Miqueas 7:2 - DIOSPA QHELQACHISQ

² Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Qheshwa Biblia DC

² Kay pachapi manaña kanchu cheqan runas nitaj Diosman sinch'ita sayaj kajkunapis; tukuy suyashanku wañuchillaytaña, chay hora chayamunallanta ruwanankupaj; ujkuna ujkunataj misk'achinakunku.

DIOSPA QHELQACHISQAN DEUTEROCANONICAL

² Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Miqueas 7:2 ပူးပေါင်းရင်းမြစ်များ

Salmos 10:9

León jina jusk'unmanta wajchata wateqan, rikhurimojtin patanman phinkiykunanpaj. Jap'ispataj, tiyapusqanta qhechun.

Salmos 12:1

1 (2) Qhespichiwayku Tata Dios, imaraykuchus qanta may jatun respetowan qhawajkunaqa manaña kankuchu, nillataj ch'uwa sonqoyoj runakunapis.

Salmos 12:2

2 (3) Aswanpis paykunapura llullanakunku, llunk'upayanakuspa parlanku, puraj uyataj kanku.

Salmos 57:6

6 (7) Awqaykunaqa uj tojllata purinayman churarqanku, noqataj chayta yachaspa, mayta llakikorqani. Ñan purinaypi uj t'oqota allarqanku chaypis, paykunallataj chayman urmarqanku.

Proverbios 1:11

Ichapis nisonqanku: Noqaykuwan jaku rinachej. Mana juchayojta wateqaspa, ni imallamanta payta wañuchisunchej.

Proverbios 12:6

Millayta ruwajkunaqa runata wañuchinallamanta parlanku, cheqan runakunaj parlasqanrí wajkunata wañuymanta kacharichin.

Isaías 3:5

Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 57:1

Cheqan kaj runakuna wañupojtinku, mana pipis paykunamanta yuyarikoj kanchu. Manataj pipis entiendenchu Dios paykunata pusakapusqanta, ama llakiypi ñak'arichisqa kanankupaj.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Isaías 9:19

19 (18) Tukuy Atiyniyoj Tata Diospa phiñakuyninrayku tukuy suyu lawrarishan, runakunataj ninata enqhanapaj llant'a jina kanku. Chaypacha mana pipis runa masinta khuyanqachu.

Jeremías 16:16

Kunanrí ashkha runata kachasaj challwata jina qankunata jap'inankupaj. Chantá k'ita animalta jap'ejkunata kachallasajtaj tukuy orqokunapi, lomakunapi, jinataj chhanka k'ajllukunapipis qankunata jap'inankupaj.

Jeremías 5:16

Chay runakuna sumajta maqanakojkuna kanku, armankuwantaj wañuchinkupuni.

Jeremías 5:26

Aylluy ukhupi millay runakuna tiyan. Chay runakuna p'isqota jap'ejkuna jina wateqanku, runa masinkuta jap'inankupajtaj tojllata churanku.

Jeremías 8:6

Uyarisqayman jina mana pitapis cheqanta parlajta uyarinichu. Mana pipis millayta ruwasqanmanta Diosman kutirikuspa, ninchu: Imatataj ruwakuniri? nispaqa. Sapa ujninku ñanninkuta imata jina t'ijurinku, maqanakuman phawaspa t'ijurej caballokuna jina.

Lamentaciones 4:18

Purisqaykupis qhawasqalla karqa. Chaynejta jawamanpis mana llojsiyta aterqaykuchu. Wañoyqa patallaykupiña karqa. Chay phani chayamunña, tukukunayku p'unchayqa kayllapiña kashan.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Ezequiel 24:6

Tukuyta Kamachej Tata Dios kay jinata nin: Ay, imachus kanqa runa wañuchi llajtamantaqa. Chay llajtaqa millay akakipasqa mankaman rijch'akun, chay akakipasqataj mana mayllay atina. Chantá mankaman churasqaykita orqhoy ujmanta uj, kantumanta mana ajllaspa.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Miqueas 2:8

Qankunarí aylluy kaspapis, kunan contrayta oqharikunkichej. Qayllaykichejpi purej runakunamanta, pikunachus qankunapi atinikorqanku, chaykunaj patanchana p'achankuta qhechurparillankichej paykuna awqaykichejpis kankuman jina.

Miqueas 3:10

Qankuna runata wañuchispa, mana allin kajta ruwaspataj, Sión orqopi Jerusalén llajtata sayarichinkichej.

Miqueas 3:2

Chaywanpis qankunaqa allin kajta chejninkichej, mana allin kajtataj munakunkichej. Qankuna runaj qaranta ch'uskinkichej, q'ara tullullatataj saqenkichej.

Zacarías 11:6

Ajinallatataj noqapis kay llajtapi tiyakojkunamanta manallataj khuyakusajchu. Manachayqa runa masinkoj makinman, jinataj kuraj kamachejninkoj makinman paykunata jaywaykusaj. Chaykunataj kay suyuta phirenqanku, nitaj pitapis makinkumanta kacharichisajchu, nispa. Ajinata Tata Dios nin.

Hechos 24:9

Chantá Tértulo chayta nejtin, chaypi kaj judiokunapis nillarqankutaj ajinapuni kasqanta.

1 Samuel 24:11

11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

1 Samuel 26:20

Noqaqa mana munaymanchu Tata Diosmanta karupi wañuyta. Imaraykutaj qan Israel suyuta kuraj kamachejqa pikita jina, chayrí orqopi yuthuta jina, wañuchinawaykipaj qhatiykachashawanki? nispa.