Nehemías 1:9 - DIOSPA QHELQACHISQ

⁹ Chaywanpis sichus noqaman kutirikamuspa, kamachisqayta junt'awajchej, nisqaytataj ruwawajchej chayqa, tukuynejman ch'eqerasqa kawajchej chaypis, chaymantapacha tantakapusqaykichej. Chantá pusakampusqaykichej, maypichus sutiy yupaychasqa kananpaj ajllakorqani, chay cheqaman, nispa.

Qheshwa Biblia DC

⁹ Sitajchus qanman kutirikamuspa kamachiykunasniykita junt'aykuman, nisqasniykitataj ruwaykuman chayqa, kay pachaj k'uchusninmampis ch'eqerasqas kaykuman chaypis, qan chaykunamanta kutichimuspa, maypichus sutiyki jatunchasqa kanampaj ajllakorqanki chay cheqaman watejmanta tantaykunawaykuta.

DIOSPA QHELQACHISQAN DEUTEROCANONICAL

⁹ Chaywanpis sichus noqaman kutirikamuspa, kamachisqayta junt'awajchej, nisqaytataj ruwawajchej chayqa, tukuynejman ch'eqerasqa kawajchej chaypis, chaymantapacha tantakapusqaykichej. Chantá pusakampusqaykichej, maypichus sutiy yupaychasqa kananpaj ajllakorqani, chay cheqaman, nispa.

Nehemías 1:9 ပူးပေါင်းရင်းမြစ်များ

1 Reyes 8:48

Paykuna tukuy sonqonkuwan, tukuy almankuwan qanman kutirikamusunkuman, maymanchus awqanku presota aparqa, chaypi. Sichus qanmanta mañakamusunkuman, ñawpa tatankunaman qorqanki, kay jallp'aman qhawarisqa, ajllakorqanki kay llajtaman, sutiykipi noqa ruwaporqayki kay Templo cheqanejman qhawarisqa chayqa,

1 Reyes 9:3

Tata Diostaj payta nerqa: May jinata mañakuwasqaykita uyariykiña. Ruwapuwasqayki Templotapis noqapaj t'aqakuniña, chaypi suteyqa wiñaypaj yupaychasqa kananpaj. Kay Templota waqaychasajpuni, manataj qonqasajchu.

1 Crónicas 16:35

Chantá niychej: Qhespichiwayku Diosniyku, qanmin qhespichiwajniyku kanki. Suyukunamanta tantaykuwayku, makinkumantataj kacharichiwayku llimphu sutiykita jatunchanaykupaj, kusisqa yupaychanaykupaj ima.

Esdras 6:12

Sichus mayqen kuraj kamachejpis, chayrí llajtapis, Jerusalenpi kashan, chay Temploj contranpi mana allinta ruwayta munanqa chayqa, pichus sutin yupaychasqa kananpaj Jerusalenta ajllakoj Diosmin paytaqa chinkarparichichun. Noqa Darío kaytaqa kamachini, kay nisqaytaj kikinpuni junt'akuchun, nispa.

Salmos 106:47

Qhespichiwayku, Tata Diosniyku. Tukuy suyumanta tantaykapuwayku, may llimphu sutiykita jatunchanaykupaj, jinataj kusisqa qanta yupaychanaykupaj.

Salmos 107:3

Tata Dios paykunata tukuy suyumanta tantarqa, inti llojsimuynejmanta, inti yaykuynejmanta, uranejmanta, wichaynejmantapis.

Salmos 147:2

Tata Diosqa watejmanta Jerusalenta jatarichin, ch'eqerasqa israelitakunatataj tantaykun.

Isaías 11:12

Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Isaías 27:12

Chay p'unchaypi Tata Dios erapi trigota jina trillanqa, Éufrates mayumantapacha Egipto mayukama. Chantá Israelpa miraynin kajkunata ujmanta uj pallaspa, tantanqa.

Isaías 56:8

Noqa Tukuyta Kamachej Tata Dios, pichus karuman wijch'usqa israelitakunata tantamuni, kayta nini: Kay tukuy tantamusqaymanta jawaqa wajkunatapis tantamusajraj, nispa.

Jeremías 12:15

Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 3:14

Tata Dios nillantaj: Contrayta oqharikoj churiykuna, noqaman kutirimuychej, imaraykuchus noqa qankunaj dueñoykichej kani. Noqa sapa llajtamanta ujta ajllakusaj, sapa ayllumantataj iskayta, jinaspataj, Sionman ujtawan kutichimusaj.

Jeremías 31:10

Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 6:22

Tata Dios ajinata nin: Wichaynejmanta may jina atiyniyoj suyu jamunanpaj wakichikushan.

Ezequiel 14:6

Chayrayku Israel aylluman niy: Kay jinata nin Tukuyta Kamachej Tata Dios: Lantiykichejkunata, tukuy millay ruwaykunatawan saqerpayaspa, Tata Diosman kutirikuychej, nispa.

Ezequiel 36:24

Qankunataqa noqa waj suyukunamanta orqhomusqaykichej, tukuy llajtakunamanta tantaykuspataj, suyuykichejman kutichimpusqaykichej.

Levítico 26:3

Sichus kamachisqayman jina purinkichej, kamachisqayta kasuspataj chayman jina ruwankichej chayqa,

Zacarías 8:7

Tukuy Atiyniyoj Tata Dios nillantaj: Noqamin aylluyta kacharichisaj inti llojsimuynejpi suyoj atiyninmanta, jinataj inti yaykuynejpi suyumantapis.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

Deuteronomio 12:21

Ichapis Tata Dios sutinta churananpaj ajllakusqan cheqa qankunamanta karupi kanman. Jina kajtenqa, Tata Dios qosusqaykichej wakamanta, ovejamanta ima ñak'aspa, munasqaykichejman jina mikhuyta atinkichej, maypichus tiyakushankichej chaypi imaynatachus kamacherqaykichej, chayman jina.

Deuteronomio 12:5

Tata Diosqa Israelpata tukuy ayllun ukhupi uj cheqata ajllakonqa, qankuna chayman rispa, paypa sutinta yupaychanaykichejpaj.

Deuteronomio 30:1

Chantá Moisés nillarqataj: Sichus ajllakunaykichejpaj kunan willasqay saminchaykuna, chayrí llakiykuna chayamusunkichejman chayqa, Tata Diosniykichej wijch'usonqachej chay suyukunapi kunan nisqaypi unanchankichej.