Miqueas 5:3 - DIOSPA QHELQACHISQ

³ 3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

Qheshwa Biblia DC

³ Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

DIOSPA QHELQACHISQAN DEUTEROCANONICAL

³ 3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

Miqueas 5:3 ပူးပေါင်းရင်းမြစ်များ

1 Reyes 14:16

Tata Diosqa Jeroboán juchallisqanrayku chantá israelitakunata juchallichisqanrayku ima Israel suyuta ch'eqerachenqa, nispa.

2 Crónicas 30:7

Ama ñawpa tataykichej, nitaj wawqeykichejkuna jinachu kaychej. Paykunaqa ñawpa tatankoj Tata Diosninta qhesacharqanku. Chayrayku Diosqa paykunata llakiypi kanankupaj jaywaykorqa, imaynachus kunan rikushankichej jinata.

Salmos 67:3

3 (4) Diosníy, tukuy runakuna jatunchasuchunku, arí, tukuy runakuna jatunchasuchunku.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 31:1

Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 2:14

14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

Oseas 2:9

9 (11) Chayrayku kunanqa poqoy oqharina tiempopi trigoyta, vinoytapis qhechukapusaj. Qhechullasajtaj p'achallikunanpaj qosqay millmayta, linoytapis.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Miqueas 4:4

Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Miqueas 5:7

7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

Miqueas 5:8

8 (7) Chaypacha Jacobpa ayllunmanta puchojkunaqa ashkha suyukunaj chawpinkupi kanqanku, imaynatachus león k'ita animalkuna ukhupi purin, ajinata. Imaynatachus uña león ovejakunaj chawpinkuta pasaj jinalla t'ajllaspa wañurachin, manataj ujtapis saqenchu, ajina Jacobpa ayllunmanta puchojkuna kanqanku waj suyukuna ukhupi.

Miqueas 6:14

Ajinamanta mikhuspapis mana sajsakunkichu, manachayqa mikhunamanta jina ch'ayñarayanki. Mikhuna tantasqaykitapis mana waqaychayta atinkichu. Imatachus jallch'anki, chaytapis contraykipi jamojkunaman jaywasaj.

Miqueas 7:13

Kunantajrí kay jallp'a ch'inman tukuchisqa kanqa kaypi tiyakojkunaj juchaykichejrayku. Ajina kanqa millayta ruwasqaykichejrayku.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

San Mateo 1:21

Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

San Mateo 12:50

Pichus janaj pachapi kashaj Tataypa munayninta ruwajmari wawqey, panay, jinallataj mamaypis, nispa.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.