoj kaj p'unchayninpi. Chaytataj phishqa chunka iskayniyoj p'unchaypi tukucharqayku.

Nehemías 6:19

Chayrayku uyarinayta Tobiasmanta allinta parlarqanku, noqaj parlasqaytapis payman willarqamoj kanku. Tobiastaj mancharichiwayta munaspa, noqamanpis cartakunata apachimullawarqapuni.