Nehemías 3:3 - DIOSPA QHELQACHISQ

³ Senáj churinkunaqa Challwa Punku nisqata oqharerqanku. Kurkunkunata churaykuytawankama, punkunta churaykorqanku llaventinta, fierromanta trancanayojta.

Qheshwa Biblia DC

³ Senaaj mirayninmanta kajkunataj Challwa nisqa punkuta jataricherqanku. K'aspita churaykuytawankama punkusninta churaykorqanku llavenasnintinta jark'anasnintawa.

DIOSPA QHELQACHISQAN DEUTEROCANONICAL

³ Senáj churinkunaqa Challwa Punku nisqata oqharerqanku. Kurkunkunata churaykuytawankama, punkunta churaykorqanku llaventinta, fierromanta trancanayojta.

Nehemías 3:3 ပူးပေါင်းရင်းမြစ်များ

2 Crónicas 33:14

Chay qhepatataj Manasesqa Davidpa Llajtan nisqapi, Guijonmanta inti yaykuynejman jawa perqanta oqharicherqa. Chaytaj mayunejta pasaspa, Challwa punku nisqakama chayamorqa, chaymantataj Ofelnejta muyuykorqa. Chay perqataqa sinch'i altota ruwacherqa. Chantá Judá suyupi sumaj jark'achasqa llajtakunapi soldadokuna kamachejkunata churallarqataj.

Esdras 2:35

Sená llajtayojkunamanta 3.630 qharikuna karqanku.

Nehemías 12:39

Jinallataj Efrainpa punkunta, chantá Jesanaj punkunnejta, chaymantataj Challwa punku nisqanejta, Jananel torrenejta, jinataj Pachaj torren nisqanejta, Oveja punku nisqakama chayarqayku. Sayarqaykutaj Qhawaj Soldadokunaj punkun nisqapi.

Nehemías 2:8

Waj cartatapis qollawankimantaj kuraj kamachejpa sach'ankunata qhawaj Asafpaj, kurkukunata qonawanpaj. Chaywan Diospa Templonpa punkunkunata churasaj, jinallataj llajtaj perqanpa punkunkunata, chantá maypichus tiyakusaj, chay wasipajpis, nispa. Kuraj kamachejtaj tukuy mañasqayta qowarqa, Dios khuyarikuwaspa yanapawasqanrayku.

Nehemías 3:4

Perqaj qhepan kaj t'aqantataj Cospa allchhin Meremot, pichus Uriaspa churin karqa, pay oqharerqa. Chaymantaj waj perqatataj Mesezabelpa allchhin Berequías, pichus Mesulanpa churin karqa, pay oqharerqa. Qhepan kajtataj Banáj churin Sadoc oqharichillarqataj.

Nehemías 3:6

Paseajpa churin Joyadá, Besodiaspa churin Mesulán ima Jesana Punku nisqata ruwarqanku. Kurkunkunata churaykuytawankama, punkunkunata churaykorqanku llavekunantinta, fierromanta trancananta ima.

Nehemías 6:1

Sambalat, Tobías, Arabiamanta Guesén, waj awqakuna ima yacharqanku watej llajtaj perqata oqhariyta tukusqaykuta, mana ni uj cheqata q'asallata saqespa. Chaywanpis punkuta mana churarqaykurajchu.

Nehemías 7:1

Jerusalén llajtaj muyuynin perqakunata sayarichiyta tukuytawan, punkukunata churacherqani. Chantá punku qhawajkunata, takejkunata, levitakunatapis ajllakorqa.

Nehemías 7:38

Senamanta kajkuna 3.930 qharikuna.

Salmos 147:13

Tata Diosqa jatun punkuykej llavenanta sinch'iyacherqa, llajtapi tiyakojkunatapis saminchallarqataj.

Sofonías 1:10

Tata Dios kay jinata nillantaj: Chay p'unchaypi yanapanata mañakuspa qhaparikusqanku uyarikonqa, qhaparisqankoqa Challwa Punku nisqamantapacha uyarikonqa. Mosoj llajta nisqapipis runakuna qhaparillanqankutaj, jinallataj orqokunapis ikhakuspa manchayta sonarispa loqhekonqa.