Miqueas 7:9 - DIOSPA QHELQACHISQ

⁹ Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Qheshwa Biblia DC

⁹ Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

DIOSPA QHELQACHISQAN DEUTEROCANONICAL

⁹ Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Miqueas 7:9 ပူးပေါင်းရင်းမြစ်များ

2 Samuel 24:17

Jinallapi Davidqa runakunata wañurachisharqa chay angelta rikuspa, Tata Diosta nerqa: Noqa juchallini. Noqamin juchayoj kani. Kay runakunarí ima juchayojtaj kankuri? Paykunata ñak'arichinaykitaqa, mañakuyki noqata, aylluytawan ñak'arichinawaykuta, nispa.

Job 23:10

Chaywanpis sapa thaskisqayta pay yachan. Payqa imaynatachus kasqayta yachariyta munaspa, tukuy imata ñak'arichiwan, chaymantataj ch'uwa qori jina llojsimusaj.

Job 35:14

Mana Diosta rikunichu nishaspapis, suyakullay, imaraykuchus llakiyniykeqa paypa ñawpaqenpi kashan.

Salmos 119:154

Qan noqarayku parlariy, orqhowaytaj ñak'ariyniymanta, nisqaykiman jinataj kawsayta qoway.

Salmos 37:6

Chantá payqa cheqan kayniykita, justiciata ruwasqaykitawan ima k'ancharichenqa, imaynatachus chawpi p'unchaypi inti k'anchan, ajinata.

Salmos 43:1

Justiciata ruwaway, Diosníy. Qanta mana manchachikojkunamanta jark'away. Millayta ruwaspa purejmanta, ch'awka runamantawan waqaychaway.

Salmos 7:6

6 (7) Tata Dios, sayariy, manchayta phiñakuspataj, awqaykunaj k'arajta phiñakusqankuman sayaykuy. Qanqa justiciata ruwanaykita nerqanki, kunantaj noqaman sayasqa kay ari.

Salmos 94:15

Chaypacha juezkunaqa watej cheqan justiciata ruwanqanku, cheqanta ruwaspa purejkunataj chayman jina kawsanqanku.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 42:7

Noqa wajyarqayki ñawsakunaj ñawinta qhawarichinaykipaj, carcelpi kajkunata orqhonaykipaj, laqha carcelpi presochasqa tiyakojkunata kacharichinaykipaj ima.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Isaías 51:22

Tukuyta Kamachej Tata Dios, ayllunman sayasqa Diosniykeqa ajinata nin: Qhaway, k'araj phiñakuyniywan junt'a copata makiykimanta oqharikapuniña. Kunanqa manaña jayk'ajpis phiñakuyniyta ujyankichu.

Isaías 56:1

Tata Dios nin: Justiciata ruwallaychejpuni. Imatapis cheqanta ruwaychej, imaraykuchus kacharichinay p'unchayqa qayllapiña, noqa jamuspataj, justiciata ruwasaj.

Jeremías 10:19

Jerusalenpi tiyakojkuna ninku: Ay, noqaykumanta, mana imayoj llakiyllapiña rikhuriyku. K'iriykupis mana jampiy atina. Sonqoykupitaj nerqayku: Chay nanayqa muchuna jinallachá, nispa.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 51:10

Tata Dios justiciata ruwawanchej. Chayrayku jamuychej, Tata Diosninchej imatachus ruwasqanta Sión orqopi willamusunchej.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Levítico 26:41

Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

1 Samuel 24:15

15 (16) Chayrayku Tata Dios iskayninchejmanta yachachun. Nichuntaj pichus juchayoj kasqanchejta. Payllataj qanmanta jark'akuwachun, nispa.

1 Samuel 25:39

Davidqa Nabal wañusqanta yachaspa, nerqa: Tata Dios yupaychasqa kachun, imaraykuchus payqa Nabalta sonqoyta nanaykuchiwasqanmanta jasut'in. Diosqa sajrata ruwanaymanta jark'awarqa. Nabal mana allinta ruwawasqantaqa payllamantaj kuticherqa, nispa. Chantá Davidqa yanapajninkunamanta wakinta Abigailman kacharqa, paywan casarakuyta munasqanta willachispa.

1 Samuel 26:10

Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.

1 Samuel 3:18

Chantá Samuelqa mana uj chhikanta pakarispa, tukuyninta willarqa. Elitaj nerqa: Payqa Tata Diosmin. Imatachus munasqanta ruwachun, nispa.