Miqueas 7:3 - DIOSPA QHELQACHISQ

³ Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Qheshwa Biblia DC

³ Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

DIOSPA QHELQACHISQAN DEUTEROCANONICAL

³ Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Miqueas 7:3 ပူးပေါင်းရင်းမြစ်များ

Proverbios 16:30

Ch'irmirispa qhawaykachajqa millay ruwayta wakichishan, millayta ruwaytawantaj, siminta khamurarikun.

Proverbios 17:23

Mana allinta ruwaj runaqa pakaypi lluk'ichikun, justiciata q'ewinanpaj.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 26:21

Qhawaychej, Tata Diosqa tiyakunanmanta llojsimonqa, kay pachapi tiyakojkunata juchankumanta jasut'inanpaj. Chaypacha jallp'aqa manaña wañuchisqakunata pakanqachu, manachayqa patanpi yawar jich'asqankuta rikuchenqa. Manañataj wañuchisqa kajkunatapis pakayta atenqachu.

Isaías 3:5

Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 32:7

Ch'awka runaqa millayta ruwayman amañasqa. Llullakuspa, ima sajratapis wakichin, jinallatataj llullakuspa, wajcha runakunatapis juchachan, wajcha runa justiciata mañakojtinpis.

Isaías 5:23

Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Jeremías 3:5

Qanqa nishawankiraj: Phiñasqallapunichu kanki? Wiñaypajchu noqapaj phiñasqa kanki? nispa. Chayta nishawaspapis, qanqa atisqaykita millay kajta ruwashallankipuni, nispa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Ezequiel 22:6

Israelpa kuraj runankunaqa atisqankuta runakunata wañuchinku.

Ezequiel 34:21

Qankuna wira ovejakunaqa tulluyasqa ovejakunata teqerarqankichej, wajraspataj ayqecherqankichej.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Oseas 4:18

Tukuyninku machasqa jina urmarqanku. Mana sayk'uyta khuchichakorqanku, aswanpis p'enqaypi kayta munarqanku jatunpaj qhawasqa kanamanta nisqaqa.

Oseas 7:3

Aylloyqa millay ruwasqankuwan, llullakusqankuwantaj kuraj kamachejta, kurajkunatapis kusirichinku.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Miqueas 2:8

Qankunarí aylluy kaspapis, kunan contrayta oqharikunkichej. Qayllaykichejpi purej runakunamanta, pikunachus qankunapi atinikorqanku, chaykunaj patanchana p'achankuta qhechurparillankichej paykuna awqaykichejpis kankuman jina.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 3:2

Chaywanpis qankunaqa allin kajta chejninkichej, mana allin kajtataj munakunkichej. Qankuna runaj qaranta ch'uskinkichej, q'ara tullullatataj saqenkichej.

San Mateo 26:15

Nerqataj: Jesustachus jap'ichiykichejman chayqa, mashkhatataj pagawankichejmanri? nispa. Paykunataj nerqanku: Kinsa chunka qolqeta qosqayku, nispa.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.