Marcos 9:29 - DIOSPA QHELQACHISQ

²⁹ Jesustaj kuticherqa: Chay jina supaytaqa Diosmanta mañakuspalla qharqoyta atiwajchej, waj jinamantaqa mana, nispa.

Qheshwa Biblia DC

²⁹ Jesustaj kuticherqa: Mana imawan atisunmanchu kay laya supayta qharqoyta, manachus Diosmanta mañakusunman [ayunaspa] chayqa.

DIOSPA QHELQACHISQAN DEUTEROCANONICAL

²⁹ Jesustaj kuticherqa: Chay jina supaytaqa Diosmanta mañakuspalla qharqoyta atiwajchej, waj jinamantaqa mana, nispa.

Quechua South Bolivia: Dios Parlapawanchej

²⁹ Paycunaman cuticherkataj: —Cay layata kharkoyka mana aticunchu manachayrí tucuy sonkowan Diosmanta mañacuyllawan, —nispa.

Marcos 9:29 ပူးပေါင်းရင်းမြစ်များ

Daniel (hebreo) 9:3

Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

San Mateo 12:45

Chantá rispa, qanchis supaykunatawan pusaykun paymanta aswan millaykunata. Paykunataj chay runaman yaykuspa, chaypi tiyakapunku. Jinapi chay runaj kawsaynenqa aswan millayman tukupun, ñawpaj kasqanmanta nisqaqa. Ajinallataj kanqa kunan tiempo millayta ruwaj runakunawanpis, nispa.

San Mateo 17:20

Jesustaj kuticherqa: Qankuna noqapi mana atinikusqaykichejrayku mana supayta qharqoyta aterqankichejchu. Noqataj kayta sut'ita niykichej: Noqapi atinikusqaykichejchus mostaza muju jinallapis kanman chayqa, kay orqota niwajchej: Kaymanta jaqayman ithirikuy, nispa, ithirinmantaj. Mana imapis qankunapaj kanmanchu mana ruway atinaqa.

San Mateo 17:21

Chaywanpis kay jina supaykunata qharqonapajqa Diosmanta mañakuna, ayunanataj, nispa.

Marcos 9:28

Chantá Jesús uj wasiman yaykojtin, yachachisqankunalla paywan kashaspa, payta taporqanku: Imaraykutaj noqayku chay supayta mana qharqoyta aterqaykuchuri? nispa.

Marcos 9:30

Chaymanta llojsispa, Jesuswan, yachachisqankunawan ima Galilea cheqanejta rerqanku. Jesustajrí chayninta rishasqanta mana pipis yachananta munarqachu,

San Lucas 11:26

Chantá rispa, qanchis supaykunatawan pusaykun paymanta aswan millaykunata. Paykunataj chay runaman yaykuspa, chaypi tiyakapunku. Jinapi chay runaj kawsaynenqa aswan millayman tukupun, ñawpaj kasqanmanta nisqaqa, nispa.

Hechos 14:23

Jinallataj sapa iglesiapi kurajkunata churarqanku. Ayunaspa, Diosmanta mañakuspataj, Pablowan Bernabewan Diospa makinman chay kurajkunata churarqanku, pipichus atinikusqanku, chaypaman.

1 Corintios 9:27

Aswanpis t'ijupi tinkoj jina tukuy imapi ukhuywan kasuchikuni, mana munasqanta ruwaspa. Manachus jinata ruwayman chayqa, wajkunaman Jesusmanta yachachej kashaspapis, noqa kikiy qhesachasqa kayman.

2 Corintios 11:27

Diospaj ruwananpi sinch'ita llank'arqani, mayta sayk'uspa. Ashkha kutita mana puñusqa karqani. Jinallataj yarqhaywan, yaku ch'akiywantaj ch'ayñarqani. Wakin kutipitaj mikhunaypaj mana imapis karqachu. Chantá pisi p'achayoj kaspa, chirichikorqani.

2 Corintios 12:8

Noqaqa Tata Diosmanta kinsa kutita mañakorqani, chay ñak'ariymanta kacharichinawanpaj.

2 Corintios 6:5

Noqayku jasut'isqa karqayku, carcelmantaj churasqa. Jinallataj runa ch'ajwata jatarichispa, wañuchiyta munawarqayku. Jinataj sinch'ita llank'arqayku wakin kuti mana puñusqa, nitaj mikhusqa.

Efesios 6:18

Mana sayk'uyta Dioswan parlarikuspallapuni kaychej, Diosmanta mañakusqaykichejtaj Santo Espíritoj yuyaychasqanman jina kachun. Chantá qhawaspallapuni kashaychej, jinataj Dioswan parlarikuspa, tukuynejpi Diosta qhatejkunarayku mañapuychej.

Santiago 5:15

Paykuna tukuy sonqo mañapojtinkutaj, onqosqa runa qhaliyaponqa, Tukuyta Kamachej Diostaj payta sayarichenqa. Sitajchus juchallikorqa chayqa, Diosqa juchallisqanta pampachallanqataj.