Miqueas 4:4 - DIOSPA QHELQACHISQ

⁴ Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Qheshwa Biblia DC

⁴ Jinaqa tukuy kausanqanku ni ima manchayniyoj; sapa ujtaj samarikuyta atenqa uvasninku llanthupi, jinataj higueronkoj llanthoj urampi. Kaykuna, Tukuy Atiyniyoj Señorpa kikin palabrasnin kanku.

DIOSPA QHELQACHISQAN DEUTEROCANONICAL

⁴ Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Miqueas 4:4 ပူးပေါင်းရင်းမြစ်များ

1 Reyes 4:25

25 (5.5) Salomón kawsanankama Judapi, Israelpiwan runakunapis allin kawsayllapitaj tiyakorqanku, sapa ujninku uva sach'anku urapi, higo sach'anku urapipis, Danmantapacha Berseba chaynejkama.

1 Reyes 5:5

5 (19) Noqataj niniña uj templota Tata Diosniypaj ruwanayta, tatay Davidman Tata Dios nisqanman jina: Qanpa churiyki, pitachus cuentaykimanta kamachinayki tiyanaman tiyaykuchisaj, paymin noqaj sutiypi uj templota ruwapuwanqa, nispa.

Job 11:19

Puñushajtiyki, ni imapis mancharichisoj kanqachu. Yanapanaykita mask'aspataj ashkha jamusonqanku.

Salmos 72:3

Chantá tukuy orqokunapi, tukuy lomakunapi aylluykeqa runayayta, justiciatawan tarenqanku.

Proverbios 3:25

Kaymanta jinalla ñak'ariykuna chayaykamusojtenqa, mana manchachikunkichu, nillataj mana allinta ruwajkunapaj ñak'ariy jamojtinpis.

Isaías 1:20

Manapuni kasukuyta munankichej chayrí, espadawan wañuchisqa kankichej. Noqa Tata Diosmin chayta nini.

Isaías 17:2

Aroerpa llajtankunaqa wiñaypaj saqerpayasqa kanqanku, chayqa uywa michinallaña kanqa. Chaypi uywakuna puñonqanku, nitaj pipis mancharichej kanqachu.

Isaías 22:25

Aswan qhepamanrí perqapi sumaj takasqa karqa, chay clavo sik'ikaponqa, jinataj urmanqa. Chaypi warkhusqa kajkunataj tukuyninku phirikonqanku. Ajinata noqa Tukuy Atiyniyoj Tata Dios nini.

Isaías 26:16

Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.

Isaías 32:17

Chay cheqan kajta ruwaypa poqoynenqa allin kawsay kanqa, apamullanqataj ni imamanta manchachikuyta, wiñaypaj kusiy kawsayta ima.

Isaías 36:16

Qankunatajrí ama Ezequiasta kasuychejchu. Aswanpis Asiriata kuraj kamachej nisunkichej: Noqawan tratota ruwaspa, noqaman k'umuykamuychej. Ajinatachus ruwankichej chayqa, sapa ujniykichej uva sach'aykichejmanta, jinallataj higo sach'aykichejmantapis mikhunkichej. Yakutapis sapa uj pujyuykichejmanta ujyankichej.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 58:14

Ajinatachus qankuna ruwankichej chayqa, aylluy kasqaykichejmanta kusikunkichej. Noqaqa chhika pataman churasqaykichej, tataykichej Jacobpa chayaqen jallp'apitaj sumajta mikhuchisqaykichej, nispa. Ajinata Tata Dios nin.

Jeremías 23:4

Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Ezequiel 34:25

Chantá allin kawsay tratota paykunawan ruwasaj. Suyunkumantaqa tukuy phiña animalkunata chinkachisaj, ovejaykuna mana imamanta manchachikuspa ch'in pampapi tiyakunankupaj, montepipis puñukunankupaj.

Ezequiel 34:28

Waj llajtayojkunaqa manaña ujtawan paykunata presochanqankuchu, nillataj campopi kaj phiña animalkunapis mikhuykonqankuchu. Aswanpis ni pejpa manchachisqan allinta kawsakonqanku.

Ezequiel 38:11

Chantá qan ninki: Noqa chay mana kutichiyta atej runakunaj contrankupi wicharisaj. Mana imata manchachikuspa tiyakushanku, noqataj chay runakunaj contrankuta risaj, maypichus mana perqawan muyuykuchisqa llajtakunapi tiyakunku, mana punkuyoj, nitaj llavenayoj, chayman.

Ezequiel 39:26

Maypachachus jallp'ankupi ni imata manchachikuspa tiyakonqanku chaypacha, paykuna p'enqayta purisqankumanta, wasanchawasqankumanta ima p'enqakonqanku.

Levítico 26:6

Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Miqueas 5:3

3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

Sofonías 3:13

Chaypacha Israel ayllumanta puchojkuna manaña mana cheqan kajta ruwanqankuchu, nitaj llullata parlanqankuchu, nillataj ch'awkiyaspa parlanqankuchu. Aswanpis paykuna mikhurikonqanku, samarikonqankutaj ni imamanta manchachikuspa.

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.