San Mateo 8:4 - DIOSPA QHELQACHISQ

⁴ Jesús nillarqataj: Uyariway: Ama kayta pimanpis willankichu. Manachayqa rispa, sacerdotellaman rikuchikamuy. Jinataj Moisespa kamachisqanman jina jaywanaykita qomuy, runakuna yachanankupaj onqoyniykimanta llimphuchasqa kasqaykita, nispa.

Qheshwa Biblia DC

⁴ Jesustaj nerqa: Uyariway, amataj ni piman willankichu; rispa sacerdoteman rikuchikamuy. Moisespa kamachisqanman jinataj, ofrendaykita jaywamuy, runas yachanankupaj.

DIOSPA QHELQACHISQAN DEUTEROCANONICAL

⁴ Jesús nillarqataj: Uyariway: Ama kayta pimanpis willankichu. Manachayqa rispa, sacerdotellaman rikuchikamuy. Jinataj Moisespa kamachisqanman jina jaywanaykita qomuy, runakuna yachanankupaj onqoyniykimanta llimphuchasqa kasqaykita, nispa.

Quechua South Bolivia: Dios Parlapawanchej

⁴ Jesustaj payta camacherka: —Uyariway. Ama pimanpis cay imasmanta willanquichu. Manachayrí chekanta riy khawachicamuytaj yupaychana-wasipi ruwanayojwan. Moisespa camachiskanmanjina konatataj jaywamuy. Chay jaywaskayquiwan runas yachankancu thañiska caskayquita.

San Mateo 8:4 ပူးပေါင်းရင်းမြစ်များ

San Lucas 17:14

Paykunata rikuspa, Jesús nerqa: Riychej, sacerdotekunawan qhawachikamuychej qhaliyachisqa kasqaykichejta yachanankupaj, nispa. Paykunataj rishaspallaraj, chay llejti onqoymanta qhaliyachisqa rikhurerqanku.

San Lucas 5:14

Chantá Jesús nerqa: Ama ni piman kayta willankichu. Manachayqa sacerdoteman rispa rikuchikamuy, llimphuchasqa kasqaykimanta jaywanata apaspa, Moisespa kamachisqanman jina. Ajinamanta onqoyniykimanta llimphuchasqa kasqayki yachakonqa, nispa.

Marcos 7:36

Jinapi Jesusqa chayta rikoj runakunata kamacherqa imatachus rikusqankuta ama pimanpis willanankuta. Ajinata kamachejtinpis, paykuna astawan tukuyman willararqanku.

San Mateo 9:30

Chay kikinpachataj chay ñawsakunaqa qhawarerqankupacha. Chantá, Jesús paykunaman mayta kamacherqa: Amapuni ni piman kayta willankichejchu, nispa.

Marcos 6:11

Sichus maypipis mana wajyarisunkichejmanchu, nitaj uyarisunkichejmanchu chayqa, chakiykichejpi jallp'ata thalarakuspa, chaymanta ripuychej, ajinamanta mana allin ruwasqankuta yachanankupaj, nispa.

Marcos 5:43

Jesustajrí paykunata mayta kamacherqa ama pimanpis chay ruwasqanta willanankuta. Jinallataj ch'iriskaman mikhunata qonankuta, nerqa.

San Mateo 17:9

Orqomanta urayk'amushajtinku, Jesús paykunata kamacherqa: Kunan imatachus rikusqaykichejta ama pimanpis willankichejchu, Runaj Churin wañusqamanta kawsarimpunankama, nispa.

San Mateo 10:18

Noqaraykutaj llajtata kamachejkunaman, kuraj kamachejkunaman ima pusasonqachej. Chantá, ñawpaqenkupi paykunaman, mana judío kajkunamanpis noqamanta testigo jina willankichej.

San Mateo 6:1

Jesús yachachillarqataj: Ima allinta ruwaspaqa, ama runakunaj rikunantachu ruwaychej, paykuna jatunchasunaykichejpaj. Ajinata ruwajtiykichejqa, janaj pachapi kashaj Tata Diosniykichejqa mana ima t'inkatapis qosonqachejchu.

San Mateo 5:17

Ama yuyaychejchu noqaqa Diospa kamachisqanta, chayrí, Diosmanta sut'inchajkunaj yachachisqankuta ima chinkachej jamusqayta. Mana chaykunata chinkachejchu jamuni, aswanpis junt'aj jamuni.

Isaías 42:21

Tata Dios cheqan kayninrayku may jatun kamachisqanta jatuncharqa.

San Juan 8:50

Mana noqaqa jatunchasqa kaytachu mask'akushani. Wajmari jatunchasqa kanayta mask'ashan, paytaj juzganqa.

San Juan 7:18

Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu.

San Juan 5:41

Jesús nillarqataj: Noqaqa runakuna jatunchanawankuta mana mask'anichu.

San Lucas 21:13

Chaywanpis qankuna chaynejta noqamanta tukuy runaman willarayta atinkichej.

Marcos 8:30

Jinapi Jesús yachachisqankunata mayta kamacherqa amapuni pichus pay kasqanta pimanpis willanankuta.

San Mateo 16:20

Chaymantataj Jesusqa yachachisqankunata mayta kamacherqa amapuni pimanpis willanankuta pay Diospa kachamusqan Cristo kasqanta.

San Mateo 3:15

Jesustajrí kuticherqa: Saqeway kunan bautizachikojta, imaraykuchus ajinata Diospa tukuy kamachisqanta junt'asunchej, nispa. Chantá Juanqa Jesusta bautizarqa.

Marcos 13:9

Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

Levítico 13:49

Sichus rikhurej qorwariyay q'omeryanman, chayrí pukayanman chayqa, llejti qorwariyay kashan. Chayta sacerdoteman apaspa rikuchimunan tiyan.

Marcos 3:12

Jesustajrí paykunata mayta kamacherqa, pichus pay kasqanta ama sut'inchanankupaj.

Marcos 9:9

Chantá orqomanta urayk'amushajtinku, Jesús chay yachachisqankunata kamacherqa ama pimanpis imatachus rikusqankuta willanankuta, Runaj Churin wañusqamanta kawsarimpunankama.

San Lucas 4:41

Jinallatataj supaykuna ashkha onqosqakunamanta qhaparispa llojsirarqanku: Qanqa Diospa Churin kanki, nispa. Jesustajrí chay supaykunata k'amispa, ch'inyacherqa, imaraykuchus paykuna yacharqanku pay Diospa kachamusqan Cristo kasqanta.

San Lucas 8:56

Ch'iriskaj tatankunarí, maytapuni t'ukorqanku. Chaywanpis Jesús paykunata nerqa ama pimanpis chaymanta willanankuta.

San Lucas 9:21

Chantá Jesús paykunaman mayta kamacherqa amapuni chayta ni piman willanankuta.