Miqueas 3:4 - DIOSPA QHELQACHISQ

⁴ Chaywanpis uj p'unchay qankuna Tata Diosta qhaparikunkichej, paytajrí mana uyarisonqachejchu. Chaypacha qankunamanta pay pakakonqa, millayta ruwasqaykichejrayku.

Qheshwa Biblia DC

⁴ Uj p'unchaypi qankuna Señorta wajyakunkichej. Chaywampis Paytaj mana kutichisonqachejchu. Jaqay tiempopeqa qankunamanta Pay pakakonqa chay millay juchasta ruwasqaykichejrayku.

DIOSPA QHELQACHISQAN DEUTEROCANONICAL

⁴ Chaywanpis uj p'unchay qankuna Tata Diosta qhaparikunkichej, paytajrí mana uyarisonqachejchu. Chaypacha qankunamanta pay pakakonqa, millayta ruwasqaykichejrayku.

Miqueas 3:4 ပူးပေါင်းရင်းမြစ်များ

Job 27:9

Llakiykunapi rikhurejtinpis, Diosqa mañakusqanta mana uyarenqachu.

Job 35:13

Diosqa qhasi manakaj mañakusqankuta mana uyarinchu, Tukuy Atiyniyoj Diostaj mana kasuta ruwanchu.

Salmos 18:41

41 (42) Yanapanankuta mañakorqanku, nitaj pipis paykunata yanaparqachu. Tata Diosta wajyakorqanku, paytajrí mana uyarerqachu.

Proverbios 1:28

Chay p'unchaypi, qankuna wajyakuwankichej, manataj uyarisqaykichejchu. Mask'awankichej, manataj tariwankichejchu,

Proverbios 28:9

Sichus pipis Diospa kamachisqanta uyariyta mana munanchu chayqa, Diospis chay runaj mañakusqanta manallataj uyarenqachu.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Isaías 3:11

Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Jeremías 11:11

Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 33:5

Qankunaqa caldeo soldadokunawan maqanakuyta munashankichej. Jinapis Jerusalenmanta runakuna wañuchisqa jinaña kashanku, imaraykuchus sinch'i phiñakuyniypi paykunata wañuchinayta nerqaniña. Millayta ruwasqankurayku noqa paykunata saqerparerqani.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Miqueas 3:7

Mosqoypi jina rikojkuna, yachajkunapis ima manchay p'enqaypi rikhurenqanku, imaraykuchus Dios mana imatapis mañakusqankuman kutichenqachu.

Miqueas 7:13

Kunantajrí kay jallp'a ch'inman tukuchisqa kanqa kaypi tiyakojkunaj juchaykichejrayku. Ajina kanqa millayta ruwasqaykichejrayku.

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

San Mateo 7:22

Chay p'unchaypeqa ashkha niwanqanku: Tukuyta Kamachej, manachu sutiykipi sut'incharqayku, sutiykipitaj runakunamanta supaykunata qharqorqayku? Manachu sutillaykipitaj ashkha t'ukuna imakunata ruwarqayku? nispa.

San Lucas 13:25

Wasiyoj runa punkuta wisq'ajtinña, qankunaqa jawapi rikhurispa, punkuta takankichej: Tukuyta Kamachej, kichaririwayku, nispa. Paytajrí kutichisonqachej: Mana rejsiykichejchu, manataj yachanichu maymantachus kasqaykichejta, nispa.

San Juan 9:31

Tukuy yachanchej Diosqa juchasapakunata mana uyarisqanta. Aswanpis pikunachus Diosta may jatun respetowan qhawanku, chantá munasqantataj ruwanku, chaykunallata Dios uyarin.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

1 Samuel 8:18

Chaypacha sichus kuraj kamachejniyoj kayta munasqaykichejmanta sonqoykichejta nanachikuspa Tata Diosman qhaparikunkichej chayqa, payqa manapuni uyarisonqachejchu, nispa.