Nehemías 2:3 - DIOSPA QHELQACHISQ

³ Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

Qheshwa Biblia DC

³ Reytataj nerqani: Wiñaypaj kausayniykeqa kachun reyníy! Imaraykutaj mana llakikusajchuri? Tatasniy p'ampasqas kashanku chay llajtasqa raqaykunasllaña, punkusnimpis ninaj q'olasqan.

DIOSPA QHELQACHISQAN DEUTEROCANONICAL

³ Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

Nehemías 2:3 ပူးပေါင်းရင်းမြစ်များ

1 Reyes 1:31

Chantá Betsabeqa kuraj kamachejpa ñawpaqenpi pampakama k'umuykuspa, nerqa: Kuraj kamachejníy David, wiñaypaj kawsanaykita Dios munachun, nispa.

2 Reyes 25:8

Babilonia suyuta kuraj kamachej Nabucodonosor chunka iskayniyoj watataña kamachishajtin, phishqa kaj killapi, qanchis kaj p'unchaypi, kuraj kamachejta qhawaj soldadokunata kamachej Nabuzaradán Jerusalenman chayamorqa.

2 Crónicas 21:20

Jorán kinsa chunka iskayniyoj watayoj karqa kamachiyta qallarishaspa, Jerusalenmantataj pusaj watata kamacherqa. Wañupusqanmantataj mana pipis waqarqachu. Davidpa Llajtan nisqapi ayanta p'ampaykorqanku, jinapis mana, maypichus kuraj kamachejkunata p'ampaj kanku, chaypichu.

2 Crónicas 28:27

Wañupojtintaj, Jerusalén llajtapi Ajazpa ayanta p'ampaykorqanku. Chaywanpis mana Israel kuraj kamachejkunaj p'ampanankupichu p'amparqanku. Qhepantataj churin Ezequías kamacherqa.

2 Crónicas 32:33

Ezequías wañupojtin, ayanta p'amparqanku Davidpa ayllunpa p'ampakunanpi aswan pata kajpi. Tukuy Judá suyupi, Jerusalenpi tiyakojkunapis may jina respetowan p'amparqanku. Qhepantataj churin Manasés kamacherqa.

2 Crónicas 36:19

Chay jawaqa Babiloniamanta soldadokuna Diospa Templontapis ruphaykucherqanku, Jerusalén llajtaj perqankunatataj thuñiykorqanku. Kamachina wasimanpis ninata jap'iykucherqanku. Chay valorniyoj kaj imakunatapis tukuyninta t'unaykorqanku.

Nehemías 1:3

Paykunataj niwarqanku: Pikunachus apasqa kanamanta llusp'erqanku, chaykuna chayllapi qhepakorqanku. Chaywanpis may llakisqa, p'enqasqataj kashanku. Jerusalén llajtaj perqanpis thuñisqa, punkunkunataj ninawan ruphasqa kashan, nispa.

Nehemías 2:13

Chay ch'isi llojserqani, Valleman Llojsina punku nisqa chayninta, chantá Sierpej Pujyun nisqa chayninta, Q'opa Jich'ana nisqa chay punkunejllatataj ima. Qhawarqanitaj Jerusalenpa urmasqa perqankunata, ruphasqa punkunkunatawan.

Ester (hebreo) 8:6

Imaynatataj noqaqa qhawakullayman judío masiykunaman kay llakiy chayanantari? Imaynatataj saqellayman yawar masiykuna tukuchisqa kanankutari? nispa.

Salmos 102:14

14 (15) Kamachiykikunaqa Sión llajtaj ruminkunata munakunku. Chayrayku raqayllataña rikojtinku, sonqonku nanan.

Salmos 102:15

15 (16) Tata Dios, sutiykita tukuy suyu jatunchanqanku. Kay pachamanta kuraj kamachejkunapis atiyniyoj kasqaykita rejsisonqanku,

Salmos 137:6

Sichus qanmanta mana yuyarikuyman chayqa, qalluy mallq'ayman k'askaykuchun, manachus tukuy imamanta astawan Jerusalenmanta kusikuyman chayqa.

Salmos 38:7

7 (8) K'aja onqoywan wasayqa lawrarishanña, tukuy ukhuytaj onqosqa kashan.

Jeremías 52:12

Babiloniata kuraj kamachej Nabucodonosor chunka jisq'onniyoj watataña kamachishajtin, phishqa kaj killaj chunka kaj p'unchayninpi kuraj kamachejta yanapaj soldadokunata kamachej Nabuzaradán Jerusalenman chayamorqa.

Lamentaciones 2:9

Punkunkunapis pampaman wijch'usqa karqanku. Pay punku chakanankutapis p'akirarqa. Kuraj kamachejninkuwan, kurajninkukunawanqa waj suyukunaj chawpinkupi kashanku. Kamachiykunaqa manaña kanchu, nitaj Diosmanta sut'inchajkunapis mosqoypi jina imatapis Diosmanta jap'inkuñachu.

Daniel (hebreo) 2:4

Chantá yachayniyoj runakuna arameo parlaypi kuraj kamachejta nerqanku: Jallalla jallalla, kuraj kamachejniyku, wiñaypaj kawsay. Mosqokusqaykita willawayku, noqaykutaj sut'inchasqayku imatachus niyta munasqanta, nispa.

Daniel (hebreo) 3:9

Paykuna nerqanku: Jallalla, jallalla, kuraj kamachejniyku, wiñaypaj kawsay, sutiykitaj yuyarisqapuni kachun.

Daniel (hebreo) 5:10

Jinapi kuraj kamachejpa mamanqa churin Belsasarpa qhaparisqanta, chantá kurajkunaj qhaparisqankutawan uyarispa, maypichus mikhusharqanku, chayman yaykorqa, nerqataj: Jallalla jallalla, kuraj kamachejníy, wiñaypaj kawsakuy. Ama llakikuychu, amataj uyaykipis jinatapuni q'elluyachunchu.

Daniel (hebreo) 6:21

21 (22) Danieltaj kuticherqa: Jallalla jallalla, kuraj kamachejníy, wiñaypaj kawsay.

Daniel (hebreo) 6:6

6 (7) Ajinata nispa, chay kurajkuna, kamachejkunawan ima parlanakorqanku, kuraj kamachej Darioman parlapayaj rinankupaj. Chantá ñawpaqenpi sayaspa, nerqanku: Jallalla jallalla, kuraj kamachejniyku, wiñaypaj kawsakuy.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.