Miqueas 3:9 - DIOSPA QHELQACHISQ

⁹ Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

Qheshwa Biblia DC

⁹ Kunan kayta uyariychej, qankuna cheqan kajta chejnejkuna Israelpa kamachejkunasnin kurajkuna kajkunapis, q'ewinchejtaj tukuy cheqan kajtapis,

DIOSPA QHELQACHISQAN DEUTEROCANONICAL

⁹ Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

Miqueas 3:9 ပူးပေါင်းရင်းမြစ်များ

Nehemías 13:17

Chantá Judamanta kurajkunata k'amerqani: Imaraykutaj kay sajrata ruwaspa samarina p'unchayta manakajman tukuchishankichejri?

Éxodo 3:16

Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Proverbios 17:15

Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

Proverbios 17:23

Mana allinta ruwaj runaqa pakaypi lluk'ichikun, justiciata q'ewinanpaj.

Proverbios 18:5

Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

Proverbios 21:7

Mana allinta ruwajkunataqa kallpaman atinisqa kayninku chinkachenqa, cheqan kajta mana ruwayta munasqankurayku.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Jeremías 5:28

Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Ezequiel 44:23

Sacerdotekunaqa aylluyman cheqan kajta mana cheqan kajmanta reparayta yachachenqanku. Paykuna israelitakunaman yachachillanqankutaj llimphupaj qhawasqa kajtapis mana llimphupaj qhawasqa kajmanta reparayta.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Levítico 26:15

Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa,

Amós 5:7

Ay, qankunamanta, justiciata ñak'arinaman tukuchejkuna, pikunachus cheqan kajta ruwanata pampaman wijch'ojkuna.

Miqueas 1:1

Judá suyupi Yotán, Ajaz, Ezequiaspiwan ujmanta uj kamachishajtinku, Tata Diosqa Moreset llajtayoj Miqueasta parlarqa. Chaypachataj imachus Samariawan, Jerusalenwan ima kananmanta mosqoypi jina rikucherqa.

Miqueas 3:1

Kunan uyariychej, Israelta kamachejkuna, jinataj kurajkuna: Manachu qankuna yachanaykichej kashan imachus justicia kasqanta?

Deuteronomio 27:19

Levitakuna nillanqankutaj: Maldicisqa kachun pikunachus waj llajtayojkunaj contranpi, chayrí warmisapaj, chayrí wajcha wawakunaj contranta ima justiciata q'ewejkuna, nispa. Tukuy israelitakunataj nenqanku: Ajina kachun, nispa.