San Mateo 4:4 - DIOSPA QHELQACHISQ

⁴ Jesustajrí kuticherqa: Diospa Qhelqachisqanpi nin: Mana mikhunallawanchu runaqa kawsan, aswanpis Diospa tukuy nisqanwan kawsan, nispa.

Qheshwa Biblia DC

⁴ Jesustaj kutichispa nerqa: Escribisqa kashan: Mana t'antallawanchu runaqa kausanqa; astawanqa, Diospa siminmanta tukuy llojsimoj palabraswan kausanqa.

DIOSPA QHELQACHISQAN DEUTEROCANONICAL

⁴ Jesustajrí kuticherqa: Diospa Qhelqachisqanpi nin: Mana mikhunallawanchu runaqa kawsan, aswanpis Diospa tukuy nisqanwan kawsan, nispa.

Quechua South Bolivia: Dios Parlapawanchej

⁴ Jesusrí cutichispa nerka: —Palabranpi Dios nin: “Mana miqhunallawanchu runaka causan. Manachayrí Diospa tucuy niskanta casuspa causan”, —nispa.

San Mateo 4:4 ပူးပေါင်းရင်းမြစ်များ

Éxodo 16:15

Chayta rikuspa, israelitakuna ujkuna ujkuna ninakorqanku: Imataj kayri? nispa, imaraykuchus mana yacharqankuchu imachus kasqanta. Chantá Moisés paykunata nerqa: Kay t'antatamin Tata Dios mikhunaykichejpaj qosunkichej.

Éxodo 16:35

Chaymantapacha israelitakunaqa tawa chunka watata maná nisqa t'antata mikhorqanku. Mikhorqanku runa karqaña chaynejman chayanankukama. Chayqa Canaán suyoj mojonninña karqa.

Éxodo 16:8

Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Éxodo 23:15

Mana Levadurayoj T'anta raymita ruwankichej. Imaynatachus nisusqayman jina, qanchis p'unchayta mana levadurayoj t'antata mikhunkichej. Chaytaqa Aviv killapi mikhunkichej, imaraykuchus chay killapi Egiptomanta llojsimorqankichej. Amataj pipis noqaman ch'usaj makilla jamuwanqachu.

San Mateo 15:11

Mana imapis runaj siminman yaykojqa payta Diospa ñawpaqenpi ch'ichichanchu. Manachayqa imachus runaj siminmanta llojsimun, chaymá runataqa Diospa ñawpaqenpi ch'ichichan, nispa.

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

San Mateo 4:7

Jesustajrí kuticherqa: Mana, imaraykuchus Diospa Qhelqachisqanpi nillantaj: Ama imatapis ruwankichu Tukuyta Kamachej Diosniyki atiyniyojchus manachus kasqanta yachariyta munaspa, nispa.

Marcos 7:20

Jesús nillarqataj: Imachus runaj sonqonmanta llojsimoj, chaymá runataqa Diospa ñawpaqenpi ch'ichichan.

San Lucas 4:12

Jesustajrí kuticherqa: Mana, imaraykuchus Diospa Qhelqachisqanpi nillantaj: Ama Tukuyta Kamachej Diosniykita atiniyojchus manachus kasqanta yachariyta munaspa imatapis ruwankichu, nispa.

San Lucas 4:4

Jesustajrí kuticherqa: Mana, imaraykuchus Diospa Qhelqachisqanpi nin: Mana mikhunallawanchu runaqa kawsanqa, nispa.

San Lucas 4:8

Jesustajrí kuticherqa: Manapuni, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

San Juan 6:63

Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Romanos 15:4

Chay unay qhelqasqa karqa noqanchej yachakunanchejpaj. Diospa chay qhelqachisqantaj yanapawanchej pacienciakuspa, sonqochakuspataj suyananchejpaj Dios nisqanta junt'anankama.

Efesios 6:17

Jinallataj qhespichisqa kasqaykichejta monterata jina umaykichejman churakuychej. Chantá Santo Espíritoj espadantapis oqhariychej, chayqa Diospa simi nisqan.

Deuteronomio 8:3

Tata Diosqa ñak'arichisorqachej, yarqhachisorqachej chaypis, maná nisqata mikhuchisorqachej. Chay mikhunata qankuna, jinataj ñawpa tataykichejkunapis mana rejserqankichejchu. Tata Dios ajinata ruwaspa, yachanaykichejta munarqa, runaqa mana mikhunallawanchu kawsasqanta, aswanpis Tata Diospa tukuy nisqanwan kawsasqanta.