San Mateo 2:12 - DIOSPA QHELQACHISQ

¹² Chay yachaysapa runakuna ripunankupaj wakichikushajtinku, Diosqa mosqoypi paykunata nerqa ama Herodesman kutinankuta. Chayrayku waj ñannejta llajtankuman kutiporqanku.

Qheshwa Biblia DC

¹² Mosqoypitaj Dios paykunaman willarqa ama Herodesman kutinankuta. Chayrayku waj ñannejta llajtankuman kutiporqanku.

DIOSPA QHELQACHISQAN DEUTEROCANONICAL

¹² Chay yachaysapa runakuna ripunankupaj wakichikushajtinku, Diosqa mosqoypi paykunata nerqa ama Herodesman kutinankuta. Chayrayku waj ñannejta llajtankuman kutiporqanku.

Quechua South Bolivia: Dios Parlapawanchej

¹² Chaymantataj moskoynincupi Dios paycunata willarka Herodespaman ama cutinancuta. Chayraycu paycunaka jallp'ancuman waj ñanta cutiporkancu.

San Mateo 2:12 ပူးပေါင်းရင်းမြစ်များ

Génesis 31:24

Chaywanpis chay ch'isi Diosqa mosqoypi jina Aram llajtayoj Labanman nerqa: Uyariway, Jacobta ama imatapis ninkichu, nispa.

Éxodo 1:17

Chaywanpis parterakunaqa Diosta may jatun respetowan qhawaspa, Egipto suyuta kuraj kamachejta mana kasorqankuchu, nitaj qhari wawakunata wañucherqankuchu.

Daniel (hebreo) 2:19

Chay tutapeqa Tata Dios mosqoypi jina Danielman parlaspa, rikucherqa imatachus kuraj kamachej mosqokusqanta. Jinallatataj pay sut'incharqa imatachus kuraj kamachejpa mosqokusqanta niyta munasqanta. Chayrayku Danielqa janaj pachapi kaj Diosta yupaycharqa:

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Mateo 2:13

Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

San Mateo 2:19

Aswan qhepaman Herodes wañusqanmantaña, Diospa angelnin Egiptopi mosqoypi Joseman watej rikhurerqa. Paytaj nerqa:

San Mateo 2:22

Chaywanpis pay uyarerqa Judeapi Arquelao kamachishasqanta tatan Herodespa cuentanmanta. Chayrayku chayman riyta manchachikorqa. Jinapi Dios mosqoypi willasqanrayku, Joseqa Galilea jap'iyman rerqa.

San Mateo 27:19

Jinapi Pilato juzgananpaj kashajtin, warmin nichimorqa: Ama imatapis ruwaychu chay cheqan kaj runawanqa, imaraykuchus payrayku kunan ch'isi mancharikunata mosqokorqani, nispa.

San Lucas 2:26

Jinataj Santo Espíritu payman sut'inchasqa manaraj wañupushaspa Diospa kachamusqan Cristota rikunanta.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

Hechos 4:19

Jinapi Pedrowan, Juanwan ima kuticherqanku: Qankuna unancharispa niwayku qankunata kasunaykuchus, chayrí Diosta kasunaykuchus aswan allin kasqanta.

Hechos 5:29

Chantá Pedrowan, Jesuspa chay waj kuraj kachankunawan ima kuticherqanku: Diostapuni astawanqa kasunayku tiyan, runakunata kasunaykumantaqa.

1 Corintios 3:19

Runaj yachaynenqa Diospaj qhasi manakaj. Diospa Qhelqachisqanpi nin: Diosqa yachayniyojkunata yachaynillankupitaj ch'ipaykun, nispa.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

Hebreos 8:5

Chay sacerdotekuna imachus ruwanankuta ruwanku. Chay imatachus ruwanankurí janaj pachapi imakunaj llanthun jinalla kanku. Chayrayku Moisés Dioswan Tinkukuna Toldota ruwanan kashajtin, Dios nerqa: Allinta qhaway, tukuy imata Sinaí orqopi rikuchisusqayman jinatapuni ruwanaykimanta, nispa.