San Mateo 22:3 - DIOSPA QHELQACHISQ

³ Chantá kuraj kamachejqa kamachinkunata kachasqa jatun mikhuyman wajyarisqa kajkunata pusamunankupaj. Wajyasqakunarí mana jamuyta munasqankuchu.

Qheshwa Biblia DC

³ Kamachisninta kacharqa, jatun mikhuyman wajyasqasta pusamojta, paykunataj mana jamuyta munarqankuchu.

DIOSPA QHELQACHISQAN DEUTEROCANONICAL

³ Chantá kuraj kamachejqa kamachinkunata kachasqa jatun mikhuyman wajyarisqa kajkunata pusamunankupaj. Wajyasqakunarí mana jamuyta munasqankuchu.

Quechua South Bolivia: Dios Parlapawanchej

³ Chay casamiento fiestaman wajyaskacunata pusarimoj cachasninta cacharka. Chay wajyaskasrí mana jamuyta munarkancuchu.

San Mateo 22:3 ပူးပေါင်းရင်းမြစ်များ

Salmos 68:11

11 (12) Tukuyta Kamachej Dios ujta parlarqa, ashkha warmitaj chay sumaj willaykunata willarqanku:

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Jeremías 25:4

Jinallataj Tata Diosqa kutin kutinta waj sut'inchajkunata kachamusorqachej, qankunatajrí mana kasuta ruwarqankichejchu, nitaj uyariyllatapis munarqankichejchu, nillataj chay nisqankuta kasorqankichejchu.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Sofonías 1:7

Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

San Mateo 21:34

Uva pallana p'unchay chayamojtintaj, huertayojqa wakin kamachinkunata kachasqa, chay llank'ajkunamanta paypa partenta jap'inankupaj.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

San Mateo 9:15

Jesustaj uj rijch'anachinawan paykunaman kuticherqa: Qankuna yuyankichejchu casamientoman wajyarisqa kajkuna llakisqa kaspa ayunanankuta, casarakoj runa paykunawan kashajtin? Manapuni icharí? Uj p'unchay chayamonqa, chaypachataj casarakoj paykunamanta qhechusqa kanqa. Chaypachamá ayunanqanku, nispa.

San Lucas 13:34

Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Lucas 15:28

Chantá kuraj kaj chureqa phiñakuspa, manapuni wasiman yaykuyta munasqachu. Tatantaj llojsimuspa, mayta nisqa yaykunanta.

San Lucas 19:27

Jinallatataj, jaqay awqaykuna, pikunachus mana kuraj kamachej kanayta munarqankuchu, chaykunata kayman apamuspa, ñawpaqeypi wañurachiychej, nispa. Ajinata Jesús chay rijch'anachinata nerqa.

San Juan 5:40

Chaywanpis qankuna mana noqaman jamuyta munankichejchu wiñay kawsayta tarinaykichejpaj, nispa.

Hechos 13:45

Judiokunaj kurajninkukunatajrí chay chhika runata rikuspa, Pablowan chhoqonakorqanku, paywan siminakuspataj, payta maldicerqanku.

Romanos 10:21

Israelitakunamantarí kay jinata nillantaj: Sapa p'unchay paykunaman makiyta jaywarqani, paykunataj mana kasuta ruwawarqankuchu, churanakojkuna kasqankurayku, nispa.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Hebreos 9:15

Chayrayku Jesucristonejta runakuna Dioswan mosoj tratoman yaykunchej, wajyasqa kajkuna wiñay kawsayta chayaqeta jina jap'inanchejpaj, mayqentachus Dios qonanta nerqa, chayta. Cristo wañorqa runakunata ñawpa tratopi juchallisqankumanta kacharichinanpaj.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

1 Samuel 9:13

Jaqayman chayaytawankama, payta mask'aychej, amaraj orqo pataman mikhoj rishajtin. Runakuna mikhunankupaj paytaraj suyanqanku, imaraykuchus jaywanataqa paypuni saminchanqa. Chaymantaraj wajyasqa kajkuna mikhonqanku. Chayrayku usqhayllata riychej, chaypi payta taripankichej, nispa.