Nahúm 1:4 - DIOSPA QHELQACHISQ

⁴ Payqa k'amispa, mama qochatapis ch'akirparichin. Ch'akichillantaj mayukunapi yakutapis. Basán pampapi, jinallataj Carmelo orqopipis qhorakuna qawipunku, Libanopi t'ikakunapis qawipullankutaj.

Qheshwa Biblia DC

⁴ Payqa manchachin mar qochatapis chantá ch'akirparichintaj. Ch'akichillantaj mayuspi yakustapis. Basampa camposninmanta Carmelo orqosninmantapis qhorasnin qawipunku, Líbanoj t'ikasnimpis qawipullantaj.

DIOSPA QHELQACHISQAN DEUTEROCANONICAL

⁴ Payqa k'amispa, mama qochatapis ch'akirparichin. Ch'akichillantaj mayukunapi yakutapis. Basán pampapi, jinallataj Carmelo orqopipis qhorakuna qawipunku, Libanopi t'ikakunapis qawipullankutaj.

Nahúm 1:4 ပူးပေါင်းရင်းမြစ်များ

Génesis 8:1

Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

2 Samuel 22:16

Tata Diosníy, k'amisqaykiwan mama qochaj ukhun rikhurerqa. Sinch'i samayniykiwantaj kay pachaj cimientonkunapis rikhurillarqataj.

Job 38:11

Chantá nerqani: Kaykamalla chayanki, kaymanta mana pasankichu. May jinata oqharikuspa qhollchoqeyasqaykeqa kayllapi tukukonqa, nispa.

Salmos 104:7

Kamachejtiyki, yakukuna ayqerqanku, jatunmanta parlasqaykita uyarispataj, usqhayllata riporqanku.

Salmos 106:9

Puka Mama Qochata k'amerqanki, qochataj ch'akerqa, aylluykitaj khallasqa qochaj ukhunta ch'aki pampata jina chimparqanku.

Salmos 114:3

Puka Mama Qochaqa israelitakunata rikuspa ayqerqa, Jordán mayupis qhepaman kutirerqa.

Salmos 114:5

Imajtintaj qan, Puka Mama Qocha, ayqerqankiri? Imajtintaj qan, Jordán mayu, qhepaman kutirerqankiri?

Salmos 18:16

16 (17) Patamantapacha Diosqa makinta jaywamuwarqa, chay jina ukhu mama qochamantataj orqhowarqa.

Salmos 74:15

Juturikunata, mayukunata ima qan rikhuricherqanki. Ni jayk'aj ch'akej jatun mayukunata qanllataj ch'akicherqanki.

Isaías 33:9

Israel suyu llakisqa, onqosqataj kashan, Libanopis may p'enqaywan qawisqa kashan. Sarón vallepis q'ara pampaman tukupun, Basán jallp'awan, Carmelo jallp'awanqa t'ojrapacha kashan.

Isaías 42:15

Chantá noqa orqokunata, kinraykunata ima ch'inman tukuchisaj, chaypi q'omer kaj chhikatapis ch'akirachisaj. Mayukunata ch'aki pampaman tukuchisaj. Qochakunatapis ch'akirachillasajtaj.

Isaías 44:27

Noqaqa mama qochata ch'akichiyta atini, jinallataj mayukunatapis.

Isaías 51:10

Manachu qan mama qochapi chay chhika ukhu yakuta ch'akicherqanki? Chaypitaj uj ñanta kicharerqanki, chayninta kacharichisqayki israelitakuna chimpanankupaj.

Ezequiel 30:12

Noqaqa Nilo mayupi yakuta ch'akichisaj, jinaspataj chay suyuta millay runakunaman qosaj, tukuy kapuyninkutataj waj llajtayojkunawan apachispa ch'inyachisaj. Noqa Tata Dios chaytaqa nini.

Ezequiel 38:20

Chantá mama qochapi kaj challwakuna, phawaj p'isqokuna, campopi kaj phiña animalkuna, pampata qhatatakuspa purej animalkuna, tukuy kay pachapi kaj runakuna ima ñawpaqeypi kharkatitenqanku. Jatuchaj orqokuna loqherakonqanku, tukuy perqakunataj thuñikuspa, pampaman urmanqanku.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 5:8

Tata Diosmin Cabrilla nisqa ch'askakunata, Orión nisqa ch'askakunatawan ruwarqa. Payllataj tutata p'unchayman tukuchin, jinallataj p'unchaytapis laqhaman. Paymin mama qochamanta yakuta phuyuman tukuchispa, jallp'a pataman parachimun.

San Mateo 8:26

Chantá Jesús paykunata nerqa: Imaraykutaj manchachikunkichejri? Qankunamá kasqankichej, manachu noqapi atinikunkichej? nispa. Sayariytawantaj, qochata, wayratawan k'amerqa. Wayra thañejtintaj, qochapis tiyaykorqa.

Josué 3:16

patanejmanta jamoj yakoqa kikinpi sayarqa, Adán nisqa llajtamanta Saretán nisqa llajtakama. Uraman p'itikoj yakutaj tukukunankama Wañusqa Qochaman urayk'orqa. Ajinata yakoqa mayupi iskayman t'aqarpayakorqa, israelitakunataj Jericó llajtanejman chayninta chimparqanku.