Miqueas 4:2 - DIOSPA QHELQACHISQ

² May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

Qheshwa Biblia DC

² May chhika llajtastaj jamonqanku nispa: Jamuychej, Señorpa orqonman wicharinachej, Jacobpa Diosnimpa chay yupaychana wasinman, Pay ñankunasninta rikuchinawanchejpaj, purinanchejpajtaj chay ñankunasninta, imaraykuchus Sionmanta llojsimonqa Señorpa yachachiykunasnenqa, kamachiykunasnintaj Jerusalenmanta.

DIOSPA QHELQACHISQAN DEUTEROCANONICAL

² May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

Miqueas 4:2 ပူးပေါင်းရင်းမြစ်များ

Salmos 110:2

Sionmantapacha Tata Dios kamachinayki varata qosunki, awqaykikunata kamachinaykipaj.

Salmos 119:1

Cheqanta ruwaspa purejkunaqa may jina kusisqa kanqanku, pikunachus Tata Diospa kamachisqanta kasojkuna.

Salmos 119:171

Qanta jatunchaspa takiykunaqa simiymanta phullchirimuchun, imaraykuchus qan kamachisqaykita yachachiwanki.

Salmos 122:1

(1b) Noqaqa manchayta kusikuni: Tata Diospa wasinman jaku rina, nispa niwajtinku.

Salmos 25:12

Pichus Tata Diosta jatunchan, chay runamanqa Tata Dios imaynatachus purinanta yachachenqa.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Jeremías 31:6

Uj p'unchay chayamonqa, chay p'unchaypitaj llajtata qhawajkuna Efrainpa orqonkunapi qhaparenqanku: Jamuychej, Sión orqoman jaku rinachej Tata Diosninchejta yupaychaj, nispa.

Jeremías 42:3

Diosniyki Tata Diosmanta mañapuwayku, maymanchus rinaykuta rikuchinawaykupaj, imatatajchus ruwanaykuta ninawaykupaj, nispa.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Zacarías 14:16

Chay qhepatarí, pikunachus Jerusalenpa contranpi maqanakoj jamorqanku, chay suyukunamanta puchojkuna watan watanta renqanku Kuraj Kamachej Tukuy Atiyniyoj Tata Diosta yupaychaj. Jinallataj Ch'ujlla Ruwana raymitapis ruwallanqankutaj.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Zacarías 9:10

Paymin Efrainpa carretankunata phirenqa, Jerusalenpa caballonkunatapis chinkachenqa, jinallataj flechana arconkutapis p'akirparenqa. Chantá tukuy suyukunaman allinpi kawsakuymanta willaranqa, kamachenqataj uj mama qochamanta ujnin mama qochakama, Éufrates mayumantapachataj kay pachaj tukukuyninkama.

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

San Juan 6:45

Diosmanta sut'inchajkunaj qhelqasqankupi nin: Diosqa tukuyninkuman yachachenqa, nispa. Ajinaqa pikunachus Tata Diosta uyarispa yachaqakunku, chaykuna noqaman jamunku.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Hechos 1:8

Manachayqa Santo Espíritu qankunaman jamuspa, pay atiyta qosonqachej. Chantá rispa, qankuna noqamanta testigo jina willankichej Jerusalenpi, tukuy Judea jap'iypi, Samariapi, jinallataj tukuy kay pachaj k'uchunkama, nispa.

Hechos 13:42

Chantá Pablowan, Bernabewan judiokunaj tantakunanku wasimanta llojsinankupaj wakichikushajtinku, runakuna mañakorqanku qhepan samarina p'unchaypi ujtawan kutimunankuta, paykunaman chay imakunamanta astawan parlanankupaj.

Romanos 15:19

Jinallataj Santo Espíritoj atiyninwan runaj mana jayk'aj rikusqanta, chantá t'ukuna imakunata ima ruwarqani. Ajinamanta Cristomanta sumaj willayta Jerusalenmantapacha Ilíricoj muyuyninkama junt'acherqani.

Deuteronomio 6:1

Kaymin kamachisqakuna, yachachiykuna, yuyaychaykuna ima kanku. Chaykunata Tata Diosniykichej qankunaman yachachinaypaj kamachiwarqa, jap'inkichej chay jallp'api junt'anaykichejpaj.