San Mateo 2:2 - DIOSPA QHELQACHISQ

² Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

Qheshwa Biblia DC

² Taporqankutaj: Maypitaj kashan judiospa reynin nacikojri? Kayta niyku, imaraykuchus ch'askanta rikuyku inti llojsimuynejpi. Chayrayku kayman jamuyku payta yupaychaj.

DIOSPA QHELQACHISQAN DEUTEROCANONICAL

² Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

Quechua South Bolivia: Dios Parlapawanchej

² Tapucorkancutaj: —¿Maypitaj cashan israel runasta camachinanpaj nacecoj Wawarí? Ch'ascanta inti llojsimuy ladopi ricuycu. Chayta khatispataj payta yupaychanaycupaj jamuycu, —nispa.

San Mateo 2:2 ပူးပေါင်းရင်းမြစ်များ

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Salmos 45:11

11 (12) K'achita kasqayki kuraj kamachejpa sonqonta suwan. Payqa wiraqochiyki, chayrayku payta kasunayki tiyan.

Isaías 60:3

Chantá tukuy suyukuna qanpa k'anchayniykiman jamonqanku, kuraj kamachejkunapis chay k'anchayniykej lliphipiyninpi purenqanku.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 30:9

Chantá noqa Tata Diosninkuta yupaychawanqanku, jinallataj churasqay kuraj kamachej Davidpa kamachiyninpipis kanqanku.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

San Mateo 2:3

Kuraj kamachej Herodesrí chayta uyarispa, mancharikorqa, jinallataj Jerusalenpi tukuy kajkunapis.

San Mateo 21:5

Jerusalén llajtaman niychej: Kuraj kamachejniyki jamushasunki, paytaj llamp'u sonqoyoj kaspa, china burroj uñanpi lloq'asqa jamushan, maltón burritopi, nispa.

San Mateo 27:11

Chantá judío kurajkunaqa Jesusta Romamanta kamachej Pilatoj ñawpaqenman pusarqanku, Pilatotaj Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.

San Lucas 19:38

Paykuna nerqanku: Jatunchasqa kachun Diospa sutinpi jamoj kuraj kamachejqa. Janaj pachapi allin kawsay kachun, jinallataj patapipis Dios jatunchasqa kachun, nispa.

San Lucas 2:11

Kunan Davidpa llajtanpi qhespichej paqarin. Payqa Tukuyta Kamachej Cristomin.

San Lucas 23:3

Chantá Pilatoqa Jesusta taporqa: Qanchu judiokunaj kuraj kamachejninku kanki? nispa. Jesustaj kuticherqa: Arí, qan ninki, nispa.

San Lucas 23:38

Jesuspa cruzninpi, uman patanejpi kay jina qhelqasqa karqa: Kayqa Judiokunaj Kuraj Kamachejninku, nispa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

San Juan 12:13

chay runakunaqa palma jap'irisqa Jesusta taripaj llojserqanku. Chantá qhaparerqanku: Diosniyku, qhespichiwayku. Tukuyta Kamachej Diospa sutinpi jamojqa yupaychasqa kachun. Israelpa Kuraj Kamachejnin jatunchasqa kachun, nispa.

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

San Juan 19:19

Pilatotaj cruzman uj qhelqasqata churacherqa. Chay qhelqasqa ajinata nisharqa: “Kayqa Nazaretmanta Jesús, judiokunaj kuraj kamachejninku”, nispa.

San Juan 20:28

Tomastaj kuticherqa: Qanmin Kuraj Kamachejniy kanki, Diosniytaj, nispa.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

San Juan 9:38

Chantá chay runa nerqa: Tukuyta Kamachej, qanpi atinikuni, nispa. Chantá Jesuspa ñawpaqenpi qonqoriykukuspa, payta yupaycharqa.

Hebreos 1:6

Jinallataj kuraj kaj Churinta kay pachaman kachamuspa, Dios nerqa: Diospa tukuy angelninkuna payta yupaychachunku, nispa.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.