San Mateo 11:3 - DIOSPA QHELQACHISQ

³ Qanchu kanki, pichus jamunan karqa, chay? Chayrí, wajtachu suyasqayku? nispa.

DIOSPA QHELQACHISQAN DEUTEROCANONICAL

³ Qanchu kanki, pichus jamunan karqa, chay? Chayrí, wajtachu suyasqayku? nispa.

Quechua South Bolivia: Dios Parlapawanchej

³ —¿Kanchu Diospa niskanmanjina jamoj, Cristoka canqui? chayrí ¿wajtachu suyallasajcupuni?

San Mateo 11:3 ပူးပေါင်းရင်းမြစ်များ

Génesis 12:3

Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Salmos 118:26

Tata Diospa sutinpi jamojta jatunchaychej. Noqayku Tata Diospa Templonmantapacha qankunata saminchayku.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Abdías 1:21

Atipajkunaqa Sión orqoman wicharenqanku chaymantapacha Esaúj orqonkunata juchachanankupaj. Chaypachataj Tata Diosmin kuraj kamachej jina kamachenqa.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Hageo 2:7

Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

San Mateo 11:10

Kay Juanmanta parlaspa, Diospa Qhelqachisqanpi nin: Noqa willajniyta ñawpaqeykita kachamushani, ñanta wakichipusunanpaj, nispa.

San Mateo 11:4

Jesustaj paykunaman kuticherqa: Rispa, Juanman willamuychej imatachus rikushankichej, uyarishankichejtaj, chay tukuyta:

San Mateo 21:5

Jerusalén llajtaman niychej: Kuraj kamachejniyki jamushasunki, paytaj llamp'u sonqoyoj kaspa, china burroj uñanpi lloq'asqa jamushan, maltón burritopi, nispa.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

Marcos 11:9

Jinaspataj, Jesuspa ñawpaqenta rejkuna, qhepanta jamojkuna ima qhaparerqanku: Diosta jatunchaychej ari. Tukuyta Kamachej Diospa sutinpi jamojta jatunchaychej.

San Lucas 19:38

Paykuna nerqanku: Jatunchasqa kachun Diospa sutinpi jamoj kuraj kamachejqa. Janaj pachapi allin kawsay kachun, jinallataj patapipis Dios jatunchasqa kachun, nispa.

San Juan 11:27

Chantá Marta nerqa: Arí, Tukuyta Kamachej Jesús, noqa tukuy sonqo yachani qanqa Diospa Churin kasqaykita, pitachus Dios kay pachaman kachamunan karqa, chay Cristo, nispa.

San Juan 12:13

chay runakunaqa palma jap'irisqa Jesusta taripaj llojserqanku. Chantá qhaparerqanku: Diosniyku, qhespichiwayku. Tukuyta Kamachej Diospa sutinpi jamojqa yupaychasqa kachun. Israelpa Kuraj Kamachejnin jatunchasqa kachun, nispa.

San Juan 16:14

Pay noqata jatunchawanqa, imaraykuchus noqaj nisqayta jap'ispa, chaytapuni yachachisonqachej.

San Juan 4:21

Chantá Jesús kuticherqa: Warmisita, kayta sut'ita niyki: Qhepanejmanqa mana kay orqopichu, nitaj Jerusalenpichu Tata Diosta yupaychankichej.

San Juan 6:14

Mikhojkunatajrí, Jesús runaj mana jayk'aj rikusqan t'ukuna ruwasqanta rikuspa, nerqanku: Cheqapuni kay runaqa Diosmanta sut'inchaj, pichus kay pachaman jamunan karqa, chay, nispa.

San Juan 7:31

Chaywanpis ashkha runakuna Jesuspi atinikorqanku. Paykunataj nerqanku: Dios kachamunan kashan, chay Cristo jamojtin, kay runamanta nisqa astawanrajchu runaj mana jayk'aj rikusqan t'ukunakunata ruwanman? nispa.

Hebreos 10:37

Diospa Qhelqachisqanpi nin: Tumpamantawan pichus jamunan kashan, chay jamonqaña. Jamunanqa qayllapiña.