San Mateo 9:2 - DIOSPA QHELQACHISQ

² Chaymantaj uj suchu runata apamorqanku, phullupi wantumuspa. Jesustaj paypi atinikusqankuta rikuspa, onqosqata nerqa: Sonqochakuy, wawáy. Juchaykeqa pampachasqaña, nispa.

Qheshwa Biblia DC

² Chaymantaj apamorqanku uj tunuyasqa runata, phullupi wantumuspa. Jesustaj feninkuta rikuspa onqosqaman nerqa: Sonqochakuy wawáy! Juchasniykeqa pampachasqasña kanku.

DIOSPA QHELQACHISQAN DEUTEROCANONICAL

² Chaymantaj uj suchu runata apamorqanku, phullupi wantumuspa. Jesustaj paypi atinikusqankuta rikuspa, onqosqata nerqa: Sonqochakuy, wawáy. Juchaykeqa pampachasqaña, nispa.

Quechua South Bolivia: Dios Parlapawanchej

² Ajinallaman uj mana cuyurej suchu runata siriskata callapunpi payman wantumusharkancu. Jesustaj reparaspa Diospi chekata jap'icuskancuta chay runata nerka: —Wawáy, ama manchachicuychu. Juchasniyqui khechuskasña cancu, —nispa.

San Mateo 9:2 ပူးပေါင်းရင်းမြစ်များ

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

San Mateo 14:27

Jesustajrí usqhayllata paykunata nimorqa: Sonqochakuychej, noqa kani. Ama manchachikuychejchu, nispa.

San Mateo 4:24

Jinapi tukuy Siria cheqanejpipis Jesús atiyniyoj kasqanmanta uyarerqanku. Chayrayku chay mana judío kajkunapis Jesusman aparqanku, pikunachus tukuy imaymana onqoykunawan, ñak'ariykunawan, nanaykunawan ima kajkunata. Apallarqankutaj supayniyojkunata, t'uku onqoyniyojkunata, suchukunata ima. Jesustaj paykunata qhaliyacherqa.

San Mateo 6:12

Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

San Mateo 8:10

Jesús chayta uyarispa, t'ukorqa. Paywan rejkunatataj nerqa: Kayta sut'ita niykichej: Kay runa noqapi atinikusqanta jinaqa, Israel ayllupi mana ujtapis tarinichu.

San Mateo 8:16

Ch'isiyaytaña, chay llajtayojkunaqa Jesusman supayniyoj ashkha runata pusamorqanku. Paytaj uj simita nispalla, chay runakunamanta supaykunata qharqorqa. Ajinallatataj tukuy onqosqakunatapis qhaliyacherqa.

San Mateo 9:22

Jesustaj kutirikuytawan, payta qhawarispa, nerqa: Sonqochakuy wawáy, noqapi atinikusqaykirayku qhaliyasqa kanki, nispa. Chaymantapachataj warmeqa qhaliyakaporqa.

San Mateo 9:5

Imataj aswan atikojlla kanman suchu runata ninaypaj: Juchayki pampachasqaña, nispa ninaychu, chayrí: Sayariy, phulluykita oqharispa ripuy, nispa ninaychu?

San Mateo 9:6

Kunan kayta nisaj yachanaykichejpaj Runaj Churenqa atiyniyoj kasqanta kay pachapi juchata pampachananpaj, nispa. Chantá suchu runatañataj nerqa: Sayariy, phulluykita oqharispataj wasiykiman ripuy, nispa.

Marcos 1:32

Inti yaykuyta, ña ch'isiyaykuytaña, ashkha onqosqakunata Jesusman pusamorqanku, supayniyoj runakunatawan.

Marcos 10:49

Chantá Jesús payta uyarispa, sayarqa, nerqataj: Payta wajyamuychej, nispa. Runakunataj ñawsata nerqanku: Kusirikuy, sayariy. Jesús wajyashasunki, nispa.

Marcos 5:34

Jesustaj payta nerqa: Wawáy, noqapi atinikusqaykirayku qhaliyachisqa kanki. Kunanqa sonqo tiyaykusqa ripuy, imaraykuchus manaña ajinata onqoykunkichu, nispa.

Marcos 6:50

Chayta rikusqankuraykutaj tukuyninku manchachikuywan kharkatiterqanku. Jesustajrí ujllata paykunata nimorqa: Sonqochakuychej, noqa kani. Ama manchachikuychejchu, nispa.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

San Juan 2:25

Manataj pay runamanta imatapis pi willanantarajchu suyarqa, imaraykuchus pay runaj sonqonpi imachus kasqanta yacharqaña.

San Juan 21:5

Chantá Jesús paykunata nerqa: Kawsaqekuna, challwata jap'inkichejñachu? nispa. Paykunataj nerqanku: Mana, ni ujtapis jap'iykuchu, nispa.

Hechos 14:9

Uj kutipi Pablo Jesusmanta willashajtin chay runaqa Pabloj parlasqanta uyarisharqa. Pablotaj suchu runata qhawarispa, yacharqa Jesuspi atinikusqanta qhaliyapunanpaj.

Hechos 19:12

Chay jina kajtin, runakunaqa Pabloj llankharisqan pañuelokunata, chayrí ima p'achallantapis onqosqakunaman churamoj kanku, chay onqosqakunataj qhaliyaporqankupacha. Jinallataj supaykunapis onqosqakunamanta llojserqanku.

Hechos 23:11

Chantá q'ayantin ch'isi Tukuyta Kamachej Jesusqa Pabloman rikhurispa, nerqa: Sonqochakuy Pablo. Imaynatachus kay Jerusalenpi noqamanta testigo jina willarqanki, kikillantataj Roma llajtapipis noqamanta sumaj willayta willanki, nispa.

Romanos 5:11

Mana chayllachu. Astawanqa Tukuyta Kamachej Jesucristonejta Dioswan allinpi kawsakunaman churasqa kasqanchejmanta kusikullanchejtaj, imaraykuchus paynejtamin Dioswan allinyachisqa kanchej.

Santiago 2:18

Chaywanpis ichapis pipis ninman: Wakinkunaqa Diospi tukuy sonqo atinikunku, wakinkunatajrí allin kajta ruwanku, nispa. Noqatajrí niykichej: Manachus allin kajta ruwanki chayqa, imaynatataj Diospi tukuy sonqo atinikusqaykita rikuchiwankimanri? Noqatajrí Diospi tukuy sonqo atinikusqayta allin kajta ruwasqaywan rikuchisqayki, nispa.