San Mateo 10:2 - DIOSPA QHELQACHISQ

² Chay chunka iskayniyoj kuraj kachankunaj sutinku kaykuna kanku: Ñawpaj kaj Simón, Pedro nisqa, wawqen Andreswan, Zebedeoj churinkuna Santiagowan, Juanwan ima.

Qheshwa Biblia DC

^2-4 Chunka iskayniyoj apostolespa sutisnintaj kaykuna: Ñaupaj kaj, Simón, Pedro nisqa, wauqen Andreswan; Zebedeoj churisnin: Santiago, Juanwan; Felipe, Bartolomé, Tomás, impuestota cobraj Mateo; Alfeoj churin Santiago, Tadeo, Simón, cananeo nisqa; Judas Iscariote ima, pichus Jesusta jap'icherqa.

DIOSPA QHELQACHISQAN DEUTEROCANONICAL

² Chay chunka iskayniyoj kuraj kachankunaj sutinku kaykuna kanku: Ñawpaj kaj Simón, Pedro nisqa, wawqen Andreswan, Zebedeoj churinkuna Santiagowan, Juanwan ima.

Quechua South Bolivia: Dios Parlapawanchej

² Jesuspa chunca iscayniyoj cachasnincoj sutisnincoka caycuna cancu: Ñaupaj cajka Simonmin, paytari Pedrota Jesús suticharka, wauken Andreswan, Jacobowan wauken Juanwan. Paycuna iscaynin Zebedeoj wawasnin cancu.

San Mateo 10:2 ပူးပေါင်းရင်းမြစ်များ

San Mateo 17:1

Chaymanta sojta p'unchayninman Jesusqa Pedrota, Santiagota, wawqen Juantawan ima, uj jatun orqoman pusarqa.

San Mateo 20:20

Chaypacha Zebedeoj warminwan, churinkunawan ima Jesusman qayllaykorqanku. Warmitaj Jesuspa ñawpaqenpi qonqoriykukuspa, uj imata mañakorqa.

San Mateo 26:37

Chantá Pedrota, Zebedeoj iskay churinkuna Santiagota, Juantawan ima aswan jaqaynejman pusarispa, Jesús sinch'i llakiywan ñak'ariyta qallarerqa.

San Mateo 4:18

Uj p'unchay Jesusqa Galilea qocha kantunta rishaspa, iskay wawqekunata rikorqa. Ujnin Simón karqa, Pedro sutiyoj, ujnintaj Andrés. Paykunaqa challwa jap'ina ch'ipata mama qochaman wijch'uykusharqanku challwiri kasqankurayku.

San Mateo 4:21

Astawan ñawpajman risparí, Jesús iskay wawqekunatawan rikullarqataj: Santiagota, Juantawan. Paykunaqa Zebedeoj churinkuna karqanku, jinataj uj botepi Zebedeo tatankuwan kasharqanku, challwa jap'ina ch'ipankuta t'irispa. Jesusqa paykunatapis wajyallarqataj yachachisqankuna kanankupaj.

Marcos 1:29

Chay tantakuna wasimanta llojsispa, Jesusqa Santiagowan, Juanwan ima Simonpa, Andrespa wasinkuman rerqanku.

Marcos 13:3

Jesuswan, yachachisqankunawan ima Templomanta chimpaman Olivos sutiyoj orqoman rerqanku. Chantá Jesús chaypi tiyakushajtin, Pedrowan, Santiagowan, Juanwan, Andreswan imalla taporqanku:

Marcos 6:30

Jesuspa kuraj kachankunaqa kachasqa kasqankumanta kutimuspa, paywan tantakorqanku. Chantá tukuy ima ruwasqankumanta willarqanku, imatachus yachachisqankumanta ima.

San Lucas 11:49

Chayrayku Tukuy Yachayniyoj Dios nerqa: Noqaqa aylluyman kachasaj noqamanta sut'inchajkunata, kuraj kachakunata ima. Paykunatatajrí wakinta wañuchenqanku, wakintataj ñak'arichenqanku, nispa.

San Lucas 22:14

Mikhuna phani chayamojtin, Jesusqa kuraj kachankunawan khuska mikhunanpaj tiyaykorqa.

San Lucas 22:8

Chantá Jesusqa Pedrota, Juantawan kachaspa, nerqa: Rispa, Pascua mikhunata wakichimuychej, khuska mikhunanchejpaj, nispa.

San Lucas 5:10

Kikillantataj Zebedeoj churinkuna Santiago, Juanwan t'ukorqanku. Paykuna Pedroj challwiri masinkuna karqanku. Jesustajrí Simonta nerqa: Ama mancharikuychu, kunanmantaqa challwata jap'inaykitaqa runakunata mask'anki qhatinawankupaj, nispa.

San Lucas 9:10

Mayk'ajchus Jesuspa kuraj kachankuna kutimorqanku chaypacha, Jesusman willarqanku tukuy imatachus ruwasqankumanta. Chantá paykunata pusariykukuspa, Jesusqa Betsaida llajtanejman rerqa.

San Juan 12:22

Chantá Felipe rispa, Andresman willamorqa, jinataj iskayninku Jesusman willamorqanku.

San Juan 13:23

Chaypacha Jesuspa yachachisqankunamanta ujnin, pitachus Jesús astawan munakorqa, chay qayllanpi kasharqa.

San Juan 20:2

Chantá María usqhay usqhayta Simón Pedroman rerqa, Jesuspaj munasqa yachachisqanmanwan ima. Paykunatataj nerqa: Tukuyta Kamachej Jesuspa ayanta pikunachari apakapusqanku, manataj yachaykuchu maymanchus churasqankuta, nispa.

San Juan 21:2

Chaynejpi Jesuspa kay yachachisqankuna tantasqa kasharqanku: Simón Pedro, Dídimo nisqa Tomás, Galileapi Caná llajtamanta Natanael, Zebedeoj iskaynin churinkuna, chantá iskay yachachisqakunapiwan ima.

San Juan 21:20

Jinapi Pedro qhepata qhawarispa, rikorqa Jesuspa munasqa yachachisqanta jamushajta. Payllataj cenapi Jesusman atiykukuspa, tapusqa: Tukuyta kamachej, pitaj jap'ichisonqari? nispa.

San Juan 21:24

Jesuspa chay yachachisqanqa chay tukuyta willarqa, qhelqarqataj. Yachanchejtaj imatachus nisqanqa ajinapuni kasqanta.

San Juan 6:67

Jinapi Jesús chunka iskayniyoj yachachisqankunata taporqa: Qankunapis ripuyta munallankichejtajchu? nispa.

San Juan 6:70

Jesustaj kuticherqa: Chunka iskayniyojta ajllarqaykichej. Chaywanpis qankunamanta ujniykichejqa Supaymin, nispa.

San Juan 6:71

Chayta Jesús nisharqa Simonpa churin Judas Iscariotemanta, imaraykuchus pay Jesusta jap'ichinan karqa, chunka iskayniyoj yachachisqankunamanta ujnin kashaspapis.

San Juan 6:8

Chantá Jesuspa yachachisqankunamanta ujnin, Simón Pedroj wawqen Andrés nerqa:

Hechos 1:13

Llajtaman chayaspataj, paykuna maypichus tiyakusharqanku, chay wasej alto patanman wicharerqanku. Paykuna karqanku: Pedro, Santiago, Juan, Andrés, Felipe, Tomás, Bartolomé, Mateo, Alfeoj churin Santiago, Zelote nisqa Simón, Santiagoj wawqen Judas ima.

Hechos 1:26

Chaymanta paykuna suerteta choqajtinku, suerteqa Matiaspaj llojserqa. Paytaj chaymantapacha Jesuspa chunka ujniyoj kuraj kachakunawan yupasqa karqa.

Hechos 12:2

Ajinamanta Juanpa wawqen Santiagota espadawan wañuchicherqa.

Hechos 3:1

Uj kuti Pedrowan, Juanwan Temploman risharqanku tardenpi kinsa kaj phani chayta. Chay phanitaqa judiokuna tantakoj kanku Dioswan parlarikunankupaj.

1 Corintios 15:7

Chaymanta Santiagoman rikhurillarqataj, chay qhepatataj tukuynin kuraj kachankunaman.

Efesios 4:11

Paymin wakinkunata churarqa kuraj kachankuna kanankupaj, wakintataj Diosmanta sut'inchajkuna kanankupaj. Wakinta churallarqataj sumaj willayta willajkuna kanankupaj, wakintataj iglesiata michejkuna, yachachejkuna ima kanankupaj.

Hebreos 3:1

Chayrayku Diospaj t'aqasqa wawqe panakuna, janaj pachapi tiyakunapaj wajyasqa kajkuna, Jesús pichus kasqanpi unanchaychej. Payqa Diospa kachan, jinataj Kuraj Kaj Sacerdote, noqanchejtaj paypi atinikunchej.

1 Pedro 1:1

Noqa, Pedro, Jesucristoj kachan kay cartata qhelqaspa apachimuykichej, Diospa ajllakusqankuna pikunachus Pontopi, Galaciapi, Capadociapi, Asiapi, chantá Bitiniapi ima waj llajtayoj jina tiyakushankichej, chaykunaman.

2 Pedro 1:1

Noqa Simón Pedroqa, Jesucristoj wata runan kani, chantá kuraj kachan ima. Kay cartata qankunaman apachimuykichej, pikunachus noqayku jina Jesucristopi atinikorqankichej, chaykunaman. Jesucristopi atinikusqaykichejqa may jina sumajmin. Paypitaj atinikorqankichej Qhespichej Jesucristo Diosninchej cheqan kasqanrayku.

2 Juan 1:1

Noqa iglesiapi kuraj kaj jina kay cartata ajllasqa mamaman, chantá wawankunaman ima qhelqaspa apachini, pikunatachus cheqatapuni munakuni, chaykunaman. Mana noqallachu paykunata munakuni, manachayqa cheqa kajta tukuy jap'ikojkunapis munakullankutaj.

3 Juan 1:1

Noqa iglesiapi kuraj kaj jina kay cartata qhelqaspa may munasqa Gayoman apachini, pitachus cheqa kaj yachachiyman jina munakuni, chayman.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 22:8

Noqa Juan kay imakunata uyarerqani, rikorqanitaj. Chayta uyarispa, rikuspataj kay imakunata rikuchiwaj angelta yupaychanaypaj pampakama k'umuykorqani.