Nehemías 5:9 - DIOSPA QHELQACHISQ

⁹ Chantá noqa nillarqanitaj: Imatachus ruwashankichej, chayqa mana walejchu kashan. Qankunaqa Diosninchejta may jatun respetowan qhawanaykichej karqa, ajinamanta awqanchej mana asipayanawanchejpaj.

Qheshwa Biblia DC

⁹ Noqataj chaypi nerqani: Imatachus ruwashankichej chayqa mana walejchu kashan. Qankunaqa Diosninchejta manchachikunaykichej karqa. Ajinamanta chay enemigosninchej Diosta mana manchachikojkuna ama asipayanawanchejpaj.

DIOSPA QHELQACHISQAN DEUTEROCANONICAL

⁹ Chantá noqa nillarqanitaj: Imatachus ruwashankichej, chayqa mana walejchu kashan. Qankunaqa Diosninchejta may jatun respetowan qhawanaykichej karqa, ajinamanta awqanchej mana asipayanawanchejpaj.

Nehemías 5:9 ပူးပေါင်းရင်းမြစ်များ

Levítico 25:36

Manusqaykimantaqa ama interesta mañankichu, manachayqa Diosniykita may jatun respetowan qhawaspa, llajta masiykita wasiykipi tiyakunanpaj wajyarikuy.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

2 Samuel 12:14

Chaywanpis Tata Diosta pisipaj qhawasqaykirayku, wawaykeqa wañonqapuni, nispa.

Tito 2:5

Yachachillachunkutaj allinta qhawarikuspa purinankuta, llimphu puriyniyoj ima kanankuta. Yachachillachunkutaj wasinkupi imachus ruwana kajta ruwanankuta, k'acha kanankuta, chantá qosankuwan kasukuy sonqo kanankuta ima. Ajinata sipas warmikuna purejtinku, mana pipis Diospa nisqanmanta mana allinta parlanqachu.

1 Timoteo 5:14

Chayrayku sipasllaraj warmisapakunata yuyaychani watej casarakunankuta, wawakunayoj kanankuta, wasinkutapis allinta qhawanankuta ima. Ajinata ruwajtinku, contranchejpi kajkuna mana millayta parlanqankuchu.

Romanos 2:24

Chayrayku Diospa Qhelqachisqanpi nin: Qankunarayku mana judío kajkuna Diospaj millayta rimanku, nispa.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Ezequiel 36:20

Chantá may suyukunamanchá apasqa karqanku, chaypipis llimphu sutiyta p'enqaypi rikhurichillarqankutaj, imaraykuchus waj suyukunapi kaj runakuna nerqanku: Kay runakuna Tata Diospa ayllun kanku, chaywanpis paypa suyunmanta wijch'usqa kanku, nispa.

Proverbios 24:23

Kaykunapis waj yachayniyojkunaj nisqankunallataj kanku: Justiciata ruwaspa, wakillanta allinpaj qhawanaqa mana allinchu.

Proverbios 19:2

Mana allinta qhawarikuspa imatapis ruwanaqa mana allinchu. Pillapis usqhayllata imatapis ruwarparejqa pantan.

Proverbios 18:5

Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

Proverbios 17:26

Mana juchayojtaqa mana juchachanachu, manallataj cheqanta ruwaj runata seq'onachu.

Proverbios 16:29

Maqanakoj runaqa kawsaqenta q'otiyan, ajina ruwasqantaj, mana allin ñanninta payta pusan.

Nehemías 5:15

Noqamanta aswan ñawpaj kaj kamachejkunaqa tukuy runata ch'irwasqanku. Paykunaqa tawa chunka qolqeta sapa p'unchay pagachikoj kanku mikhunankupaj, ujyanankupajwan. Chay kamachejkunaj kamachinkunapis runakunawan munayninkuta ruwallajtaj kanku. Noqarí mana chayta ruwarqanichu Diosta may jatun respetowan qhawasqayrayku.

Nehemías 4:4

Chaypacha Diosmanta mañakorqani: Diosniyku, uyariy imaynatachus noqaykumanta asiykukuwasqaykuta. Kay waqachiwasqaykoqa paykunaj patallankumantaj chayachun. Awqankoj makinkuman urmaspataj, waj suyukunaman apasqa kachunku.

1 Samuel 2:24

Wawaykuna, manapuni walejchu Tata Diospa ayllun ukhupi chay jinata qankunamanta parlasqankoqa.

Génesis 42:18

Kinsa p'unchaymantataj José paykunata nerqa: Noqaqa Diosta manchachikuni. Sichus kawsayta munankichej chayqa, kayta ruwaychej:

Génesis 20:11

Chantá Abraham kuticherqa: Noqa sonqoypi nerqani: Kay llajtapi Diosta mana may jatun respetowan qhawayta yachankuchu. Chayrayku warmiyta qhechunawankupaj wañuchiwankumanchari, nispa.

Nehemías 5:10

Noqaj aylloyqa, kamachiykunapis, noqapis pisichikojkunaman qolqeta, trigota ima manorqayku. Chaywanpis mana interesniyojtachu manuta qochikaporqayku.

Salmos 90:11

Pitaj k'araj phiñakuyniykita rejsinri? Pitaj yachan phiñakuyniyki may jinachus kasqantari?