Nahúm 2:9 - DIOSPA QHELQACHISQ

⁹ 9 (10) Suwaychej qolqenkuta, apakapuychej qorinkuta. Nínive llajtaj qhapaj kaynenqa mana tukukuyniyoj.

Qheshwa Biblia DC

⁹ Suwaychej qolqenkuta, suwaychej qorinkuta. Nínivej qhapaj kaynenqa ashkha mana tukukuyniyoj kashan!

DIOSPA QHELQACHISQAN DEUTEROCANONICAL

⁹ 9 (10) Suwaychej qolqenkuta, apakapuychej qorinkuta. Nínive llajtaj qhapaj kaynenqa mana tukukuyniyoj.

Nahúm 2:9 ပူးပေါင်းရင်းမြစ်များ

2 Crónicas 36:10

Mosoj wata qallarikushajtin, Nabucodonosorqa Joaquinta Babiloniaman apanankuta kamacherqa, Tata Diospa Templonmanta aswan valorniyoj imakunatawan khuskata. Chantá Nabucodonosorqa Sedequiasta churarqa Judá suyuta, Jerusalentawan kamachinanpaj. Sedequiasqa Joaquinpa ayllunmanta karqa.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Isaías 33:4

Imaynatachus phinki phinkikuna phuyu jina aywirimuspa, tukuy chajrata tukuykunku, ajinata asiriokunaj awqanku tukuy kapuyninkuta qhechonqa.

Jeremías 25:34

Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Jeremías 46:5

Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Ezequiel 26:12

Chantá qhapaj kapuyniykita apakaponqanku, tukuy imaykitapis suwakaponqanku. Perqaykita loqheykonqanku, sumaj wasiykikunatapis thuñiykonqanku. Rumiykikunata, kurkuykikunata ima, thuñisqa perqaykitawan khuska mama qochaman wijch'onqanku.

Daniel (hebreo) 11:8

Astawanpis, payqa Egiptoman kutirispa, wichaynejmanta kaj kuraj kamachejpa diosninkunata, metalmanta ruwasqa lantikunata, qorimanta, qolqe metalmanta ruwasqa valorniyoj imakunatawan apakaponqa. Chantá unay watata iskaynin suyukuna mana maqanakuspalla kawsanqanku.

Nahúm 3:17

Jark'akusoj soldadoykikunapis phinki phinki jinallataj kanku. Maqanakuman rinapaj soldadokunata jap'ejkunaqa may chhika sik'imira jina aywirinku. Chiriykamojtenqa, perqakunaman tiyaykunku. Inti llojsimojtintajrí llojsinku, nitaj pipis yachanchu maymanchus risqankuta.

Apocalipsis 18:12

Qhatunapaj apasqankoqa kaykuna kanku: Qori, qolqe metal, k'achitu rumikuna, walqakuna, sumaj awasqa lino tela, kulli tela, seda tela, puka tela, sumajta q'apaj tukuy imaymana madera, marfil tullu, sumaj madera, broncemanta, fierromanta, chantá mármol sutiyoj rumimanta tukuy ima ruwasqa.

Apocalipsis 18:16

Chantá nenqanku: Chay jatun llajta chay jina llakiyman chayananri. Payqa sumaj awasqa linomanta p'achallikoj, jinallataj kulli yanaraw p'achawan, puka p'achawan, qoriwan, k'achituta lliphirishaj rumikunawan, chantá walqakunawan ima k'achanchakoj.