Nehemías 4:3 - DIOSPA QHELQACHISQ

³ Sambalatpa ladonpitaj amonita Tobías kasharqa, paypis nillarqataj: Qhawariychej má chay perqa ruwasqankuta. Uj atojllaraj chay pataman wicharispa, urmaykuchinman, nispa.

Qheshwa Biblia DC

³ Sanbalatpa ladompitaj amonita Tobías kasharqa, paypis nillarqataj: Chay jawaqa, qhawariychej chay perqa ruwasqankuta: Uj atojllaraj chay pataman wicharispa, urmaykuchinman!

DIOSPA QHELQACHISQAN DEUTEROCANONICAL

³ Sambalatpa ladonpitaj amonita Tobías kasharqa, paypis nillarqataj: Qhawariychej má chay perqa ruwasqankuta. Uj atojllaraj chay pataman wicharispa, urmaykuchinman, nispa.

Nehemías 4:3 ပူးပေါင်းရင်းမြစ်များ

1 Reyes 20:10

Chantá Ben Adadqa ujtawan Ajabman nichillarqataj: Samaria llajtata thuñisaj, manataj uj maki jallp'allapis wakenqachu soldadoykunaman qonaypaj. Sitajchus mana jinata ruwasaj chayqa, diosniykuna jasut'iwachunku, nispa.

1 Reyes 20:18

Chantá pay nerqa: Sichus paykuna mana maqanakojchu llojsimushanku chayqa, kawsashajta jap'iychej, nispa.

2 Reyes 18:23

Kunanqa Asiria suyuta kuraj kamachej wiraqochiywan uj tratota ruwaychej: Sichus 2.000 soldadokunata tariwaj chayqa, noqa 2.000 caballokunata qosqayki chayman lloq'aspa, maqanakunankupaj.

Nehemías 2:10

Chaywanpis Horonmanta Sambalat, kamachej amonita Tobiaswan chayta yachaspa, sinch'ita phiñakorqanku, israelitakunata yanapaj jamusqaykurayku.

Nehemías 2:19

Jinapi Horonmanta Sambalat, kamachej amonita Tobiaswan, chantá Arabia llajtayoj Guesenpis chayta yachaspa, noqaykumanta asiykukuwarqayku, pisipaj qhawaspataj, niwarqayku: Imatataj pakaymanta ruwanayashankichejri? Kuraj kamachejpa contranpichu oqharikuyta munashankichej? nispa.

Nehemías 6:1

Sambalat, Tobías, Arabiamanta Guesén, waj awqakuna ima yacharqanku watej llajtaj perqata oqhariyta tukusqaykuta, mana ni uj cheqata q'asallata saqespa. Chaywanpis punkuta mana churarqaykurajchu.

Lamentaciones 5:18

Sión orqoqa ch'inpacha raqaylla kashan, atojkunallaña kayman jaqayman purishanku.

Deuteronomio 23:3

3 (4) Amonitakuna, jinataj moabitakunapis nillataj Tata Diospa sutinpi tantakuyman jayk'ajpis yaykonqankuchu. Chunka mirayninkamapis mana yaykonqankuchu.