Miqueas 4:9 - DIOSPA QHELQACHISQ

⁹ Kunanrí, imarayku ajinata qhaparinki, onqokushaj warmi jinari? Manachu qanpi kuraj kamachej tiyan? Chayrí yuyaychasojkuna wañupusqankuchu?

Qheshwa Biblia DC

⁹ Kunanrí, imarayku ajinata qhaparinki uj onqokoj warmi nanayninwan jinari? Manachu qampi reyqa tiyan? Chayri umachasojkunachu wañupusqanku?

DIOSPA QHELQACHISQAN DEUTEROCANONICAL

⁹ Kunanrí, imarayku ajinata qhaparinki, onqokushaj warmi jinari? Manachu qanpi kuraj kamachej tiyan? Chayrí yuyaychasojkuna wañupusqankuchu?

Miqueas 4:9 ပူးပေါင်းရင်းမြစ်များ

Isaías 13:8

Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Isaías 21:3

Chayrayku tukuy ukhuy nanawan, paqarichikoj warmi imaynatachus nanaywan q'ewiykachakun, ajinata q'ewiykachakuni. Chay phutikusqayqa mana uyarejta saqewanchu, manchachikuywantaj mana rikuytapis atinichu.

Isaías 26:17

Imaynatachus wijsayoj warmej paqarichikunan chayamojtin, nanaywan mayta q'ewiykachakuspa qhaparikun, ajinallatataj Tata Dios, noqaykupis ñawpaqeykipi karqayku.

Jeremías 22:23

Kunan qanqa thapachakusqaykipi chhika patapi tiyarikushanki, Líbano cedromanta ruwasqa wasikunapi. Qhepamantajrí mayta ñak'arinki, maypachachus paqarichikoj warmej nanaynin jina jamusonqa, chaypacha, nispa.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 4:21

Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 48:41

Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Jeremías 50:43

Babiloniamanta kuraj kamachejrí chayta yachaytawankama, mancharikuywan mana imanakuyta atinchu. Paqarichikoj warmi jina ñak'ariypi, nanaypitaj kashan, nispa.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.

Oseas 10:3

Kay aylloyqa ichapis nenqa: Kuraj kamachejniyku mana tiyapuwaykuchu, Tata Diosta mana manchachikusqaykurayku. Chaywanpis, kuraj kamachej noqaykurayku imatataj ruwayta atinmanri? nispa.

Oseas 13:13

Israelpaj paqarikunan tiempo chayamun, imaynatachus warmita paqarikunan p'unchay chayamojtin nanay jap'in, ajinata. Paykuna wawa jina mana cheqanchakunkuchu paqarinankupaj, mana paqariyta munasqankurayku.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Miqueas 5:3

3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

San Juan 16:21

Kayta nisunman: Onqoj warmeqa onqokushaspa ñak'arin. Jinapis wawata paqarichikuytawanñaqa nanayninmanta qonqapun, wawan paqarisqanmanta kusikusqanrayku.

Apocalipsis 12:2

Chay warmi wijsallisqa karqa, onqokunan chayamojtintaj, nanaywan sinch'ita ñak'arispa qhaparisharqa.