Miqueas 2:2 - DIOSPA QHELQACHISQ

² Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Qheshwa Biblia DC

² Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

DIOSPA QHELQACHISQAN DEUTEROCANONICAL

² Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Miqueas 2:2 ပူးပေါင်းရင်းမြစ်များ

1 Reyes 21:1

Jezrel llajtayoj Nabotpata Samariapi uj huertan tiyaporqa. Chay huerta karqa kuraj kamachej Ajabpa kamachinan wasi qayllapi.

2 Reyes 9:26

Qayna Nabotta, chantá wawankunata ima kaypi wañuchisqaykita rikorqani. Noqarí sut'ita niyki: Kay kikin cheqallapitaj qanmanta vengakusaj, nispa. Chayrayku Ajabpa churin Joranpa ayanta Nabotpa jallp'anman wijch'uykuy, ajinata Tata Diospa nisqan junt'akunanpaj, nispa.

Job 31:38

Jallp'ayqa mana contrayta janaj pachaman willakunchu, nitaj chajra tarpusqaypis phutikuspa waqanchu.

Éxodo 20:17

Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 5:8

Imallachus kanqa qankunapaj, ashkha wasita, jatun jallp'ata jap'ikapojkuna. Wajkunapajtaj ni imata saqenkichejchu, qankunallapis kay jallp'a patapi kawajchej jina.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Ezequiel 18:12

Wajcha runakunata, pisi tiyapuyniyojkunata ima ñak'arichinman, suwakunman, manachayrí manumanta ima jap'isqantapis mana kutichipunmanchu. Lantikunatapis yupaychanman, millaytaj ruwanman.

Ezequiel 22:12

Wakinkunaqa runa masinkuta wañuchinankupaj qolqeta pagachikunku. Qolqetapis ashkha interesniyojta mañarinku. Runa masinkuta ch'awkiyanku, kallpankuman atinikuspa ñak'arichinku ima. Noqamantarí qonqakapunku. Noqa Tukuyta Kamachej Tata Diosmin chaytaqa nini.

Ezequiel 22:13

Jerusalén llajta, runaj yawarninta ch'onqasqaykimanta, runakunata wañuchisqaykimantawan phiñasqa kashani.

Ezequiel 33:26

Qankunaqa maqanakunallapi yuyaspa, millaykunata ruwankichej, runa masiykichejpa warminwantaj khuchichakunkichej. Chay jina kashaspachu kay suyuta jap'ikapuyta yuyankichej? nispa.

Ezequiel 45:9

Tukuyta Kamachej Tata Dios kay jinata nin: Israelta kamachejkuna, kaykamalla kachun. Amaña mana allin kajta ruwaychejchu, nitaj kallpaman atinikuspa runakunata waqachiychejchu. Cheqan kajman jina kawsaychej, justiciatataj ruwaychej. Amaña runaykunamanta jallp'ankuta qhechuychejchu. Noqa Tukuyta Kamachej Tata Dios chayta nini.

Ezequiel 46:18

Kamachejqa israelitakunamanta jallp'ankuta mana qhechuyta atinchu. Paypata kajllamanta churinkunaman chayaqeta jina qonqa. Chay jinapi mana pipis mana jallp'ayojqa kanqachu, nispa.

Ezequiel 8:17

Chantá Tata Dios niwarqa: Runaj churin, imatachus ruwasqankuta rikunkichu? Judá aylloqa chay jina millayta ruwasqanwan mana sajsakunchu. Kay suyuman kallpaman atinikusqa millayta ruwanawan junt'achinku. Astawan astawan phiñachishawanku, millayta ruwasqankumanta asnasqantaj senqayman chayamuwan.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 8:4

Uyariychej kayta: Qankunaqa pisi tiyapuyniyojkunaj kallpanta ch'onqankichej, wajchakunatataj chinkachiyta munashankichej.

Miqueas 3:9

Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

1 Timoteo 6:10

Qolqeta munakoyqa tukuy imaymana mana allin kajpa saphin. Jinataj qolqeyoj kayta anchata munasqankurayku, wakinkuna Jesucristopi atinikunamanta t'aqakorqanku, chantá tukuy imaymana llakiykunawan ñak'arerqanku.