Nehemías 4:2 - DIOSPA QHELQACHISQ

² Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

Qheshwa Biblia DC

² Llajta masisnimpa ñaupaqempi, Samariamanta soldadospa ñaupaqempiwan, kay jinata nerqa: Imatataj ruwayta yuyanku kay yarqhaymanta wañushaj judiosri? Ujtawanchu yuyasqanku uywa wañuchisqata jaywayta? Chayri uj diallapichu perqa oqhariyta, tukuytataj yuyanku? Chayri chay raqay ruphasqa qollusmantachu mosoj rumista orqhoyta yuyanku?

DIOSPA QHELQACHISQAN DEUTEROCANONICAL

² Llajta masinkoj ñawpaqenpi, Samariamanta soldadokunaj ñawpaqenkupiwan kay jinata nerqa: Imatataj kay yarqhaymanta wañusqa judiokuna ruwayta yuyankuri? Yuyarqankuchu ujtawan uywa ñak'asqata jaywayta? Chayrí uj p'unchayllapichu perqa oqhariyta tukuychayta yuyanku? Chayrí yuyankuchu laqaya ukhumanta mosoj rumita orqhoyta? nispa.

Nehemías 4:2 ပူးပေါင်းရင်းမြစ်များ

Esdras 4:4

Chaymanta chaypi tiyakoj runakunaqa judiokunata iskayrayacherqanku, manchacherqankutaj, Templota ama ruwanankupaj.

Nehemías 12:27

Jerusalén perqata Diosman jaywapuna p'unchay chayamojtinkama, tukuynejmanta levitakunata wajyacherqanku. Chantá paykunata Jerusalenman pusarqanku llajtaj muyuynin jatun perqata Diosman jaywanankupaj, kusiywan yupaychana takiykunata takispa, platillokunata, arpakunata, lirakunata ima tocarispa.

Nehemías 12:43

Chay p'unchaypi ashkha uywata ñak'aspa Diosman jaywarqanku, runakunataj mayta kusikorqanku Dios paykunata mayta kusichisqanrayku. Warmikunapis, wawakunapis sinch'ita kusikullarqankutaj. Chaypacha Jerusalenpi kusiywan ch'ajwasqankoqa karumantapacha uyarikorqa.

Nehemías 4:10

Jinapi Judamanta kajkuna thutuyta qallarerqanku: Laqayaqa ancha ashkha, wijch'ojkunataj sayk'urpankuña. Jina kajtenqa, perqa oqhariyta mana jayk'aj tukusunmanchu, nispa.

Nehemías 6:15

Chantá Jerusalén llajtaj perqanta oqhariyta tukorqayku Elul killapi iskay chunka phishqayoj kaj p'unchayninpi. Chaytataj phishqa chunka iskayniyoj p'unchaypi tukucharqayku.

Salmos 83:4

4 (5) Jamuspa, tukuchiyta munawayku, amaña suyu jina kanaykupaj, Israel sutinta wiñaypaj chinkachinankupaj ima.

Jeremías 26:18

Judá suyuta kuraj kamachej Ezequías kamachishajtin, Moreset llajtayoj Miqueas Tata Diospa sutinpi tukuy Judamanta runakunaman kay jinata parlasqa: Tukuy Atiyniyoj Tata Dios nin: Sionqa llank'ana jallp'aman tukonqa, Jerusalentaj raqayman. Diospa Templon kashan, chay orqopitaj ch'umi wiñaykonqa, nispa.

Jeremías 33:24

Manachu reparanki imatachus runakuna nishasqankuta? Paykuna nishanku: Tata Diosqa chay iskaynin ajllakusqan aylluta qhesachan, nispa. Chayrayku pisipaj qhawaspa, aylluytaqa manaña suyupaj jinachu qhawashanku, nispa.

Daniel (hebreo) 9:25

Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Zacarías 12:8

Chaymantataj noqa Tata Diosqa Jerusalenpi tiyakojkunatañataj waqaychasaj. Chaypi pisi kallpayojkuna David jina kallpasapaman tukonqanku, Davidpa ayllunmanta kajkunataj Dios jina kanqanku, paykunaj ñawpaqenkuta rej Diospa angelnin jinataj.

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

1 Corintios 1:27

Diostajrí kay pachapi wampupaj qhawasqa kajkunata ajllakorqa yachayniyojkunata p'enqachinanpaj. Ajllakullarqataj kay pachapi pisi kallpayojkunata p'enqachinanpaj.