Miqueas 2:1 - DIOSPA QHELQACHISQ

¹ Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

Qheshwa Biblia DC

¹ Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!

DIOSPA QHELQACHISQAN DEUTEROCANONICAL

¹ Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

Miqueas 2:1 ပူးပေါင်းရင်းမြစ်များ

Génesis 31:29

Noqaqa qankunata imatapis ruwayta atiyman. Chayqa makillaypi kashan. Chaywanpis tataykejpa Diosnin ch'isi niwan: Sumajta qhawakuy, Jacobta ama imatapis ninkichu, nispa.

1 Reyes 21:7

Jezabeltaj nerqa: Manachu qanqa kuraj kamachej kanki, imataj? Jatarikuy, mikhumuy, noqataj Jezrelmanta Nabotpa huertanta qosqayki, nispa.

Ester (hebreo) 3:8

Chantá Amanqa kuraj kamachej Asuerota nerqa: Kuraj kamachejníy, kamachishanki kay suyu ukhupi waj llajtayoj runakuna t'aqa t'aqalla kashanku. Paykunataj kamachisqaykita mana kasukunkuchu. Paykunaj usunkoqa waj jinataj. Chaykunata kawsajta saqespataj, mana imata tarinkichu.

Ester (hebreo) 5:14

Chantá warmin Zereswan, tukuy kawsaqenkunawan ima nerqanku: Sipinata ruwachiy. Sayaynenqa kachun iskay chunka iskayniyoj metroyoj. Q'aya paqarintaj kuraj kamachejta niy chayman Mardoqueota warkhuchinanta. Ajinata ruwaspa, qanqa kuraj kamachejwan khuska kusisqa mikhoj rinki, nispa. Chay nisqanku Amanpajqa sumaj karqa. Chantá sipinata ruwacherqapacha.

Ester (hebreo) 9:25

Estertajrí kuraj kamachejpaman rejtin, Asueroqa cartata qhelqaspa apachisqa, Amanpa tukuy sajrata judiokunapaj yuyasqanqa payllamantaj urmananpaj. Ajinamanta paywan, churinkunawan ima warkhusqa kasqanku.

Job 15:35

Millayta ruwanawan wijsallisqa kanku, llakiytataj wachanqanku. Sonqonkupeqa q'otiyayllata wakichikunku, nispa.

Job 24:14

Runa wañucheqa chhapu chhaputa wajchata wañuchimunanpaj rin, ch'isiyajtintaj, suwaspa purin.

Salmos 36:4

4 (5) Puñunanpi winkuspa, mana allin kajta ruwananpaj wakichikun. Mana allinta ruwaspa, purisqanman ch'ipakuspa, millayta ruwanata mana saqeyta munanchu.

Salmos 36:5

5 (6) Tata Dios, munakuyniykeqa mana tukukoj janaj jina may chhikan. Cheqa kayniykitaj phuyukama chayan.

Salmos 58:3

3 (4) Diosta mana manchachikojkunaqa mamankoj wijsanmantapacha mana allinta ruwaspa purinaman qokunku, paqarisqankumantapachataj llullakuspa, cheqan ñanmanta pantaykunku.

Proverbios 12:2

Allin runaqa Tata Diospa k'acha khuyakuyninta tarin. Ch'awka runatarí Tata Dios ruwasqanman jina juchachanqa.

Proverbios 14:22

Mana allin ruwayta mask'ajkunaqa jatunta pantanku. Allin ruwayta mask'ajkunarí Tata Diospa khuyakuyninta tarenqanku.

Proverbios 3:27

Pichus imapi khuyarinaykita mañakusojtenqa, yanapariy. Atinaykipaj jina kashajtenqa, yanapariypuni.

Proverbios 4:16

Paykunaqa mana puñunkuchu mana allin kajta mana ruwaspaqa. Sichus pitapis mana urmachinku chayqa, mana puñuypis jap'inchu.

Isaías 29:20

Kallpankuman atinisqa tukuy ñak'arichejkuna tukukaponqanku, alqochakojkunapis chinkachisqa kanqanku. Millayta ruwayta tukuy munajkunapis chinkachisqallataj kanqanku.

Isaías 3:14

Tata Dios ayllunpa kurajninkunawan juicioman yaykun, ayllunpa llajtankunawan, kamachejkunawan ima. Pay nin: Israelqa uva huertay jina, qankunataj chayta chinkarparichinkichej. Wasiykichejpis wajcha runakunamanta imatachus suwasqaykichejwan junt'a kashan.

Isaías 32:7

Ch'awka runaqa millayta ruwayman amañasqa. Llullakuspa, ima sajratapis wakichin, jinallatataj llullakuspa, wajcha runakunatapis juchachan, wajcha runa justiciata mañakojtinpis.

Isaías 5:8

Imallachus kanqa qankunapaj, ashkha wasita, jatun jallp'ata jap'ikapojkuna. Wajkunapajtaj ni imata saqenkichejchu, qankunallapis kay jallp'a patapi kawajchej jina.

Isaías 59:3

Qankunaj makiykichejqa yawarlla, ruk'anaykichejpis millayta ruwanawan ch'ichichasqa kashan. Simiykichejqa llullata parlan, qalluykichejtaj millay kajllata rimarin.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Ezequiel 11:2

Chantá Tata Dios niwarqa: Runaj churin, kay kurajkuna mana allin kajta ruwayta yuyashanku, Jerusalén llajtapi tiyakojkunatataj millayta ruwanankupaj umachashanku.

Ezequiel 33:26

Qankunaqa maqanakunallapi yuyaspa, millaykunata ruwankichej, runa masiykichejpa warminwantaj khuchichakunkichej. Chay jina kashaspachu kay suyuta jap'ikapuyta yuyankichej? nispa.

Ezequiel 38:10

Tukuyta Kamachej Tata Dios kay jinata nillantaj: Chay p'unchaypi sonqoykiman mana allin yuyay jamusonqa, millay kajta ruwanata wakichinaykipaj.

Ezequiel 46:18

Kamachejqa israelitakunamanta jallp'ankuta mana qhechuyta atinchu. Paypata kajllamanta churinkunaman chayaqeta jina qonqa. Chay jinapi mana pipis mana jallp'ayojqa kanqachu, nispa.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.

Nahúm 1:11

Nínive llajta, qanmantamin Tata Diospa contranpi sajrata yuyaychakojqa llojserqa, millayta yuyaychaj, chay runa.

Zacarías 7:10

Ama ñak'arichiychejchu warmisapakunata nitaj wajcha wawakunatapis, nitaj waj llajtayojkunata, nillataj pisi tiyapuyniyojtapis. Amallataj yuyallaychejpischu runa masiykichejpa contranpi mana allinta ruwayta, nispa.

Marcos 15:1

Sut'iyamojtenqa, kuraj kaj sacerdotekuna, kurajkunawan, Diospa kamachisqanmanta yachachejkunawan ima ujtawan Jatun Juntapi tantakorqanku parlarinankupaj. Chaymantataj Jesusta wataspa, Romamanta kamachej Pilatoman pusarqanku.

San Lucas 20:19

Chayta uyarispa, kuraj sacerdotekuna, Diospa kamachisqanmanta yachachejkuna ima Jesusta chay kikinpi jap'iykuyta munarqanku, imaraykuchus reparakorqanku contrankuta chay rijch'anachinata nisqanta. Chaywanpis, mana payta jap'erqankuchu runakunata manchachikusqankurayku.

San Juan 19:11

Jesustaj kuticherqa: Mana imatapis contraypi ruwayta atiwajchu, manachus Dios atiyta qosunkiman chayqa. Chayrayku pichus noqata qanman jaywaykuwajqa qanmanta aswan juchayoj, nispa.

Hechos 23:12

Q'ayantin paqarenqa wakin judiokuna tantakuspa, uj yuyayman yaykorqanku. Chantá tiluspa, nerqanku mana imatapis mikhunankuta, nitaj ujyanankuta Pablota wañuchinankukama.

Hechos 23:15

Chayrayku qankuna, Jatun Juntapi kajkunawan ima soldadokunata kamachejmanta mañaychej Pablota ujtawan pusachimunanta, astawan tapuyta munaj jinalla. Noqaykutaj, manaraj kayman chayamushajtin, ñanpi payta suyaykusqayku wañuchinaykupaj, nispa.

Romanos 1:30

Kallankutaj mana allinyakuyta munajkuna, qhasimanta tumpajkuna, Diosta chejnejkuna, alqochakojkuna, jatunchakojkuna, may kasqankuta yuyakojkuna, millay kajta wakichejkuna, tatanku mamankuta mana kasojkuna ima.

Deuteronomio 28:32

Rikushajtiyki, wawaykikunaqa waj llajtayojkunaman jaywaykusqa kanqanku. Wawaykikunata rikukapuymanta wañunki, nitaj ni imata ruwayta atinkichu.