Marcos 9:47 - DIOSPA QHELQACHISQ

⁴⁷ Chantá sichus ñawiyki juchallichisunki chayqa, orqhorpariy. Aswan allin kanman ch'ulla ñawilla kaspa Diospa kamachiyninman yaykunaykeqa, iskaynin ñawiyoj kaspa lawrashaj nina qochaman choqasqa kanaykimanta nisqaqa.

Qheshwa Biblia DC

^47-48 Sichus ñawiyki juchaman urmachisunkiman chayqa, orqhorpariy; allin qampaj kanqa, uj ñawiyojlla Diospa reinonman yaykunaykeqa; manataj allinchu kanman iskaynin ñawisniyoj, infiernoman wijch'uykusqa kanaykeqa, maypichus khurusninku mana wañunkuchu, nitaj jayk'ajpis nina larway thasnukunchu.

DIOSPA QHELQACHISQAN DEUTEROCANONICAL

⁴⁷ Chantá sichus ñawiyki juchallichisunki chayqa, orqhorpariy. Aswan allin kanman ch'ulla ñawilla kaspa Diospa kamachiyninman yaykunaykeqa, iskaynin ñawiyoj kaspa lawrashaj nina qochaman choqasqa kanaykimanta nisqaqa.

Quechua South Bolivia: Dios Parlapawanchej

⁴⁷ Sitajchus ñawiyqui juchaman urmachisunquiman chayka, siq'irpacuy. Ch'ulla ñawiyojpis janaj pachaman yaycuyta atinqui. Chayka aswan allinpuni cashan iscaynin ñawisniyoj uqhu pacha ninaman wijch'uycuska canayquimantaka.

Marcos 9:47 ပူးပေါင်းရင်းမြစ်များ

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Job 31:1

Chantá Job ujtawan parlayta qallarerqa: Noqa sonqoypi nerqani, sipaskunawan puñuykuyta mana munapayanayta.

Salmos 119:37

Ama saqeychu ari ñawiy manakajta qhawananta. Munasqaykiman jina purinaypaj kawsayta qoway.

San Mateo 18:9

Jinallataj sichus ñawiyki juchallichisunkiman chayqa, orqhorparikuytawan karuman wijch'uy. Aswan allin kanman ch'ulla ñawilla wiñay kawsayman yaykunaykeqa, iskaynin ñawiyoj lawrashaj nina qochaman wijch'uykusqa kanaykimanta nisqaqa.

San Mateo 5:22

Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

Marcos 9:43

Chayrayku sichus makiyki juchallichisunki chayqa, khuchurpariy. Aswan allin kanman ch'ulla makilla kashaspa wiñay kawsayman yaykunaykeqa, iskaynin makiyoj kaspa lawrashaj nina qochaman yaykunaykimanta nisqaqa, maypichus nina mana wañunchu, chayman.

Marcos 9:46

Chaypeqa khurukunapis mana wañunkuchu, nitaj jayk'ajpis chay nina wañunchu.

San Lucas 14:26

Pipis yachachisqay kayta munajqa noqatapuni astawan munakunawan tiyan. Tatanmanta, mamanmanta, wawanmanta, wawqe pananmanta, kikin kawsayninmantapis astawan noqata munakunawan tiyan.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Juan 3:5

Chantá Jesús kuticherqa: Sut'ita niyki: Sichus pipis yakumanta, chantá Espiritumanta ima mana paqarin chayqa, Diospa kamachiyninman mana yaykuyta atenqachu.

Gálatas 4:15

Maytaj kunan chay jina kusikuyniykichejri? Kayta allinta yachani: Chaypacha qankuna atiwajchejchus karqa chayqa, ñawiykichejtapis orqhokuspa, qowankichejman karqa.