Marcos 9:43 - DIOSPA QHELQACHISQ

⁴³ Chayrayku sichus makiyki juchallichisunki chayqa, khuchurpariy. Aswan allin kanman ch'ulla makilla kashaspa wiñay kawsayman yaykunaykeqa, iskaynin makiyoj kaspa lawrashaj nina qochaman yaykunaykimanta nisqaqa, maypichus nina mana wañunchu, chayman.

Qheshwa Biblia DC

⁴³ Sichus makiyki juchaman urmachisunkiman chayqa, khuchurpayay; allin kanqa, uj makiyojlla kausayman yaykunaykeqa; manataj allinchu kanman, iskaynin makisniyoj infiernoman, mana thasnukoj ninaman yaykunaykeqa. [

DIOSPA QHELQACHISQAN DEUTEROCANONICAL

⁴³ Chayrayku sichus makiyki juchallichisunki chayqa, khuchurpariy. Aswan allin kanman ch'ulla makilla kashaspa wiñay kawsayman yaykunaykeqa, iskaynin makiyoj kaspa lawrashaj nina qochaman yaykunaykimanta nisqaqa, maypichus nina mana wañunchu, chayman.

Quechua South Bolivia: Dios Parlapawanchej

⁴³ Sichus maquiyqui juchaman urmachisunquiman chayka, qhuchurpacuy. Ch'ulla maquiyojpis wiñay causayman yaycuyta atinqui. Chayka aswan allinpuni cashan iscaynin maquisniyoj uqhu pacha ninaman wijch'uycuska canayquimantaka. Chay ninaka ni jayc'aj wañunchu.

Marcos 9:43 ပူးပေါင်းရင်းမြစ်များ

Job 20:13

Misk'irichikuspa, mana kachariyta munanchu, siminpi unayta jap'in.

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

San Mateo 17:27

Chaywanpis, kaykuna ama rimanankupaj kayta ruway: Qochaman rispa, challwa jap'inaykita choqamuy. Ñawpajta chhallmamoj challwatataj orqhospa, siminta kichariytawan, uj qolqeta tarinki. Chay qolqewantaj qanmanta, noqamantawan Templo impuestota pagamuy, nispa.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

San Mateo 5:22

Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

Marcos 9:44

Chaypeqa khurukunapis mana wañunkuchu, nitaj jayk'ajpis nina wañunchu.

San Lucas 14:13

Manachayqa jatun mikhuyta wayk'uchispaqa, wajyarikuy wajchakunata, ñuk'ukunata, suchukunata, ñawsakunata ima.

San Lucas 14:21

Chantá chay kamacheqa kutimuspa, chay tukuyta patronninman willasqa. Patronrí sinch'ita phiñakuspa, kamachinta nisqa: Riy usqhayta kay llajtaj plazanta, callenkunata ima, pusaramuytaj tukuy wajchakunata, ñuk'ukunata, ñawsakunata, suchukunata ima, nispa.

San Lucas 3:17

Jorcapis makinpiña kashan, erapi trigota wayrachinanpaj. Chantá trigota pirwaman jallch'anqa, pajatatajrí mana thasnukoj ninawan kanaykonqa, nispa.

Romanos 8:13

Sichus qankuna juchallinaman aysaj sonqoykichejpa munasqanman jinachus kawsankichej chayqa, wañunkichej. Sitajchus Santo Espiritunejta juchallinaman aysaj sonqoj munasqanta wañuchinkichej chayrí, kawsankichej.

1 Corintios 9:27

Aswanpis t'ijupi tinkoj jina tukuy imapi ukhuywan kasuchikuni, mana munasqanta ruwaspa. Manachus jinata ruwayman chayqa, wajkunaman Jesusmanta yachachej kashaspapis, noqa kikiy qhesachasqa kayman.

Gálatas 5:24

Cristojta kajkunaqa juchallinaman aysaj sonqonkuta chakatanku, millay ruwayta yachasqa kaynintawan khuskata.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

Tito 2:12

Diospa qhasilla k'acha yanapayninrí yachachiwanchej millayta ruwaspa puriyta qhesachananchejta, chantapis Diosman mana kutirikojkuna imatachus munasqankuta mana munapayananchejta ima. Yachachillawanchejtaj kay pachapi allinta qhawarikuspa purinata, cheqanta ruwaspa kawsanata, chantá Diosta may jatun respetowan qhawaspa kawsanata ima.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.